ပြတင်းတံခါးကို တွန်းဖွင့်လိုက်၏။ လတ်ဆတ်သော မနက်ခင်းလေပြေအေးသည်
ဒရောသောပါးဖြင့် အခန်းထဲသို့ တိုးဝင်လာသည်။ ယနေ့နံနက်ခင်းသည် ယမန်နေ့က
မနက်ခင်းများကဲ့သို့ပင် မည်သို့မျှ မထူးခြား။ ပူတလှည့် အေးတလှည့်
မှောင်တလှည့် လင်းတလှည့်ဖြင့် ၊မကျော်ဖြတ်ချင် ကျော်ဖြတ်ချင်
လေးတွဲ့တွဲ့နိုင်လှသော မနက်ခင်းများ ဖြစ်ကြသည်။ မနက်ဖြန်မှာ
မည်သို့နံနက်ခင်းမျိုး ဖြစ်လေမည်လဲဟု စောင့်စားနေမိသော်ငြားလည်း
ထိုမနက်ဖြန်တို့သည် ထပ်ခါတလဲလဲ တူညီသော မနက်ခင်းမျိုးဖြင့်သာ စတတ်ကြသည်။
ဆေးရောင်ပြယ်စ ပြတင်းဘောင်ကို လက်တင်ပြီး အပြင်သို့ ငေးကြည့်မိသည်။ မိမိအိမ်ရှေ့က ပြုပြင်ဖာထေးခြင်းမရှိသည့် ကားလမ်းက အချိန်နှင့်အတူ စီးမျောရင်း အိုသည်ထက်အိုလာသည်။ ဘေးတဖက်တချက်တွင် ကပ်ပေါက်နေသော မြတ်ပင်ငယ်များကြောင့်သာ လမ်းအနားသတ် ရှိနေသေးပါလားဟု ထင်ရ၏။ ကားမျိုးစုံဖြတ်သန်းသွားသည့် ဒဏ်ရာဒဏ်ချက်များကြောင့် လမ်းမအိုကြီးသည် ရုပ်ဆိုးဆိုးဖြင့် ရင့်ထော်နေသည့် စုန်းမကြီးနှင့်တူလှသည်။ ကိုယ့်အတွေးဖြင့် ကိုယ်တွေးရင်း ပြုံးမိလာပြန်သည်။ ဒီလမ်းမကြီးက ဖွာလန်ကြဲသည့် စုန်းမကြီးနဲ့ တူသည်ဟု ပြောလျှင်အပြုံးအရယ်နည်းသည့် စုပင်ကျွန်တော်နှင့်အတူ ပြုံးရယ်မိမှာ သေချာပါသည်။
ကျွန်တော်နေထိုင်သော ဖားရွှေကျော်လမ်းမသည် ဒဂုံမြို့သစ်မြောက်ပိုင်းထဲတွင် ရှိသည်။ ထိုလမ်းမက ခြောက်ရပ်ကွက်နှင့် ငါးရပ်ကွက်ကို မျဉ်းခြားသတ်မှတ်ထားသော လမ်းမတစ်ခုဖြစ်သည်။ ပြောင်းလာကာစက ငါးရပ်ကွက်တွင် အိမ်ခြေများသော်လည်း ခြောက်ရပ်ကွက်ဘက်ခြမ်းတွင်ကား အိမ်သုံးအိမ်သာ စုတန်းလျှက်ရှိခဲ့သည်။ ဘေးပတ်လည် မြေကွက်များသည်ကား မြေကွက်ချည်းသက်သက်သာ ဖြစ်နေခဲ့ဖူးသည်။ ထိုအိမ်သုံးအိမ်တွင် ကျွန်တော်နေထိုင်ရာ အိမ်လေးက အလယ်တွင် ဖြစ်သည်။ သူငယ်ချင်းများက ကျွန်တော်တို့အိမ်တန်းလေးကို သုံးအိမ်စုရွာလို့ နောက်ပြောင်ခေါ်ခဲ့သည်။ နှစ်ပေါင်း၂၀ကျော်ကြာသည့်တိုင် ထိုသုံးအိမ်စုရွာလေးကား မပြောင်းလဲခဲ့။ ထိုအိမ်များ၏နောက်ဘက်တွင် တဲအိမ်လေးများသာ တိုးလာခဲ့သော်လည်း သုံးအိမ်စုရွာက သုံးအိမ်စုမျှသာ ဖြစ်ခဲ့သည်။ ထိုသုံးအိမ်စုလေးသည်ပင် ကျွန်တော်နှင့်အတူ မနက်ဖြန်တိုင်းကို တူညီသော နံနက်ခင်းများဖြင့်သာ အတူတူ ဖြတ်သန်းခဲ့ရ၏။
တချိန်က ထိုသုံးအိမ်စုရွာလေးသို့ စုခဏခဏရောက်ခဲ့ဖူးသည်။ စုနှင့် သုံးအိမ်စုရွာလေးသည် ရင်းရင်းနှီးနှီးရှိခဲ့ဖူးသည်။ သုံးအိမ်စုရွာလေးသည် ခြောက်ကပ်ကပ်နိုင်လှပေမယ့် စုရှိနေသည့်အချိန်များတွင် သက်ဝင်လှုပ်ရှားမှုစွာဖြင့် ပျော်စရာကောင်းခဲ့သည်။
ကျွန်တော်တို့ သုံးအိမ်စုလေးမှာ ကျွန်တော်တို့အိမ်က အလယ်မှာ ရှိပြီး ခေါင်းရင်းဘက်မှာတော့ တက္ကသိုလ်ဆရာမနှင့်သူမ၏ကလေး သုံးယောက်နေထိုင်ကြသည်။ ဆရာမက ဒဂုံတက္ကသိုလ်တွင် ကထိကတစ်ဦးဖြစ်ပြီး ကလေးများကတော့ သုံးနှစ်၊ငါးနှစ်၊ခုနစ်နှစ်အရွယ်များဖြစ်ခဲ့သည်။ ဆရာမအမျိုးသားကတော့ နိုင်ငံခြားသဘောင်္လိုက်နေသော သဘောင်္သားတစ်ဦးဖြစ်သည်။ ထို့ကြောင့်ထိုအိမ်တွင် ဆရာမရယ်၊ကလေးသုံးယောက်ရယ်၊ ဆရာမအမေရယ်၊ ထိုငါးယောက်သာ အမြဲရှိတတ်သည်။
ကျွန်တော်၏ခြေရင်းအိမ်ကတော့ ပေလေးဆယ်ပေခြောက်ဆယ်မြေကွက်နှစ်ကွက်ကို တွဲလျက်ဝယ်ပြီး ဆောက်ထားသည့် တစ်ထပ်တိုက်အိမ်လေးရှိသည်။ အိမ်မှာတော့ အိမ်သားလေးယောက်သာ ရှိ၏။ ငွေကြေးတတ်နိုင်သော အသိုင်းအ၀ိုင်းမှ ဖြစ်ပြီး အနီးပတ်ဝန်းကျင်ဖြင့် ခပ်ကင်းကင်းနေတတ်ကြသည်။
စုနှင့်သုံးအိမ်စုရွာလေး တွေ့ဆုံမှုသည်လည်း ရိုးရိုးရှင်းရှင်းလေးလေးသာဖြစ်ခဲ့သည်။ တစ်ခုသော ဆောင်းရာသီနံနက်ခင်းတစ်ခုမှာ ဖြစ်၏။ စုနှင့်ကျွန်တော် အတန်းမတက်ချင်ခဲ့။ စုက ကျွန်တော်နင်းသော စက်ဘီးပေါ်မှာ သီချင်းလေးတအေးအေးဖြင့် လိုက်စီးချင်သည်တဲ့။ ကျွန်တော်က ကျောင်းကို အမြဲတမ်း စက်ဘီးလေးစီးပြီး ကျောင်းတက်သည်။ ကျွန်တော့်ဂျပန်ဘီးလေး၏ ကယ်ရီယာခုံနောက်မှာ စုကိုတင်ပြီး ကျောင်းကို တပတ်ပီး တစ်ပတ်နင်းသည်။
“ကျော်ကျော်က.. ကျောင်းလာရင် အခုလိုတပတ်ပတ်ပြီးမှ ကျောင်းထဲဝင်တာပေါ့ဟုတ်လား”
စုက ကျွန်တော့်နောက်နားမှာ ထိုင်လျှက် ခနဲ့တဲ့တဲ့ စခဲ့ဖူးသည်။ ထိုအခါကျွန်တော်က…
“စုသာ.. ကျွန်တော့် ကယ်ရီယာခုံနောက်မှာ အကြာကြီးလိုက်စီးနိုင်ရင် ကျွန်တော်ကျောင်းကိုလာတဲ့ လမ်းတလျောက်…. စုကို ခေါ်သွားမှာပေါ့” ပြောလိုက်မိ၏။
စုက ကျွန်တော်တင်နင်းမည့် စက်ဘီးနောက်ကို လိုက်စီးမည်ဟုလည်း မပြော၊ မစီးနိုင်ဘူးဟုလို့လည်း မငြင်း၊ ကျွန်တော်တို့သတိထားသည့်အချိန်ရောက်သည့်အခါမှာတော့ စက်ဘီးလေးက ဒဂုံတောင်မြောက်လမ်းဆုံဘက်သို့ ဦးတည်နေ၏။ ဤသို့ဖြင့် စုနှင့် သုံးအိမ်စုရွာလေးသည် နံနက်ခင်းတစ်ခု၌ ကဗျာမဆန်စွာ တွေ့ဆုံခဲ့ကြသည်။
တွေ့ခါစအချိန်တို့တွင် စုနှင့် ထိုသုံးအိမ်စုရွာလေးသည် ရင်းရင်းနှီးနှီးမရှိလှ။ လာပါများတော့လည်း တဖြေးဖြေးရင်းနှီးလာခဲ့သည်။ အထူးသဖြင့် ခေါင်းရင်းအိမ်မှ ကလေးသုံးယောက်နှင့်ပေါ့။
စုလာလည်သည့်အခါတိုင်းတွင် မေမေက စုကြိုက်တတ်သည့် မုန့်ဟင်းခါးကို ရံဖန်ရံခါ ချက်ကျွေးတတ်ပြန်သည်။ မေမေက မြစ်ဝကျွန်းပေါ်သူပီပီ၊ ငါးနိုင်နိုင်ဖြင့် ချက်သည်။ ထို့ကြောင့် မေမေချက်သည့် မုန့်ဟင်းခါးသည် ငါးနှစ်ရည်ပြစ်ပြစ်ဖြင့် အရသာ အရမ်းရှိသည်ဟု စုက ဆိုသည်။ မေမေမုန့်ဟင်းခါးချက်သည့်နေ့တိုင်း ခေါင်းရင်းအိမ်မှ ကလေးသုံးယောက်က မီးဖိုချောင်တွင် တ၀ဲလည်လည် လုပ်နေတတ်သည်။ ထိုအခါမျိုးတွင် စုက သူမမှာပါလာသည့် ပန်းချီဆေးရောင်စုံမျိုးစုံကို ဈေးဗန်းချရောင်းသလို တန်းစီချထားပြီး ကလေးလေးတွေကို ပန်းချီဆွဲသင်ပေးတော့သည်။
ထိုကလေးသုံးယောက်တွင် အသက်ခုနှစ်နှစ်အရွယ် အသက်အကြီးဆုံးမိန်းကလေးက အေးဆေးသလောက်၊ အသက်သုံးနှစ်အရွယ် အငယ်ဆုံးမလေးကတော့ ဖျတ်လတ်သည်။ သွက်သည်။ သူမက စုရဲ့ ရောင်စုံဆော့ပင်လေးတွေကို ယူပြီး သူမ၏အကျီင်္အဖြူလေးမှာ အရုပ်များ ရေး၏။ မေမေက တွေ့လျင် ဟန့်ပေမယ့် စုကတော့ မသိမသာ လွှတ်ပေးတတ်သည်။ ညရောက်လျှင်တော့ ကလေးတို့၏အမေ၊ ဆရာမက စိတ်ဆိုးမာန်ဆိုးဖြင့် အရောင်များစွန်းပေနေသည့် အင်္ကျီအဖြူလေးကို ကိုင်ကာ ညရောက်လျှင် ရောက်လာပါတော့သည်။ တစ်ရက်လည်းမဟုတ်၊ နှစ်ရက်လည်းမဟုတ် စွန်းပေဖန်များလာတော့ စုကို ကလေးတွေ အကျီစပေါ်မှာ အရုပ်ရေးလျှင် တားပေးဖို့ ကျွန်တော်ကပင် တောင်းပန်ယူရသည်။ ဒါပေမယ့် ကျွန်တော့်တားဆီးမှုကို စုက ထုံးစံအတိုင်း ထုံပေပေဖြင့် အကြောင်း အမျိုးမျိူးပြကာ ငြင်းဆန်တတ်ပြန်၏။
“ကျော်ကျော်ရယ်။ ဒီအရွယ်လေးတွေက အသစ်အဆန်းရှာဖွေတတ်တဲ့အရွယ်။ ပန်းချီအနုပညာဆိုတာ စာရွက်ပေါ် ပိတ်ကားပေါ်ဆွဲမှ ပန်းချီလို့ခေါ်ရမှာလား။ အခုလို အကျီင်္စပေါ်မှာ ဆွဲတတ်တော့ ပန်းချီဆိုတာ စာရွက်တွေ ကန်းဗတ်စတွေနဲ့ Limit မရှိဘူးဆိုတာ ကလေးတွေ နားလည်လာမှာပေါ့။ အခုအချိန်မှာ ကလေးတွေ သွားတားရင် သူတို့ စူးစမ်းရှာဖွေချင်စိတ်ကလေးတွေကို သွားတားဆီးတာ မရောက်ဖူးလား”
နောက်တကြိမ် သုံးအိမ်စုရွာလေးသို့ စုလာလည်သည့်အခါတွင်တော့ စုအိတ်ထဲတွင် ပုံဆွဲစက္ကူများအပြင် ပိတ်စဖြူဖြူလေးများလည်း ပါလာခဲ့၏။
…………………………………………………..။………………………………………………………….
တခါတလေ စုသည် အတွေးများဖြင့် ငြိမ်သက်နေသော်ငြားလည်း ကလေးများနှင့် တွေ့သည့်အခါတွင်တော့ သူမ၏ လွတ်လပ်ပေါ့ပါးသည့် အပြုံးအရယ်များက အသက်ဝင်လာခဲ့သည်။
ကလေးသုံးယောက်တွင် အလတ်ကလေးက ယောက်ျားလေးဖြစ်ပြီး ပန်းချီပညာကို ပိုပြီး စိတ်ဝင်တစား ရှိလှသည်။ တပတ်တခါ ရောက်လာတိုင်း ထိုကလေးလေးဆီမှာ ပြစရာ ပန်းချီအသစ်အဆန်းလေးများ ရှိနေတတ်သည်။ ငါးနှစ်မပြည့်တပြည့် အရွယ်လေးဖြစ်ပြီး စကားကို လေလုံးပေါက်အောင် မပြောတတ်သေးပေမယ့် ချစ်စရာကောင်းသည့် ကာလာအဆန်းအပြားလေးများက ထိုကလေးလေးထံတွင် ရှိနေတတ်သည်။ တခါတလေ စုက သူ့ကို Little Vengoh လို့ခေါ်တတ်ပြန်သည်။
စုသည် ထိုကလေးလေးနှင့်ဆုံတိုင်း စိတ်ရှည်လက်ရှည် ပုံဆွဲသင်ပေးတတ်၏။ ဟိုခြစ်သည်ခြစ် လုပ်ထားသော ထိုကလေး၏ ပုံများသည် ရှုပ်ပွေလိမ်နေတတ်ပေမယ့် စုကတော့ ထိုကလေး၏ ပန်းချီကားလေးများကို တယုတယကြည့်ရှုလေ့ ရှိ၏။ ရှိသမျှပုံဆွဲစက္ကူလေးများကိုလည်း ထိုကလေးလေးအား ထုတ်ပေးတတ်၏။ သူမ၏ပုံဆွဲစက္ကူများ ကုန်သွားသည့်အခါတိုင်း ကျွန်တော့်အိတ်ထဲမှ ပုံဆွဲစက္ကူတွေဆီ မျက်လုံးက ရောက်လာတတ်သည်။ ထိုအခါမျိုးတွင် စက္ကူတွေကို ကျွန်တော်ကပဲ ကလေးဆန်စွာ ၀ှက်ထားတတ်ခဲ့ပြန်သည်။
“စုကလည်းကွာ၊ ပုံဆွဲစက္ကူတွေက ဈေးကြီးက ကြီးသနဲ့။ကလေးတွေကို ဗလာစာအုပ်တအုပ်ထုတ်ပေးလိုက်ပေါ့” ဟု ခဏခဏ ညူစူမိပြန်ပါသေးသည်။
“ကျော်ကျော်ကလည်း၊ သူ့ကြည့်ရတာ၊ ပုံဆွဲစက္ကူနဲ့ ဆွဲရတာ အရသာပိုတွေ့သလိုပဲ။ စုငယ်ငယ်တုန်းကဆို ဖေဖေက ပုံဆွဲစက္ကူပဲ ၀ယ်ပေးတာ၊ ဗလာစာရွက်နဲ့ ဆွဲရင် ဆူရောပဲ။ ဆွဲပါစေ ကျော်ကျော်ရယ်… ကျောင်းရောက်ရင် စုပြန်ပေးပါ့မယ်”
နောက်ဆုံးကျတော့ ကျွန်တော်ပဲ အလျှော့ပေးကာ ဗန်ဂိုးအသေးစားလေးအတွက် ပုံဆွဲစက္ကူများကို ထုတ်ပေးခဲ့ရသည်။
စုက သူမငယ်ငယ်တုန်းကအကြောင်းကို မပြောတတ်။ အခုလို စိတ်ပါလက်ပါ ရှိသည့်အချိန်တွင်မတော့ တခွန်းစနှစ်ခွန်းစ ပြောပြတတ်၏။ စုဖေဖေကို မည်သူလည်းဆိုတာ ကျွန်တော်သေချာမသိ။ ဒါပေမယ့် စုက သူမ၏ဖခင်အကြောင်းပြောသည့်အခါတိုင်းတွင်တော့ လှိုက်လှိုက်လှဲလှဲရှိလှသည်။ စုဖေဖေသည် စုကိုအတော်ချစ်မည် ထင်ပါသည်။ စုချစ်သည့် အနုပညာက စုဖေဖေဆီကများ ရခဲ့တာလားဟု ကျွန်တော်က မေးမိသည့်အခါတိုင်းတွင်တော့ စုသည် ဘာကိုမျှမဖြေ အဝေးသို့သာ ငေးကြည့်နေတတ်ခဲ့သည်။ မေးခွန်းတော်တော်များများကို အခုလိုဖြေနေကျမို့ ကျွန်တော်အတွက်တော့ အထူးအဆန်းတစ်ခုတော့ မဟုတ်ခဲ့ပါ။
ကလေးသုံးယောက် ပုံဆွဲပြီးသည့်အချိန်တိုင်းမှာ စုက စိတ်ရှည်လက်ရှည် စာရွက်အနားလေးများကို ချိုးပြီး စက္ကူဘောင်ကလေးများ လုပ်တတ်သေး၏။ ထိုစက္ကူဘောင်ကလေးတွင် ကလေး သုံးယောက်၏ ပန်းချီသေးသေးလေးများကိုထည့်ပြီး ဧည့်ခန်းထဲက နံရံပေါ်မှာ တိပ်ဖြင့် စီစီရီရီလေး ကပ်ထားတတ်၏။ ဧည့်ခန်းလေးသည် စုရောက်လာသည့်အခါတိုင်းတွင် ပန်းချီပြခန်းလေး ဖြစ်သွားတတ်သည်။ (ယခုအချိန်မှာတော့ ထိုပန်းချီပြခန်းလေးသည် ကျွန်တော့်ရဲ့ ပန်းချီစတူဒီယိုလေး ဖြစ်လာခဲ့သည်) စုက ထိုပန်းချီပြခန်းလေးနာမည်ကို သုံးအိမ်စုရွာဟု ကပ်ကပ်သပ်သပ် နာမည်ပေးတတ်ပြန်သေးသည်။ ကျွန်တော်ကတော့ ထိုနာမည်လေးကို သဘောကျမိသော်လည်း မေမေကတော့ သုံးအိမ်စုရွာလို့ ပြောလျင် မကြိုက်။ နောက်တစ်နှစ်၊ နှစ်နှစ် စောင့်ကြည့်လိုက်စမ်းပါအေ။ ဒီနားမှာ ဒဂုံတက္ကသိုလ်အရှိန်နဲ့ အိမ်တွေ အများကြီးဖြစ်လာမှာပါအေ့လို့ ဒေါသအေးအေးလေးဖြင့် စု၏ပန်းချီပြခန်းလေးကို ရန်တွေ့တတ်ပါသေးသည်။ ထိုပြခန်းလေး၏ အမြဲတမ်း ဧည့်သည်မှာလည်း ကျွန်တော်နှင့် မေမေသာ ဖြစ်ခဲ့သည်။ စုပြန်သွားသည့်အခါတွင်တော့ ဧည့်ခန်းတစ်ခုလုံး စက္ကူစများ၊ ဆေးစက်များဖြင့် ပေပွကျန်တတ်ခဲ့သည်။ ဒိုင်ခံရှင်းရသည့် သူမှာလည်း ကျွန်တော်နှင့်မေမေသာဖြစ်ခဲ့သည်။
တစ်ရက်တော့ စုက ကလေးသုံးယောက်ကို ကြီးလာလျှင် ဘာဖြစ်ချင်သလဲဟု မေးခဲ့သည်။ အငယ်မလေးက သူမ၏၀ါညစ်နေသော ဂါဝန်ဖြူလေးကို လက်နဲ့ ဆုပ်ခါရင်း..
“မီးမီးက ကြီးလာရင် အိမ်ရှေ့အိမ်က အန်တီကြီးလို ကားကြီးစီးပြီး အိမ်ပွဲစားမကြီးလုပ်မှာ”
“မီးမီးက ဘာလို့ အိမ်ပွဲစားမကြီး ဖြစ်ချင်တာလဲ၊ မီးမီးမေမေလို ဆရာမကြီး မဖြစ်ချင်ဘူးလား”
“မဖြစ်ချင်ပါဘူးဦးဦးရ.. အဲဒီအန်ကြီးဆီမှာ ပိုက်ဆံတွေအများကြီးပဲ၊ ပွဲစားမကြီးလုပ်မှ ပိုက်ဆံရမှာ၊ မေမေ့လို့ ဆရာမလုပ်ရင် ပိုက်ဆံရမှာ မဟုတ်ဘူး”
“မီးမီးက ပိုက်ဆံတွေအများကြီးရရင် အဲဒီပိုက်ဆံတွေနဲ့ ဘာလုပ်ချင်လို့လဲ” မေးလိုက်တော့…
“မီးမီးက မုန့်တွေအများကြီး ၀ယ်စားပစ်မှာပေါ့၊ ပြီးတော့ ချောကလက်တွေလည်း အများကြီးဝယ်စားဦးမှာ”
စုက အငယ်မလေးရဲ့ အဖြေကို ကြားမိတော့ ရယ်သည်။ စုရယ်သံသည် အငယ်မလေးရယ်သံကဲ့သို့ပင် အပူအပင်ကင်းမဲ့လှသည်ဟု ကျွန်တော် ထင်မိသည်။ စုနှင့်ပါတ်သက်လာလျှင် အကုန်လုံး မှန်းစချက်တွေသာ ဖြစ်ခဲ့သည့်အတွက် ကျွန်တော့်ကို ကျွန်တော်အားမရခဲ့။ (စုရဲ့ ငယ်စဉ်ဘ၀ကို ကျွန်တော် သိခဲ့ရသည့်အချိန်မှာတော့ ကျွန်တော်ကိုယ့်ကိုယ်ကို ညံ့ဖျင်းလှပါလားလို့တောင် အပြစ်တင်ခဲ့မိသည်။)
……………………………………..။………………………………………………….
ကျွန်တော်နှင့် စုသည် အိမ်သုံးစုရွာလေးမှာ မိုးတွင်းတစ်ခုကိုလည်း အတူတူဖြတ်သန်းခဲ့ဖူးသည်။ ဆောင်းတွင်းတစ်ခုမှာလည်း အတူတူလမ်းလျှောက်ခဲ့ဖူးသည်။ နွေညနေခင်းတစ်ခုမှာလည်း ပန်းချီအတူတူ ဆွဲခဲ့ဖူးကြသည်။ ရာသီပတ်လည် တစ်ခုလုံး တစ်ဦးရဲ့တစ်ဦး အတွေးကိုယ်စီကို ပုံဖေါ်ဖူးခဲ့ကြသည်။ ကျွန်တော့်အတွေးများကို စုက အလွယ်တကူ ပုံဖော်နိုင်ပေမယ့် စု၏အတွေးများကို ပုံဖော်ရတာတော့ ၀ိုးတ၀ါး ရှိလှသည်။ စုသည် အဖြေမရှိသည့် ပုစ္ဆာတစ်ပုဒ်လားမပြောတတ်။ ဒါမှမဟုတ် အဖြေချပေးပြီးသား ပုစ္ဆာတစ်ပုဒ်ကို ဘယ်လိုအဖြေရသလဲဆိုတာ ပြန်ရှင်းပြရခက်သလိုလိုမျိုး။ တခါတလေ စုရှိနေသည့် ကမ္ဘာထဲကို တိုးဝင်ကြည့်ချင်သည်။ ကျွန်တော်ရဲ့ ကမ္ဘာထဲကိုလည်း စုကို ဆွဲခေါ်ချင်သည်။ ဒါပေမယ့် စုနှင့် ကျွန်တော်သည် ကမ္ဘာသစ်နှင့်ကမ္ဘာဟောင်း တစ်ခုပမာပင်။
“စုကို ကျွန်တော် ဒီအိမ်လေးထဲမှာ ၀ှက်ထားလိုက်ချင်တယ် သိလား.. စုနဲ့ ဝေးရမှာ တွေးရင်းနဲ့တောင် ကြောက်တယ်”
ကျွန်တော်က စုကို ကလေးဆန်စွာ ပြောမိတော့…..
“စုတို့ ကျောင်းပြီးရင်း အတူတူနေကြတာပေါ့.. ကျော်ကျော်ရယ်” တိုးတိုးလေး ပြန်ဖြေခဲ့ဘူးသည်။
တကယ်လား လို့ ကျွန်တော်က ထပ်ကာမေးမိတော့ စုက အင်းပေါ့ ကျော်ကျော်ရယ်လို့ ပြန်ဖြေသည်။ စုက သူ့ကမ္ဘာဟောင်းလေးထဲကို ကျွန်တော့်ကို ဆွဲခေါ်ဖို့ စိတ်ကူးမရှိလေသည်လား။ ကျွန်တော့်ကမ္ဘာသစ်လေးထဲသို့ တိုးဝင်ရန် ဆုံးဖြတ်ထားသည်လား ကျွန်တော် သေချာမသိခဲ့။ စုက ခေါင်းညိတ်လိုက်သည့်အချိန်တွင် ကျွန်တော်တို့ အနာဂတ်အတွက် အလင်းစက်တွေ ဖြာဝေနေသည်ဟု နှစ်ယောက်သား စိတ်ကူးယဉ်မိခဲ့ကြသည်။
ညနေခင်းတစ်ခုမှာတော့ စုရယ်ကျွန်တော်ရယ်၊ ကလေးသုံးယောက်ရယ် ဖားရွှေကျော်လမ်းတလျှောက် လမ်းလျှောက်ထွက်ကြသည်။ တခါတလေ ထိုလမ်းအဆုံးလေးမှ ကွေ့ပြီး ဒဂုံတက္ကသိုလ်ထဲအထိ လမ်းလျှောက်တတ်သည်။ ဒဂုံတက္ကသိုလ်ထဲမှ ပတ္တမြားကလပ်ရှိရာ ရေပန်းနားတွင် ခဏထိုင်ပြီးမှ ပြန်တတ်ကြသည်။ စုက ပူလောင်ဆူညံသည့် လမ်း၃၀က သူမ၏တိုက်ခန်းလေးထက် လယ်ကွင်းများကို ဖြတ်ပြီး တိုက်ခတ်လာသည့် လေညင်းတွေရသည့် သည်နေရာလေးကို ပိုပြီး ခုံမင်သည် ထင်ရသည်။
သည်ညနေမှာတော့ ကျွန်တော်တို့ ဖားရွှေကျော်လမ်းမတလျှောက်မှာပဲ လမ်းလျောက်ဖြစ်ကြသည်။ ကျွန်တော်တို့ ၆ရပ်ကွက်ဘက်ခြမ်းမှာတော့ ခြံအမှတ်အသား ကွန်ကရစ်တိုင်ငုတ်လေးတွေသာ ရှိနေပြီး ပကတိလယ်ကွင်းပြင်သက်သက်သာ ရှိသေးသည်။ ၅ရပ်ကွက်ဘက်ခြမ်းမှာတော့ ခြံတွေ ပြည့်လုနီးပါး အိမ်လေးများက တိုးလို့တွဲလောင်း ဆောက်နေတုန်းပေါ့။
စုက သူမမှာပါလာသည့် ကင်မရာလေးကို ကလေးတွေပေးလိုက်သည်။
“မမ.. မင်းတို့ကို ကင်မရာလေးပေးမယ်။ အဲဒီကင်မရာလေးနဲ့ မင်းတို့ ကြိုက်တဲ့ ပုံလေးတွေရိုက်ခဲ့ကြ။ ပြီးရင် အိမ်စာပေးမယ်။ ပုံကောင်းကောင်းဆွဲနိုင်တဲ့သူကို ချောကလက်တွေ ၀ယ်ကျွေးမယ်”
ကလေးသုံးယောက်စလုံး သူတို့လက်ထဲအရုပ်အသစ်ရသလို ဝေးကနဲအော်ပြီး ဓါတ်ပုံမရိုက်တတ်ရိုက်တတ်ဖြင့် သဘောကျတာမှန်သမျှ တဖျတ်ဖျတ် ကလစ်နှိက်ကြသည်။ စု၏ကင်မရာလေးသည် ချက်ချင်းရိုက်၊ ဓါတ်ပုံချက်ချင်း ထွက်သော ကင်မရာလေးဖြစ်သည်။
မောင်နှမသားချင်းမရှိသည့် စုအတွက် ထိုမောင်နှမသုံးယောက်က ဘုရားပေးတဲ့ ဆုလေသည်လား မပြောပြတတ်ပါ။ တခါတလေ သူ့ဆီမှာ မောင်နှမတွေ အများကြီး ရလျှင် ကောင်းမှာပဲဟု တောင့်တတတ်သည်။ စုပြောပြောပြနေသည့် စုနှင့်အတူတူနေသည့် အဒေါ်အပျိုကြီးကလွဲလို့ တခြားဆွေမျိုးသားချင်းများအကြောင်း မကြားမိ။ စုတစ်ယောက် မိသားစုမေတ္တာ ငတ်နေသလားလို့တောင် ကျွန်တော်ထင်မိ၏။
“အခုတော့ စုတယောက်တည်းပေါ့။ ကိုယ်တို့အလှည့်ကျရင်တော့ ကိုယ်တို့ကလေးတွေ အဖော်မမဲ့အောင် တစ်ယောက်ပြီး တစ်ယောက်မွေးကြမယ်လေ”
စုသည် တခြားမိန်းကလေးများကဲ့သို့ ကျွန်တော်ကိုရှက်ပြုံးပြုံးကား လက်သီးဆုပ်ဖွဖွလေးဖြင့် ထုလည်းမထု၊ စိတ်လည်းမကောက်။
“အင်း.. မွေးကြတာပေါ့.. ကျော်ရယ်”ဟု ခပ်တည်တည်လေးသာ ညည်းသည်။ ထိုအခါ စိတ်မကောင်း ဖြစ်ရသူက ကျွန်တော်ပင် ဖြစ်သည်။
အိမ်ပြန်ရောက်တော့ နေပင် အတော်စောင်းနေပြီ။ စုက ကလေးလေးတွေ ရိုက်ထားသည့် ဓါတ်ပုံလေးများကို တစ်ခုချင်းကြည့်ပြီး.. အိမ်စာပေးမည်ဟုဆိုကာ သံဗူးအရှည်လေးတစ်ခုထုတ်ပြသည်။ ထိုသံဖူးလေးသည် အပြားရှည်ရှည်လေးဖြစ်ပြီး လက်နှစ်လုံးလောက်သာထူသည်။
“မမတို့ ကစားပွဲ တစ်ခုစမယ်နော်။ ဒီကစားပွဲက ကြာမယ်။ စိတ်ရှည်ရမယ်။ နောက်ပြီး အဲဒီကစားပွဲကို စိတ်ရှည်လက်ရှည်ဆော့ရမယ်၊ သဘောတူလား”
ကလေးသုံးယောက်က ကစားရမည်ဆိုတော့ ခုန်ပေါက်နေကြသည်။
“မမ.. မင်းတို့ကို စာရွက်တစ်ရွက်စီ ပေးမယ်နော်။ အဲဒီစာရွက်နဲ့ မင်းတို့ ပုံတွေဆွဲရမယ်။ မဆွဲခင် မင်းတို့ရိုက်လာတဲ့ ဓါတ်ပုံလေးတွေကြည့်ပြီး၊ မင်းတို့နေတဲ့ ဒီဖားရွေကျော်လမ်းမကြီး နောင်အနှစ်နှစ်ဆယ်ကျရင် ဘယ်လိုရှိနိုင်မလဲဆိုတာ စိတ်ကူးယဉ်ရမယ်။ စိတ်ကူးယဉ်ရမယ်ဆိုတာ မင်းတို့သုံးယောက် ဒီလမ်းကလေးကို ဘယ်လိုဖြစ်ချင်တာလဲဆိုတာပေါ့”
စကားအများကြီး မပြောဘဲ တိတ်တိတ်လေးနေတတ်သော အကြီးမလေးက….
“သမီးကလေ၊ ဥယျာဦကြီးထဲမှာ အိမ်ဆောက်ပြီး နေချင်တာ။ ဒီလမ်းကြီးတလျှောက်ကို ပန်းခြံကြီးဖြစ်အောင်ဆွဲချင်တယ်”
“သားသားကတော့ ပြိုင်ကားမောင်းတဲ့လမ်းကြီးဆွဲမယ်”
အငယ်မလေးကတော့ ဘာဆွဲမယ် ညာဆွဲမယ်မပြော…
“မမ.. မီးမီးတို့ အခုလိုဆွဲလိုက်တာနဲ့.. မနက်ဖြန်ကျရင် ဒီလမ်းမကြီးက မီးမီးတို့ ဖြစ်ချင်တဲ့အတိုင်း ပြောင်းလဲသွားမှာလားဟင်” တဲ့။
စုကတော့ အငယ်မလေးကို ပြုံးကြည့်ပြီး…
“မီးမီးဖြစ်ချင်တာတွေ မနက်ဖြန်မှာ အကုန်လုံးဖြစ်မှာပေါ့။ ဒါပေမယ့် မနက်ဖြန်တစ်ခုတည်းနဲ့တော့ မရဘူး။ မနက်ဖြန်တွေအများကြီးကို စောင့်ရမှာ”
ကျွန်တော်ကတော့ စုကို ကြည့်ပြီး ရယ်နေမိခဲ့သည်။ စုရယ် သုံးနှစ်၊ငါးနှစ်အရွယ်ပဲ ရှိတဲ့ ကလေးတွေက နောင်အနှစ်နှစ်ဆယ်မှာ သူတို့ပန်းချီကားလေးတွေ မှတ်မိနေရင် ကံကောင်းဟု... စနေမိခဲ့သည်။ စုကတော့ စိတ်လည်းမဆိုးပါ။ ရယ်လည်း မရယ်ပါ။ သဘောကျတာ လုပ်လိုက်ရသကဲ့သို့ ခပ်ပြုံးပြုံးသာ ရှိနေခဲ့၏။ အကယ်၍သာ သူမသာ ထိုပန်းချီကားလေးတွေ မြင်တွေ့နိုင်တော့မှာ မဟုတ်ဘူးဟု ကြိုတင်သိရှိခဲ့လျှင် အခုလို ပြုံးနေနိုင်ပါ့မလား။
“ဒီနေ့ည အပြီးဆွဲရမယ်နော်.. ဆွဲပြီးသွားရင် ဦးကျော်ကျော်ကို ပေးလိုက်။ မပေးခင် ကိုယ်ဆွဲထားတဲ့ ပုံကို အနှစ်နှစ်ဆယ်လုံးလုံး မှတ်မိနေအောင် ကြည့်ထားရမယ်။ ဟုတ်ပြီလား။ ဦးကျော်ကျော်က မင်းတို့ရဲ့ ပုံလေးတွေကို ဒီသံဗူးလေးထဲမှာ အားလုံးကိုယ်စား စုပြီး သိမ်းထားပေးလိုက်မယ်၊ နောင်အနှစ်နှစ်ဆယ်ကျရင် မမတို့အားလုံးဒီဗူးထဲက ပုံလေးတွေကို ထုတ်ကြည့်ကြမယ်။ အဲဒီအချိန်မှာ မင်းတို့ဆွဲထားတဲ့ ပုံလေးတွေထဲကအတိုင်း ဒီလမ်းလေးက ပြောင်းလဲနေမယ်ဆိုရင် အတူဆုံးလူကို.. မမ.. ချောကလက်တွေ ၀ယ်ကျွေးမယ်”
ကျွန်တော်က နောင်အနှစ်နှစ်ဆယ်မှာ ဒီကလေးလေးတွေ ချောကလက်ကြိုက်မှာ သေချာလို့လားလို့ ကလေးတွေအလစ်မှာ စုကို စမိပြန်သည်။ စုက ရှူးတိုးတိုးဆိုပြီး လက်ညိုးလေးကို နှုတ်ခမ်းထောင့်လေးမှာ ထိကာ မျက်ရိပ်ပြ၏။ အဲဒီနောက် စုပါ ကျွန်တော်နှင့် ရောယောင်ပြီး လိုက်ရယ်ပါတော့သည်။
နောက်တနေ့မှာတော့ ကလေးသုံးယောက်က အချိန်မှန်စွာပင် ကျွန်တော့်ဆီကို ပန်းချီကားလေးများလာပေး၏။ သူတို့၏အတွေးတွေထဲမှာတော့ ချောကလက်တွေ အပြည့်ဖြစ်ချင် ဖြစ်နေမည်။ ဒါမှမဟုတ် သူတို့ ထင်မြင်ထားသကဲ့သို့ နောင်အနှစ်နှစ်ဆယ်မှာ ဖြစ်ခဲ့လျှင်.. ဟူသော မျှော်လင့်ချက်များ ရှိချင်ရှိနေမည်။ အငယ်မလေးကတော့ သူမပန်းချီကားလေး မနက်ဖြန်မှာ အသက်ဝင်လာလျှင်ကောင်းမည်ဟု တတွတ်တွတ်ပြောနေတာတော့ စုလည်း ကြားချင်မည်ထင်ပါသည်။
ကျွန်တော်ကရော ထိုကလေးများကဲ့သို့ ဘာကိုမျှော်လင့်မိသလဲ။ မသေချာပါ။ ကလေးသုံးယောက်အတွေးကဲ့သို့ ချစ်စရာကောင်းသည့်အတွေးလေးများ ကျွန်တော့်ထံတွင် ရှိနေမလားလည်း ကျွန်တော်မသိပါ။ ထိုနေ့က ကလေးတွေ ဘာတွေများဆွဲထားသလဲဟုဆိုတာလည်း ကျွန်တော်.. စုလောက် စိတ်မ၀င်စားခဲ့ပါ။ ကလေးသုံးယောက်၏ ပန်းချီကားလေးများကို ဖွင့်ပင်မကြည့်ခဲ့ပဲ သတ္ထုဗူးလေးထဲတွင် အနှစ်နှစ်ဆယ်နီးပါး သည်အတိုင်းသာ ထည့်ထားခဲ့လိုက်မိ၏။ ထိုသတ္ထုဗူးလေးပိတ်လိုက်မိခြင်းသည် စုနှင့် အိမ်သုံးစုရွာလေးကို တခါတည်း သိမ်းဆည်းလိုက်ခြင်းနှင့်တူသည်။ ကျွန်တော်တို့ လမ်းလျှောက်ထွက်ခဲ့သော ညနေသည် စုနှင့်အိမ်သုံးစုရွာလေးတို့ နောက်ဆုံးညနေတစ်ခုဖြစ်ခဲ့သည်။
ယခုအခါမှာတော့ ခေါင်းရင်းအိမ်မှ ကလေးသုံးယောက်သည် နိုင်ငံရပ်ခြားတွင် အလုပ်လုပ်နေပြီဖြစ်သည်။ အဖိုးကြီးနှင့်အဖွားကြီး၊ အိမ်သားနှစ်ယောက်သာ ကျန်ရစ်ခဲ့သော ထိုခေါင်းရင်းအိမ်လေးသည် အရင်ကထက် ပိုပြီး တိတ်ဆိတ်နေသည်။ အိမ်ရှင် အမျိုးမျိုးပြောင်းလဲနေခဲ့သော ခြေရင်းအိမ်ကတော့ အိမ်ရှင်မဲ့ကာ ခြောက်တွေ့နေတာ ကြာပြီဖြစ်သည်။ ဖားရွေကျော်လမ်းမသည်လည်း အရင်ကကဲ့သို့ လူသွားလူလာ မများတော့။ ကားမျိုးစုံဖြတ်သမ်းသွားလာခဲ့သော ထိုလမ်းမသည် ဒဏ်ရာဗလပွဖြင့် ကျန်ခဲ့ပြန်၏။
သည်လမ်းလေးမှာတော့ အရင်ကထက် ဘုစုခရုကလေးငယ်များ ပိုများလာသည်။ သည်လမ်းနဲ့ သည်ခြံကို စွန့်မခွာနိုင်သည့် သက်ကြီးရွယ်အိုများ ပိုများလာသည်။ အရွယ်ရောက်လာသည့် ကလေးတို့လို၂၀ကျော်အရွယ်များကတော့ စုနှင့်အတူ ပျောက်ဆုံးသွားကြသည်။ တမြေတရေသို့ လွင့်စင်သွားကြသည်။ လမ်းမပေါ်တွင်သက်ကြီးနှင့်သက်ငယ်အရွယ်ကွာဟမှုကြားမှာ စုသိမ်းထားစေချင်ခဲ့သော ပန်းချီလေးတွေထည့်ထားသည့် သတ္တုဗူးလေးကတော့ အရောင်တွေ တောက်ပနေဆဲ။ ထိုကလေးငယ်သုံးယောက် နိုင်ငံခြားမှ ပြန်လာလျှင်တော့ ထိုပန်းချီဗူးလေးကို အတူတူဖွင့်ကြည့်မိဖို့ ကျွန်တော်တိုက်တွန်းမိမည်ထင်ပါသည်။ ထိုအခါတွင် သူတို့သုံးဦးစလုံး စုနှင့်သူမ,မျှော်မှန်းခဲ့သော မနက်ဖြန်တစ်ခုကို မှတ်မိကောင်းမှတ်မိပါလိမ့်မည်။ ဒါမှမဟုတ် စုဘယ်သူလဲလို့ ကျွန်တော့်ကို မေးကောင်းမေးပါလိမ့်မည်။ ကျွန်တော့်ဆီမှာ စုအကြောင်း ပြောပြချင်စရာအများကြီး အရင်ကထက် ပိုရှိနေမည်ဖြစ်ပါသည်။ ကျွန်တော့်ဆုတောင်း ပြည့်ခဲ့မည်ဆိုလျှင်တော့ စုလည်း ကလေးတို့နှင့်အတူ ပြန်ချင်ပြန်လာဦးမည်။ မနက်ဖြန်တိုင်းမှာတော့ စုတို့အတွက် သုံးအိမ်စုရွာတံခါးလေးက အစဉ်အမြဲဖွင့်ထားဆဲပင်။
ဆေးရောင်ပြယ်စ ပြတင်းဘောင်ကို လက်တင်ပြီး အပြင်သို့ ငေးကြည့်မိသည်။ မိမိအိမ်ရှေ့က ပြုပြင်ဖာထေးခြင်းမရှိသည့် ကားလမ်းက အချိန်နှင့်အတူ စီးမျောရင်း အိုသည်ထက်အိုလာသည်။ ဘေးတဖက်တချက်တွင် ကပ်ပေါက်နေသော မြတ်ပင်ငယ်များကြောင့်သာ လမ်းအနားသတ် ရှိနေသေးပါလားဟု ထင်ရ၏။ ကားမျိုးစုံဖြတ်သန်းသွားသည့် ဒဏ်ရာဒဏ်ချက်များကြောင့် လမ်းမအိုကြီးသည် ရုပ်ဆိုးဆိုးဖြင့် ရင့်ထော်နေသည့် စုန်းမကြီးနှင့်တူလှသည်။ ကိုယ့်အတွေးဖြင့် ကိုယ်တွေးရင်း ပြုံးမိလာပြန်သည်။ ဒီလမ်းမကြီးက ဖွာလန်ကြဲသည့် စုန်းမကြီးနဲ့ တူသည်ဟု ပြောလျှင်အပြုံးအရယ်နည်းသည့် စုပင်ကျွန်တော်နှင့်အတူ ပြုံးရယ်မိမှာ သေချာပါသည်။
ကျွန်တော်နေထိုင်သော ဖားရွှေကျော်လမ်းမသည် ဒဂုံမြို့သစ်မြောက်ပိုင်းထဲတွင် ရှိသည်။ ထိုလမ်းမက ခြောက်ရပ်ကွက်နှင့် ငါးရပ်ကွက်ကို မျဉ်းခြားသတ်မှတ်ထားသော လမ်းမတစ်ခုဖြစ်သည်။ ပြောင်းလာကာစက ငါးရပ်ကွက်တွင် အိမ်ခြေများသော်လည်း ခြောက်ရပ်ကွက်ဘက်ခြမ်းတွင်ကား အိမ်သုံးအိမ်သာ စုတန်းလျှက်ရှိခဲ့သည်။ ဘေးပတ်လည် မြေကွက်များသည်ကား မြေကွက်ချည်းသက်သက်သာ ဖြစ်နေခဲ့ဖူးသည်။ ထိုအိမ်သုံးအိမ်တွင် ကျွန်တော်နေထိုင်ရာ အိမ်လေးက အလယ်တွင် ဖြစ်သည်။ သူငယ်ချင်းများက ကျွန်တော်တို့အိမ်တန်းလေးကို သုံးအိမ်စုရွာလို့ နောက်ပြောင်ခေါ်ခဲ့သည်။ နှစ်ပေါင်း၂၀ကျော်ကြာသည့်တိုင် ထိုသုံးအိမ်စုရွာလေးကား မပြောင်းလဲခဲ့။ ထိုအိမ်များ၏နောက်ဘက်တွင် တဲအိမ်လေးများသာ တိုးလာခဲ့သော်လည်း သုံးအိမ်စုရွာက သုံးအိမ်စုမျှသာ ဖြစ်ခဲ့သည်။ ထိုသုံးအိမ်စုလေးသည်ပင် ကျွန်တော်နှင့်အတူ မနက်ဖြန်တိုင်းကို တူညီသော နံနက်ခင်းများဖြင့်သာ အတူတူ ဖြတ်သန်းခဲ့ရ၏။
တချိန်က ထိုသုံးအိမ်စုရွာလေးသို့ စုခဏခဏရောက်ခဲ့ဖူးသည်။ စုနှင့် သုံးအိမ်စုရွာလေးသည် ရင်းရင်းနှီးနှီးရှိခဲ့ဖူးသည်။ သုံးအိမ်စုရွာလေးသည် ခြောက်ကပ်ကပ်နိုင်လှပေမယ့် စုရှိနေသည့်အချိန်များတွင် သက်ဝင်လှုပ်ရှားမှုစွာဖြင့် ပျော်စရာကောင်းခဲ့သည်။
ကျွန်တော်တို့ သုံးအိမ်စုလေးမှာ ကျွန်တော်တို့အိမ်က အလယ်မှာ ရှိပြီး ခေါင်းရင်းဘက်မှာတော့ တက္ကသိုလ်ဆရာမနှင့်သူမ၏ကလေး သုံးယောက်နေထိုင်ကြသည်။ ဆရာမက ဒဂုံတက္ကသိုလ်တွင် ကထိကတစ်ဦးဖြစ်ပြီး ကလေးများကတော့ သုံးနှစ်၊ငါးနှစ်၊ခုနစ်နှစ်အရွယ်များဖြစ်ခဲ့သည်။ ဆရာမအမျိုးသားကတော့ နိုင်ငံခြားသဘောင်္လိုက်နေသော သဘောင်္သားတစ်ဦးဖြစ်သည်။ ထို့ကြောင့်ထိုအိမ်တွင် ဆရာမရယ်၊ကလေးသုံးယောက်ရယ်၊ ဆရာမအမေရယ်၊ ထိုငါးယောက်သာ အမြဲရှိတတ်သည်။
ကျွန်တော်၏ခြေရင်းအိမ်ကတော့ ပေလေးဆယ်ပေခြောက်ဆယ်မြေကွက်နှစ်ကွက်ကို တွဲလျက်ဝယ်ပြီး ဆောက်ထားသည့် တစ်ထပ်တိုက်အိမ်လေးရှိသည်။ အိမ်မှာတော့ အိမ်သားလေးယောက်သာ ရှိ၏။ ငွေကြေးတတ်နိုင်သော အသိုင်းအ၀ိုင်းမှ ဖြစ်ပြီး အနီးပတ်ဝန်းကျင်ဖြင့် ခပ်ကင်းကင်းနေတတ်ကြသည်။
စုနှင့်သုံးအိမ်စုရွာလေး တွေ့ဆုံမှုသည်လည်း ရိုးရိုးရှင်းရှင်းလေးလေးသာဖြစ်ခဲ့သည်။ တစ်ခုသော ဆောင်းရာသီနံနက်ခင်းတစ်ခုမှာ ဖြစ်၏။ စုနှင့်ကျွန်တော် အတန်းမတက်ချင်ခဲ့။ စုက ကျွန်တော်နင်းသော စက်ဘီးပေါ်မှာ သီချင်းလေးတအေးအေးဖြင့် လိုက်စီးချင်သည်တဲ့။ ကျွန်တော်က ကျောင်းကို အမြဲတမ်း စက်ဘီးလေးစီးပြီး ကျောင်းတက်သည်။ ကျွန်တော့်ဂျပန်ဘီးလေး၏ ကယ်ရီယာခုံနောက်မှာ စုကိုတင်ပြီး ကျောင်းကို တပတ်ပီး တစ်ပတ်နင်းသည်။
“ကျော်ကျော်က.. ကျောင်းလာရင် အခုလိုတပတ်ပတ်ပြီးမှ ကျောင်းထဲဝင်တာပေါ့ဟုတ်လား”
စုက ကျွန်တော့်နောက်နားမှာ ထိုင်လျှက် ခနဲ့တဲ့တဲ့ စခဲ့ဖူးသည်။ ထိုအခါကျွန်တော်က…
“စုသာ.. ကျွန်တော့် ကယ်ရီယာခုံနောက်မှာ အကြာကြီးလိုက်စီးနိုင်ရင် ကျွန်တော်ကျောင်းကိုလာတဲ့ လမ်းတလျောက်…. စုကို ခေါ်သွားမှာပေါ့” ပြောလိုက်မိ၏။
စုက ကျွန်တော်တင်နင်းမည့် စက်ဘီးနောက်ကို လိုက်စီးမည်ဟုလည်း မပြော၊ မစီးနိုင်ဘူးဟုလို့လည်း မငြင်း၊ ကျွန်တော်တို့သတိထားသည့်အချိန်ရောက်သည့်အခါမှာတော့ စက်ဘီးလေးက ဒဂုံတောင်မြောက်လမ်းဆုံဘက်သို့ ဦးတည်နေ၏။ ဤသို့ဖြင့် စုနှင့် သုံးအိမ်စုရွာလေးသည် နံနက်ခင်းတစ်ခု၌ ကဗျာမဆန်စွာ တွေ့ဆုံခဲ့ကြသည်။
တွေ့ခါစအချိန်တို့တွင် စုနှင့် ထိုသုံးအိမ်စုရွာလေးသည် ရင်းရင်းနှီးနှီးမရှိလှ။ လာပါများတော့လည်း တဖြေးဖြေးရင်းနှီးလာခဲ့သည်။ အထူးသဖြင့် ခေါင်းရင်းအိမ်မှ ကလေးသုံးယောက်နှင့်ပေါ့။
စုလာလည်သည့်အခါတိုင်းတွင် မေမေက စုကြိုက်တတ်သည့် မုန့်ဟင်းခါးကို ရံဖန်ရံခါ ချက်ကျွေးတတ်ပြန်သည်။ မေမေက မြစ်ဝကျွန်းပေါ်သူပီပီ၊ ငါးနိုင်နိုင်ဖြင့် ချက်သည်။ ထို့ကြောင့် မေမေချက်သည့် မုန့်ဟင်းခါးသည် ငါးနှစ်ရည်ပြစ်ပြစ်ဖြင့် အရသာ အရမ်းရှိသည်ဟု စုက ဆိုသည်။ မေမေမုန့်ဟင်းခါးချက်သည့်နေ့တိုင်း ခေါင်းရင်းအိမ်မှ ကလေးသုံးယောက်က မီးဖိုချောင်တွင် တ၀ဲလည်လည် လုပ်နေတတ်သည်။ ထိုအခါမျိုးတွင် စုက သူမမှာပါလာသည့် ပန်းချီဆေးရောင်စုံမျိုးစုံကို ဈေးဗန်းချရောင်းသလို တန်းစီချထားပြီး ကလေးလေးတွေကို ပန်းချီဆွဲသင်ပေးတော့သည်။
ထိုကလေးသုံးယောက်တွင် အသက်ခုနှစ်နှစ်အရွယ် အသက်အကြီးဆုံးမိန်းကလေးက အေးဆေးသလောက်၊ အသက်သုံးနှစ်အရွယ် အငယ်ဆုံးမလေးကတော့ ဖျတ်လတ်သည်။ သွက်သည်။ သူမက စုရဲ့ ရောင်စုံဆော့ပင်လေးတွေကို ယူပြီး သူမ၏အကျီင်္အဖြူလေးမှာ အရုပ်များ ရေး၏။ မေမေက တွေ့လျင် ဟန့်ပေမယ့် စုကတော့ မသိမသာ လွှတ်ပေးတတ်သည်။ ညရောက်လျှင်တော့ ကလေးတို့၏အမေ၊ ဆရာမက စိတ်ဆိုးမာန်ဆိုးဖြင့် အရောင်များစွန်းပေနေသည့် အင်္ကျီအဖြူလေးကို ကိုင်ကာ ညရောက်လျှင် ရောက်လာပါတော့သည်။ တစ်ရက်လည်းမဟုတ်၊ နှစ်ရက်လည်းမဟုတ် စွန်းပေဖန်များလာတော့ စုကို ကလေးတွေ အကျီစပေါ်မှာ အရုပ်ရေးလျှင် တားပေးဖို့ ကျွန်တော်ကပင် တောင်းပန်ယူရသည်။ ဒါပေမယ့် ကျွန်တော့်တားဆီးမှုကို စုက ထုံးစံအတိုင်း ထုံပေပေဖြင့် အကြောင်း အမျိုးမျိူးပြကာ ငြင်းဆန်တတ်ပြန်၏။
“ကျော်ကျော်ရယ်။ ဒီအရွယ်လေးတွေက အသစ်အဆန်းရှာဖွေတတ်တဲ့အရွယ်။ ပန်းချီအနုပညာဆိုတာ စာရွက်ပေါ် ပိတ်ကားပေါ်ဆွဲမှ ပန်းချီလို့ခေါ်ရမှာလား။ အခုလို အကျီင်္စပေါ်မှာ ဆွဲတတ်တော့ ပန်းချီဆိုတာ စာရွက်တွေ ကန်းဗတ်စတွေနဲ့ Limit မရှိဘူးဆိုတာ ကလေးတွေ နားလည်လာမှာပေါ့။ အခုအချိန်မှာ ကလေးတွေ သွားတားရင် သူတို့ စူးစမ်းရှာဖွေချင်စိတ်ကလေးတွေကို သွားတားဆီးတာ မရောက်ဖူးလား”
နောက်တကြိမ် သုံးအိမ်စုရွာလေးသို့ စုလာလည်သည့်အခါတွင်တော့ စုအိတ်ထဲတွင် ပုံဆွဲစက္ကူများအပြင် ပိတ်စဖြူဖြူလေးများလည်း ပါလာခဲ့၏။
…………………………………………………..။………………………………………………………….
တခါတလေ စုသည် အတွေးများဖြင့် ငြိမ်သက်နေသော်ငြားလည်း ကလေးများနှင့် တွေ့သည့်အခါတွင်တော့ သူမ၏ လွတ်လပ်ပေါ့ပါးသည့် အပြုံးအရယ်များက အသက်ဝင်လာခဲ့သည်။
ကလေးသုံးယောက်တွင် အလတ်ကလေးက ယောက်ျားလေးဖြစ်ပြီး ပန်းချီပညာကို ပိုပြီး စိတ်ဝင်တစား ရှိလှသည်။ တပတ်တခါ ရောက်လာတိုင်း ထိုကလေးလေးဆီမှာ ပြစရာ ပန်းချီအသစ်အဆန်းလေးများ ရှိနေတတ်သည်။ ငါးနှစ်မပြည့်တပြည့် အရွယ်လေးဖြစ်ပြီး စကားကို လေလုံးပေါက်အောင် မပြောတတ်သေးပေမယ့် ချစ်စရာကောင်းသည့် ကာလာအဆန်းအပြားလေးများက ထိုကလေးလေးထံတွင် ရှိနေတတ်သည်။ တခါတလေ စုက သူ့ကို Little Vengoh လို့ခေါ်တတ်ပြန်သည်။
စုသည် ထိုကလေးလေးနှင့်ဆုံတိုင်း စိတ်ရှည်လက်ရှည် ပုံဆွဲသင်ပေးတတ်၏။ ဟိုခြစ်သည်ခြစ် လုပ်ထားသော ထိုကလေး၏ ပုံများသည် ရှုပ်ပွေလိမ်နေတတ်ပေမယ့် စုကတော့ ထိုကလေး၏ ပန်းချီကားလေးများကို တယုတယကြည့်ရှုလေ့ ရှိ၏။ ရှိသမျှပုံဆွဲစက္ကူလေးများကိုလည်း ထိုကလေးလေးအား ထုတ်ပေးတတ်၏။ သူမ၏ပုံဆွဲစက္ကူများ ကုန်သွားသည့်အခါတိုင်း ကျွန်တော့်အိတ်ထဲမှ ပုံဆွဲစက္ကူတွေဆီ မျက်လုံးက ရောက်လာတတ်သည်။ ထိုအခါမျိုးတွင် စက္ကူတွေကို ကျွန်တော်ကပဲ ကလေးဆန်စွာ ၀ှက်ထားတတ်ခဲ့ပြန်သည်။
“စုကလည်းကွာ၊ ပုံဆွဲစက္ကူတွေက ဈေးကြီးက ကြီးသနဲ့။ကလေးတွေကို ဗလာစာအုပ်တအုပ်ထုတ်ပေးလိုက်ပေါ့” ဟု ခဏခဏ ညူစူမိပြန်ပါသေးသည်။
“ကျော်ကျော်ကလည်း၊ သူ့ကြည့်ရတာ၊ ပုံဆွဲစက္ကူနဲ့ ဆွဲရတာ အရသာပိုတွေ့သလိုပဲ။ စုငယ်ငယ်တုန်းကဆို ဖေဖေက ပုံဆွဲစက္ကူပဲ ၀ယ်ပေးတာ၊ ဗလာစာရွက်နဲ့ ဆွဲရင် ဆူရောပဲ။ ဆွဲပါစေ ကျော်ကျော်ရယ်… ကျောင်းရောက်ရင် စုပြန်ပေးပါ့မယ်”
နောက်ဆုံးကျတော့ ကျွန်တော်ပဲ အလျှော့ပေးကာ ဗန်ဂိုးအသေးစားလေးအတွက် ပုံဆွဲစက္ကူများကို ထုတ်ပေးခဲ့ရသည်။
စုက သူမငယ်ငယ်တုန်းကအကြောင်းကို မပြောတတ်။ အခုလို စိတ်ပါလက်ပါ ရှိသည့်အချိန်တွင်မတော့ တခွန်းစနှစ်ခွန်းစ ပြောပြတတ်၏။ စုဖေဖေကို မည်သူလည်းဆိုတာ ကျွန်တော်သေချာမသိ။ ဒါပေမယ့် စုက သူမ၏ဖခင်အကြောင်းပြောသည့်အခါတိုင်းတွင်တော့ လှိုက်လှိုက်လှဲလှဲရှိလှသည်။ စုဖေဖေသည် စုကိုအတော်ချစ်မည် ထင်ပါသည်။ စုချစ်သည့် အနုပညာက စုဖေဖေဆီကများ ရခဲ့တာလားဟု ကျွန်တော်က မေးမိသည့်အခါတိုင်းတွင်တော့ စုသည် ဘာကိုမျှမဖြေ အဝေးသို့သာ ငေးကြည့်နေတတ်ခဲ့သည်။ မေးခွန်းတော်တော်များများကို အခုလိုဖြေနေကျမို့ ကျွန်တော်အတွက်တော့ အထူးအဆန်းတစ်ခုတော့ မဟုတ်ခဲ့ပါ။
ကလေးသုံးယောက် ပုံဆွဲပြီးသည့်အချိန်တိုင်းမှာ စုက စိတ်ရှည်လက်ရှည် စာရွက်အနားလေးများကို ချိုးပြီး စက္ကူဘောင်ကလေးများ လုပ်တတ်သေး၏။ ထိုစက္ကူဘောင်ကလေးတွင် ကလေး သုံးယောက်၏ ပန်းချီသေးသေးလေးများကိုထည့်ပြီး ဧည့်ခန်းထဲက နံရံပေါ်မှာ တိပ်ဖြင့် စီစီရီရီလေး ကပ်ထားတတ်၏။ ဧည့်ခန်းလေးသည် စုရောက်လာသည့်အခါတိုင်းတွင် ပန်းချီပြခန်းလေး ဖြစ်သွားတတ်သည်။ (ယခုအချိန်မှာတော့ ထိုပန်းချီပြခန်းလေးသည် ကျွန်တော့်ရဲ့ ပန်းချီစတူဒီယိုလေး ဖြစ်လာခဲ့သည်) စုက ထိုပန်းချီပြခန်းလေးနာမည်ကို သုံးအိမ်စုရွာဟု ကပ်ကပ်သပ်သပ် နာမည်ပေးတတ်ပြန်သေးသည်။ ကျွန်တော်ကတော့ ထိုနာမည်လေးကို သဘောကျမိသော်လည်း မေမေကတော့ သုံးအိမ်စုရွာလို့ ပြောလျင် မကြိုက်။ နောက်တစ်နှစ်၊ နှစ်နှစ် စောင့်ကြည့်လိုက်စမ်းပါအေ။ ဒီနားမှာ ဒဂုံတက္ကသိုလ်အရှိန်နဲ့ အိမ်တွေ အများကြီးဖြစ်လာမှာပါအေ့လို့ ဒေါသအေးအေးလေးဖြင့် စု၏ပန်းချီပြခန်းလေးကို ရန်တွေ့တတ်ပါသေးသည်။ ထိုပြခန်းလေး၏ အမြဲတမ်း ဧည့်သည်မှာလည်း ကျွန်တော်နှင့် မေမေသာ ဖြစ်ခဲ့သည်။ စုပြန်သွားသည့်အခါတွင်တော့ ဧည့်ခန်းတစ်ခုလုံး စက္ကူစများ၊ ဆေးစက်များဖြင့် ပေပွကျန်တတ်ခဲ့သည်။ ဒိုင်ခံရှင်းရသည့် သူမှာလည်း ကျွန်တော်နှင့်မေမေသာဖြစ်ခဲ့သည်။
တစ်ရက်တော့ စုက ကလေးသုံးယောက်ကို ကြီးလာလျှင် ဘာဖြစ်ချင်သလဲဟု မေးခဲ့သည်။ အငယ်မလေးက သူမ၏၀ါညစ်နေသော ဂါဝန်ဖြူလေးကို လက်နဲ့ ဆုပ်ခါရင်း..
“မီးမီးက ကြီးလာရင် အိမ်ရှေ့အိမ်က အန်တီကြီးလို ကားကြီးစီးပြီး အိမ်ပွဲစားမကြီးလုပ်မှာ”
“မီးမီးက ဘာလို့ အိမ်ပွဲစားမကြီး ဖြစ်ချင်တာလဲ၊ မီးမီးမေမေလို ဆရာမကြီး မဖြစ်ချင်ဘူးလား”
“မဖြစ်ချင်ပါဘူးဦးဦးရ.. အဲဒီအန်ကြီးဆီမှာ ပိုက်ဆံတွေအများကြီးပဲ၊ ပွဲစားမကြီးလုပ်မှ ပိုက်ဆံရမှာ၊ မေမေ့လို့ ဆရာမလုပ်ရင် ပိုက်ဆံရမှာ မဟုတ်ဘူး”
“မီးမီးက ပိုက်ဆံတွေအများကြီးရရင် အဲဒီပိုက်ဆံတွေနဲ့ ဘာလုပ်ချင်လို့လဲ” မေးလိုက်တော့…
“မီးမီးက မုန့်တွေအများကြီး ၀ယ်စားပစ်မှာပေါ့၊ ပြီးတော့ ချောကလက်တွေလည်း အများကြီးဝယ်စားဦးမှာ”
စုက အငယ်မလေးရဲ့ အဖြေကို ကြားမိတော့ ရယ်သည်။ စုရယ်သံသည် အငယ်မလေးရယ်သံကဲ့သို့ပင် အပူအပင်ကင်းမဲ့လှသည်ဟု ကျွန်တော် ထင်မိသည်။ စုနှင့်ပါတ်သက်လာလျှင် အကုန်လုံး မှန်းစချက်တွေသာ ဖြစ်ခဲ့သည့်အတွက် ကျွန်တော့်ကို ကျွန်တော်အားမရခဲ့။ (စုရဲ့ ငယ်စဉ်ဘ၀ကို ကျွန်တော် သိခဲ့ရသည့်အချိန်မှာတော့ ကျွန်တော်ကိုယ့်ကိုယ်ကို ညံ့ဖျင်းလှပါလားလို့တောင် အပြစ်တင်ခဲ့မိသည်။)
……………………………………..။………………………………………………….
ကျွန်တော်နှင့် စုသည် အိမ်သုံးစုရွာလေးမှာ မိုးတွင်းတစ်ခုကိုလည်း အတူတူဖြတ်သန်းခဲ့ဖူးသည်။ ဆောင်းတွင်းတစ်ခုမှာလည်း အတူတူလမ်းလျှောက်ခဲ့ဖူးသည်။ နွေညနေခင်းတစ်ခုမှာလည်း ပန်းချီအတူတူ ဆွဲခဲ့ဖူးကြသည်။ ရာသီပတ်လည် တစ်ခုလုံး တစ်ဦးရဲ့တစ်ဦး အတွေးကိုယ်စီကို ပုံဖေါ်ဖူးခဲ့ကြသည်။ ကျွန်တော့်အတွေးများကို စုက အလွယ်တကူ ပုံဖော်နိုင်ပေမယ့် စု၏အတွေးများကို ပုံဖော်ရတာတော့ ၀ိုးတ၀ါး ရှိလှသည်။ စုသည် အဖြေမရှိသည့် ပုစ္ဆာတစ်ပုဒ်လားမပြောတတ်။ ဒါမှမဟုတ် အဖြေချပေးပြီးသား ပုစ္ဆာတစ်ပုဒ်ကို ဘယ်လိုအဖြေရသလဲဆိုတာ ပြန်ရှင်းပြရခက်သလိုလိုမျိုး။ တခါတလေ စုရှိနေသည့် ကမ္ဘာထဲကို တိုးဝင်ကြည့်ချင်သည်။ ကျွန်တော်ရဲ့ ကမ္ဘာထဲကိုလည်း စုကို ဆွဲခေါ်ချင်သည်။ ဒါပေမယ့် စုနှင့် ကျွန်တော်သည် ကမ္ဘာသစ်နှင့်ကမ္ဘာဟောင်း တစ်ခုပမာပင်။
“စုကို ကျွန်တော် ဒီအိမ်လေးထဲမှာ ၀ှက်ထားလိုက်ချင်တယ် သိလား.. စုနဲ့ ဝေးရမှာ တွေးရင်းနဲ့တောင် ကြောက်တယ်”
ကျွန်တော်က စုကို ကလေးဆန်စွာ ပြောမိတော့…..
“စုတို့ ကျောင်းပြီးရင်း အတူတူနေကြတာပေါ့.. ကျော်ကျော်ရယ်” တိုးတိုးလေး ပြန်ဖြေခဲ့ဘူးသည်။
တကယ်လား လို့ ကျွန်တော်က ထပ်ကာမေးမိတော့ စုက အင်းပေါ့ ကျော်ကျော်ရယ်လို့ ပြန်ဖြေသည်။ စုက သူ့ကမ္ဘာဟောင်းလေးထဲကို ကျွန်တော့်ကို ဆွဲခေါ်ဖို့ စိတ်ကူးမရှိလေသည်လား။ ကျွန်တော့်ကမ္ဘာသစ်လေးထဲသို့ တိုးဝင်ရန် ဆုံးဖြတ်ထားသည်လား ကျွန်တော် သေချာမသိခဲ့။ စုက ခေါင်းညိတ်လိုက်သည့်အချိန်တွင် ကျွန်တော်တို့ အနာဂတ်အတွက် အလင်းစက်တွေ ဖြာဝေနေသည်ဟု နှစ်ယောက်သား စိတ်ကူးယဉ်မိခဲ့ကြသည်။
ညနေခင်းတစ်ခုမှာတော့ စုရယ်ကျွန်တော်ရယ်၊ ကလေးသုံးယောက်ရယ် ဖားရွှေကျော်လမ်းတလျှောက် လမ်းလျှောက်ထွက်ကြသည်။ တခါတလေ ထိုလမ်းအဆုံးလေးမှ ကွေ့ပြီး ဒဂုံတက္ကသိုလ်ထဲအထိ လမ်းလျှောက်တတ်သည်။ ဒဂုံတက္ကသိုလ်ထဲမှ ပတ္တမြားကလပ်ရှိရာ ရေပန်းနားတွင် ခဏထိုင်ပြီးမှ ပြန်တတ်ကြသည်။ စုက ပူလောင်ဆူညံသည့် လမ်း၃၀က သူမ၏တိုက်ခန်းလေးထက် လယ်ကွင်းများကို ဖြတ်ပြီး တိုက်ခတ်လာသည့် လေညင်းတွေရသည့် သည်နေရာလေးကို ပိုပြီး ခုံမင်သည် ထင်ရသည်။
သည်ညနေမှာတော့ ကျွန်တော်တို့ ဖားရွှေကျော်လမ်းမတလျှောက်မှာပဲ လမ်းလျောက်ဖြစ်ကြသည်။ ကျွန်တော်တို့ ၆ရပ်ကွက်ဘက်ခြမ်းမှာတော့ ခြံအမှတ်အသား ကွန်ကရစ်တိုင်ငုတ်လေးတွေသာ ရှိနေပြီး ပကတိလယ်ကွင်းပြင်သက်သက်သာ ရှိသေးသည်။ ၅ရပ်ကွက်ဘက်ခြမ်းမှာတော့ ခြံတွေ ပြည့်လုနီးပါး အိမ်လေးများက တိုးလို့တွဲလောင်း ဆောက်နေတုန်းပေါ့။
စုက သူမမှာပါလာသည့် ကင်မရာလေးကို ကလေးတွေပေးလိုက်သည်။
“မမ.. မင်းတို့ကို ကင်မရာလေးပေးမယ်။ အဲဒီကင်မရာလေးနဲ့ မင်းတို့ ကြိုက်တဲ့ ပုံလေးတွေရိုက်ခဲ့ကြ။ ပြီးရင် အိမ်စာပေးမယ်။ ပုံကောင်းကောင်းဆွဲနိုင်တဲ့သူကို ချောကလက်တွေ ၀ယ်ကျွေးမယ်”
ကလေးသုံးယောက်စလုံး သူတို့လက်ထဲအရုပ်အသစ်ရသလို ဝေးကနဲအော်ပြီး ဓါတ်ပုံမရိုက်တတ်ရိုက်တတ်ဖြင့် သဘောကျတာမှန်သမျှ တဖျတ်ဖျတ် ကလစ်နှိက်ကြသည်။ စု၏ကင်မရာလေးသည် ချက်ချင်းရိုက်၊ ဓါတ်ပုံချက်ချင်း ထွက်သော ကင်မရာလေးဖြစ်သည်။
မောင်နှမသားချင်းမရှိသည့် စုအတွက် ထိုမောင်နှမသုံးယောက်က ဘုရားပေးတဲ့ ဆုလေသည်လား မပြောပြတတ်ပါ။ တခါတလေ သူ့ဆီမှာ မောင်နှမတွေ အများကြီး ရလျှင် ကောင်းမှာပဲဟု တောင့်တတတ်သည်။ စုပြောပြောပြနေသည့် စုနှင့်အတူတူနေသည့် အဒေါ်အပျိုကြီးကလွဲလို့ တခြားဆွေမျိုးသားချင်းများအကြောင်း မကြားမိ။ စုတစ်ယောက် မိသားစုမေတ္တာ ငတ်နေသလားလို့တောင် ကျွန်တော်ထင်မိ၏။
“အခုတော့ စုတယောက်တည်းပေါ့။ ကိုယ်တို့အလှည့်ကျရင်တော့ ကိုယ်တို့ကလေးတွေ အဖော်မမဲ့အောင် တစ်ယောက်ပြီး တစ်ယောက်မွေးကြမယ်လေ”
စုသည် တခြားမိန်းကလေးများကဲ့သို့ ကျွန်တော်ကိုရှက်ပြုံးပြုံးကား လက်သီးဆုပ်ဖွဖွလေးဖြင့် ထုလည်းမထု၊ စိတ်လည်းမကောက်။
“အင်း.. မွေးကြတာပေါ့.. ကျော်ရယ်”ဟု ခပ်တည်တည်လေးသာ ညည်းသည်။ ထိုအခါ စိတ်မကောင်း ဖြစ်ရသူက ကျွန်တော်ပင် ဖြစ်သည်။
အိမ်ပြန်ရောက်တော့ နေပင် အတော်စောင်းနေပြီ။ စုက ကလေးလေးတွေ ရိုက်ထားသည့် ဓါတ်ပုံလေးများကို တစ်ခုချင်းကြည့်ပြီး.. အိမ်စာပေးမည်ဟုဆိုကာ သံဗူးအရှည်လေးတစ်ခုထုတ်ပြသည်။ ထိုသံဖူးလေးသည် အပြားရှည်ရှည်လေးဖြစ်ပြီး လက်နှစ်လုံးလောက်သာထူသည်။
“မမတို့ ကစားပွဲ တစ်ခုစမယ်နော်။ ဒီကစားပွဲက ကြာမယ်။ စိတ်ရှည်ရမယ်။ နောက်ပြီး အဲဒီကစားပွဲကို စိတ်ရှည်လက်ရှည်ဆော့ရမယ်၊ သဘောတူလား”
ကလေးသုံးယောက်က ကစားရမည်ဆိုတော့ ခုန်ပေါက်နေကြသည်။
“မမ.. မင်းတို့ကို စာရွက်တစ်ရွက်စီ ပေးမယ်နော်။ အဲဒီစာရွက်နဲ့ မင်းတို့ ပုံတွေဆွဲရမယ်။ မဆွဲခင် မင်းတို့ရိုက်လာတဲ့ ဓါတ်ပုံလေးတွေကြည့်ပြီး၊ မင်းတို့နေတဲ့ ဒီဖားရွေကျော်လမ်းမကြီး နောင်အနှစ်နှစ်ဆယ်ကျရင် ဘယ်လိုရှိနိုင်မလဲဆိုတာ စိတ်ကူးယဉ်ရမယ်။ စိတ်ကူးယဉ်ရမယ်ဆိုတာ မင်းတို့သုံးယောက် ဒီလမ်းကလေးကို ဘယ်လိုဖြစ်ချင်တာလဲဆိုတာပေါ့”
စကားအများကြီး မပြောဘဲ တိတ်တိတ်လေးနေတတ်သော အကြီးမလေးက….
“သမီးကလေ၊ ဥယျာဦကြီးထဲမှာ အိမ်ဆောက်ပြီး နေချင်တာ။ ဒီလမ်းကြီးတလျှောက်ကို ပန်းခြံကြီးဖြစ်အောင်ဆွဲချင်တယ်”
“သားသားကတော့ ပြိုင်ကားမောင်းတဲ့လမ်းကြီးဆွဲမယ်”
အငယ်မလေးကတော့ ဘာဆွဲမယ် ညာဆွဲမယ်မပြော…
“မမ.. မီးမီးတို့ အခုလိုဆွဲလိုက်တာနဲ့.. မနက်ဖြန်ကျရင် ဒီလမ်းမကြီးက မီးမီးတို့ ဖြစ်ချင်တဲ့အတိုင်း ပြောင်းလဲသွားမှာလားဟင်” တဲ့။
စုကတော့ အငယ်မလေးကို ပြုံးကြည့်ပြီး…
“မီးမီးဖြစ်ချင်တာတွေ မနက်ဖြန်မှာ အကုန်လုံးဖြစ်မှာပေါ့။ ဒါပေမယ့် မနက်ဖြန်တစ်ခုတည်းနဲ့တော့ မရဘူး။ မနက်ဖြန်တွေအများကြီးကို စောင့်ရမှာ”
ကျွန်တော်ကတော့ စုကို ကြည့်ပြီး ရယ်နေမိခဲ့သည်။ စုရယ် သုံးနှစ်၊ငါးနှစ်အရွယ်ပဲ ရှိတဲ့ ကလေးတွေက နောင်အနှစ်နှစ်ဆယ်မှာ သူတို့ပန်းချီကားလေးတွေ မှတ်မိနေရင် ကံကောင်းဟု... စနေမိခဲ့သည်။ စုကတော့ စိတ်လည်းမဆိုးပါ။ ရယ်လည်း မရယ်ပါ။ သဘောကျတာ လုပ်လိုက်ရသကဲ့သို့ ခပ်ပြုံးပြုံးသာ ရှိနေခဲ့၏။ အကယ်၍သာ သူမသာ ထိုပန်းချီကားလေးတွေ မြင်တွေ့နိုင်တော့မှာ မဟုတ်ဘူးဟု ကြိုတင်သိရှိခဲ့လျှင် အခုလို ပြုံးနေနိုင်ပါ့မလား။
“ဒီနေ့ည အပြီးဆွဲရမယ်နော်.. ဆွဲပြီးသွားရင် ဦးကျော်ကျော်ကို ပေးလိုက်။ မပေးခင် ကိုယ်ဆွဲထားတဲ့ ပုံကို အနှစ်နှစ်ဆယ်လုံးလုံး မှတ်မိနေအောင် ကြည့်ထားရမယ်။ ဟုတ်ပြီလား။ ဦးကျော်ကျော်က မင်းတို့ရဲ့ ပုံလေးတွေကို ဒီသံဗူးလေးထဲမှာ အားလုံးကိုယ်စား စုပြီး သိမ်းထားပေးလိုက်မယ်၊ နောင်အနှစ်နှစ်ဆယ်ကျရင် မမတို့အားလုံးဒီဗူးထဲက ပုံလေးတွေကို ထုတ်ကြည့်ကြမယ်။ အဲဒီအချိန်မှာ မင်းတို့ဆွဲထားတဲ့ ပုံလေးတွေထဲကအတိုင်း ဒီလမ်းလေးက ပြောင်းလဲနေမယ်ဆိုရင် အတူဆုံးလူကို.. မမ.. ချောကလက်တွေ ၀ယ်ကျွေးမယ်”
ကျွန်တော်က နောင်အနှစ်နှစ်ဆယ်မှာ ဒီကလေးလေးတွေ ချောကလက်ကြိုက်မှာ သေချာလို့လားလို့ ကလေးတွေအလစ်မှာ စုကို စမိပြန်သည်။ စုက ရှူးတိုးတိုးဆိုပြီး လက်ညိုးလေးကို နှုတ်ခမ်းထောင့်လေးမှာ ထိကာ မျက်ရိပ်ပြ၏။ အဲဒီနောက် စုပါ ကျွန်တော်နှင့် ရောယောင်ပြီး လိုက်ရယ်ပါတော့သည်။
နောက်တနေ့မှာတော့ ကလေးသုံးယောက်က အချိန်မှန်စွာပင် ကျွန်တော့်ဆီကို ပန်းချီကားလေးများလာပေး၏။ သူတို့၏အတွေးတွေထဲမှာတော့ ချောကလက်တွေ အပြည့်ဖြစ်ချင် ဖြစ်နေမည်။ ဒါမှမဟုတ် သူတို့ ထင်မြင်ထားသကဲ့သို့ နောင်အနှစ်နှစ်ဆယ်မှာ ဖြစ်ခဲ့လျှင်.. ဟူသော မျှော်လင့်ချက်များ ရှိချင်ရှိနေမည်။ အငယ်မလေးကတော့ သူမပန်းချီကားလေး မနက်ဖြန်မှာ အသက်ဝင်လာလျှင်ကောင်းမည်ဟု တတွတ်တွတ်ပြောနေတာတော့ စုလည်း ကြားချင်မည်ထင်ပါသည်။
ကျွန်တော်ကရော ထိုကလေးများကဲ့သို့ ဘာကိုမျှော်လင့်မိသလဲ။ မသေချာပါ။ ကလေးသုံးယောက်အတွေးကဲ့သို့ ချစ်စရာကောင်းသည့်အတွေးလေးများ ကျွန်တော့်ထံတွင် ရှိနေမလားလည်း ကျွန်တော်မသိပါ။ ထိုနေ့က ကလေးတွေ ဘာတွေများဆွဲထားသလဲဟုဆိုတာလည်း ကျွန်တော်.. စုလောက် စိတ်မ၀င်စားခဲ့ပါ။ ကလေးသုံးယောက်၏ ပန်းချီကားလေးများကို ဖွင့်ပင်မကြည့်ခဲ့ပဲ သတ္ထုဗူးလေးထဲတွင် အနှစ်နှစ်ဆယ်နီးပါး သည်အတိုင်းသာ ထည့်ထားခဲ့လိုက်မိ၏။ ထိုသတ္ထုဗူးလေးပိတ်လိုက်မိခြင်းသည် စုနှင့် အိမ်သုံးစုရွာလေးကို တခါတည်း သိမ်းဆည်းလိုက်ခြင်းနှင့်တူသည်။ ကျွန်တော်တို့ လမ်းလျှောက်ထွက်ခဲ့သော ညနေသည် စုနှင့်အိမ်သုံးစုရွာလေးတို့ နောက်ဆုံးညနေတစ်ခုဖြစ်ခဲ့သည်။
ယခုအခါမှာတော့ ခေါင်းရင်းအိမ်မှ ကလေးသုံးယောက်သည် နိုင်ငံရပ်ခြားတွင် အလုပ်လုပ်နေပြီဖြစ်သည်။ အဖိုးကြီးနှင့်အဖွားကြီး၊ အိမ်သားနှစ်ယောက်သာ ကျန်ရစ်ခဲ့သော ထိုခေါင်းရင်းအိမ်လေးသည် အရင်ကထက် ပိုပြီး တိတ်ဆိတ်နေသည်။ အိမ်ရှင် အမျိုးမျိုးပြောင်းလဲနေခဲ့သော ခြေရင်းအိမ်ကတော့ အိမ်ရှင်မဲ့ကာ ခြောက်တွေ့နေတာ ကြာပြီဖြစ်သည်။ ဖားရွေကျော်လမ်းမသည်လည်း အရင်ကကဲ့သို့ လူသွားလူလာ မများတော့။ ကားမျိုးစုံဖြတ်သမ်းသွားလာခဲ့သော ထိုလမ်းမသည် ဒဏ်ရာဗလပွဖြင့် ကျန်ခဲ့ပြန်၏။
သည်လမ်းလေးမှာတော့ အရင်ကထက် ဘုစုခရုကလေးငယ်များ ပိုများလာသည်။ သည်လမ်းနဲ့ သည်ခြံကို စွန့်မခွာနိုင်သည့် သက်ကြီးရွယ်အိုများ ပိုများလာသည်။ အရွယ်ရောက်လာသည့် ကလေးတို့လို၂၀ကျော်အရွယ်များကတော့ စုနှင့်အတူ ပျောက်ဆုံးသွားကြသည်။ တမြေတရေသို့ လွင့်စင်သွားကြသည်။ လမ်းမပေါ်တွင်သက်ကြီးနှင့်သက်ငယ်အရွယ်ကွာဟမှုကြားမှာ စုသိမ်းထားစေချင်ခဲ့သော ပန်းချီလေးတွေထည့်ထားသည့် သတ္တုဗူးလေးကတော့ အရောင်တွေ တောက်ပနေဆဲ။ ထိုကလေးငယ်သုံးယောက် နိုင်ငံခြားမှ ပြန်လာလျှင်တော့ ထိုပန်းချီဗူးလေးကို အတူတူဖွင့်ကြည့်မိဖို့ ကျွန်တော်တိုက်တွန်းမိမည်ထင်ပါသည်။ ထိုအခါတွင် သူတို့သုံးဦးစလုံး စုနှင့်သူမ,မျှော်မှန်းခဲ့သော မနက်ဖြန်တစ်ခုကို မှတ်မိကောင်းမှတ်မိပါလိမ့်မည်။ ဒါမှမဟုတ် စုဘယ်သူလဲလို့ ကျွန်တော့်ကို မေးကောင်းမေးပါလိမ့်မည်။ ကျွန်တော့်ဆီမှာ စုအကြောင်း ပြောပြချင်စရာအများကြီး အရင်ကထက် ပိုရှိနေမည်ဖြစ်ပါသည်။ ကျွန်တော့်ဆုတောင်း ပြည့်ခဲ့မည်ဆိုလျှင်တော့ စုလည်း ကလေးတို့နှင့်အတူ ပြန်ချင်ပြန်လာဦးမည်။ မနက်ဖြန်တိုင်းမှာတော့ စုတို့အတွက် သုံးအိမ်စုရွာတံခါးလေးက အစဉ်အမြဲဖွင့်ထားဆဲပင်။
၂၀၁၁ စက်တင်ဘာ ၇ရက်
၁၀ ၄၂နာရီ(ည)
ဆက်ရန်.. “စုနှင့်ဝေးသောကျောင်း”
စုက ကျောင်းမှ လေ့လာတီထွင်မှုကို လိုချင်၏။ ကျွန်တော်ကတော့ ကျောင်းက သင်ကြားပို့ချမှုကိုသာ လက်တွေ့ဆန်ဆန်အသုံးချလို၏။
စုက ကျောင်းမှ လေ့လာတီထွင်မှုကို လိုချင်၏။ ကျွန်တော်ကတော့ ကျောင်းက သင်ကြားပို့ချမှုကိုသာ လက်တွေ့ဆန်ဆန်အသုံးချလို၏။
ဤ၀တ္ထုတိုသည် “သူမ၏အနုပညာ”ကို စိတ်ကူးကွန့်၍ ဖြန့်ရေးထားခြင်း ဖြစ်ပါသည်။
9 ယောက်ကဒီလိုမြင်တယ်တဲ့...:
ဘာပြောရမလဲ စဉ်းစားတော့ ပြောစရာစကား မရှိ။
တစ်စုနဲ့ တစ်စု တော်တော်ဝေးတယ်။ စောင့်နေတာကြာပေမယ့် ဖတ်လို့ပြီးသွားတဲ့အခါ အကြာကြီး စောင့်ခဲ့ရတာ မေ့သွားတယ်။
နောက် စုနှင့်ဝေးသောကျောင်း ကိုလည်း ဖတ်ဖို့ ထပ်စောင့်နေပါတယ်။
စုကို စောင့်ရကျိုးနပ်တယ်.. စာဖတ်နေရင်း စုကို ပုံဖော်ကြည့်ရတဲ့အရသာကို ပိုကြိုက်တယ်..
အရီးတား>>> ပြောစရာစကားမရှိတော့.. ပြောချင်စိတ်မရှိတာတော့ မဟုတ်နိုင်ပါဘူးနော်..
Jr>> အနော်>>> တစ်ခုနဲ့တစ်ခု အဆက်အရမ်းပြတ်နေတဲ့ ကြားကနေ စောင့်ဖတ်ပေးတာ ကျေးဇူးပါပဲဗျာ.. ကျွန်တော်လည်း ရေးရကျိုးနပ်ပါတယ်..
တစ်ခုပဲ.. GYIDAW က လာမဖတ်သေးဘူးဗျ
း(
စောင့်ဖတ် ရတာက ခုမှ မဟုတ်ဘူးနော် ....လွန်ခဲ့တဲ့ တစ်နှစ်လောက် တည်းက စိတ်ကူးလေး ကို သိထဲက မျှော် ရတာ ခုရေးတော့လဲ ဖတ်ရတာ မ၀ဘူး...နောက်ထပ် စုကို သိပ် အဝေး ပစ်မထားပါနဲ့ ဗျို့ ...ကျွန်တော်တို့ တွေလဲ မျှော်နေပါတယ်း)
Visited to "Three Houses Village".
:)
Hey Ko Thet
I was busy and still busy.You posted it in unexpected time.I came and checked soooooooooooomany time for SU.You should see my giraffe neck but i am pleased to know you remember i am waiting for it.Thanks u for another coming SU.
Gyidaw with long neck not Padaung
Sorry for my late visit.Dont make my long neck till bend for sequel of Su.
Gyidaw
အိမ်လာလည်သွားပါတယ်။
အိမ်ဒီဇိုင်းတွေက စိတ်ဝင်စားစရာတွေပဲ
ဆောက်ရင် အကူအညီလာယူရမယ်။
စာတွေလဲဖတ်သွားပါတယ်။
Post a Comment