ဖုန်းရွှေသီအိုရီအမျိုးမျိုး (၂)

၃။  Flying Star School of Feng Shui

ဒီသီအိုရီကတော့ စိတ်ဝင်စားစရာအကောင်းဆုံး၊ အနက်နဲဆုံးတစ်ခုပါ။ သူကတော့ Eight Houese Feng Shui လို အရပ်မျက်နှာတွေပါပြီး အချိန်ကာလပါ ပါဝင်လာပါတယ်။ အချိန်ကာလ ရွေ့လျားမှုတွေသာမကပါဘူး ပတ်ဝန်းကျင်မှာ ရှိတဲ့ ဒြပ်မဲ့စွမ်းအား Intangible energy တွေပါ ပါလာပါတယ်။ အချိန်ကာလပြောင်းလဲမှုသဘောတရားက ဒီသီအိုရဲ့ အရေးပါတဲ့ အချက်ဖြစ်ပြီး တရုတ်ရိုးရာ အချိန်ကာလလည်ပတ်မှုနဲ့လည်း တိုက်ရိုက်တိုက်ဆိုင်နေပါတယ်။

ဒီသီအိုရီမှာ တိကျသတ်မှတ်ထားတဲ့ အချိန်စက်ဝိုင်း လည်ပတ်မှုတစ်ခုရှိပြီး၊ အဲဒီရွေ့လျားနေတဲ့အချိန်နှင့်အတူ ပြောင်းလဲနေတဲ့ သဘာဝစွမ်းအားတွေအပေါ်မှာ လေ့လာတွက်ချက်ရပါတယ်။ ဖုန်းရွှေပညာရှင်တွေက ပြောင်းလဲနေတဲ့ အချိန်နဲ့အမျှပြောင်းလဲနေတဲ့ သဘာဝစွမ်းအားတွေကို အမြဲစောင့်ကြည့်လေ့လာနေရပါတယ်။

ဒီနေရာမှာ တရုတ်ရိုးရာ အချိန်ကာလစက်ဝိုင်းကို အလျဉ်းသင့်သလို ဖော်ပြချင်ပါတယ်။ အချိန်စက်ဝိုင်းတစ်ခုမှာ စုစုပေါင်း နှစ်ပေါင်း ၁၈၀ရှိပါတယ်။ အောက်က ဇယားကို ကြည့်လျင် သိနိုင်ပါတယ်။ စက်ဝိုင်းတစ်ခုမှာ အချိန်ကာလ(Period) သုံးပိုင်းပါဝင်ပြီး၊ ကာလ(Age)တစ်ခုစီမှာ နှစ်ပေါင်း ၂၀စီရှိတဲ့ အချိုး၃ချိုးစီပါဝင်ပါတယ်။

အချိန်စက်ဝိုင်း	Upper Period	Age of 1	1864-1883	20 years	60 years
		Age of 2	1884-1903	20 years
		Age of 3	1904-1923	20 years
	Middle Period	Age of 4	1924-1943	20 years	60 years
		Age of 5	1944-1963	20 years
		Age of 6	1964-1983	20 years
	Lower Period (လက်ရှိနှစ်ပိုင်း)	Age of 7	1984-2003	20 years	60 years
		Age of 8	2004-2023	20 years
		Age of 9	2024-2042	20 years

 Age of 7 က ၁၉၈၄ကနေ ၂၀၀၃ခုနှစ်အထိပါ။ အခုလက်ရှိရောက်နေတဲ့ Age ကတော့ Age 8 ဖြစ်ပြီး ၂၀၀၄ကနေ ၂၀၂၃ ထိကျရောက်ပါတယ်။

ဒီသီအိုရီက အထက်ပါ အချိန်စက်ဝိုင်းအပေါ်အခြေခံပြီး ပြောင်းလဲနေတဲ့ သဘာဝစွမ်းအားတွေကို လိုရှုဇယား (Lu Shu Diagram) နဲ့ တွက်ယူရပါတယ်။  လိုရှုဇယားဆိုတာက မြန်မာဗေဒင်မှာ “အောင်လံထူ စစ်သူကြီး” လို နံပါတ်တွေနဲ့ တွက်ယူရတဲ့ ဇယားတစ်ခုပါ။ အဲဒီဇယားနဲ့ အိမ်တစ်အိမ်လုံးရဲ့ အစိတ်အပိုင်းတွေကို ခွဲခြားတွက်ချက်ပြီး ဘယ်အစိတ်အပိုင်းက ကောင်းမွန်တယ်၊ ဘယ်အစိတ်အပိုင်းက ဆိုးရွားတယ်ဆိုတာကို ဖော်ထုတ်နိုင်ပါတယ်။  (လိုရှု တွက်ပုံတွက်နည်း သီးသန့်ရေးပါ့မည်၊ လွယ်လည်း လွယ်သလို ပျော်စရာလည်း ကောင်းပါတယ်) လိုရှုဇယားကို အသုံးချပြီး အဆောက်အဦးတစ်ခုရဲ့ Birth chart မွေးဇာတာကိုလည်း တွက်လို့ရပါတယ်။

လူတစ်ယောက်ရဲ့ မွေးချိန်မွေးရပ်လိုပဲ အဆောက်အဦးတစ်ခုမှာလည်း သူ့ရဲ့ဇာတာရှိပါတယ်။ အဆောက်အဦး ပြီးဆုံးချိန်က လူတစ်ယောက်မွေးဖွားလိုက်သလိုပါပဲ။ ကောင်းတဲ့ နက္ခတ်တွေနဲ့ မွေးဖွားလာတဲ့ အဆောက်အဦးက ကောင်းကျိုးပေးသလို ဆန့်ကျင်ဘက်နက္ခတ်တွေကလည်း ဆိုးကျိုးပေးပါတယ်။

ယေဘုယျအားဖြင့်တော့ အဆောက်အဦးတစ်ခုကို တွက်ချက်တော့မယ်ဆိုလျင် မြို့တည်နေရာ အနေအထား မြေပြင်လကဏ္ခဏာအနေအထားကို စစ်ရပါတယ်။ မြို့ပြီးသွားတော့ ရပ်ကွက်၊ ရပ်ကွက်ပြီးသွားတော့ (တိုက်ခန်းနဲ့နေရင်) အဆောက်အဦး၊ အဆင့်အဆင့် တွက်ချက်ယူရပါတယ်။ အဲလို တွက်ချက်တာကတော့ အတော့်ကို အသေးစိတ်ကျပြီး တိကျတဲ့ အဖြေရနိုင်ပါတယ်၊ ဒါပေမယ့် အခုလို အသေးစိတ်တွက်နည်းတော့ လိုအပ်တဲ့အခါမှသာ သုံးကြပါတယ်။

တချို့ကတော့ အိမ်တစ်အိမ်ကို (တိုက်ခန်း) ၀ယ်လိုက်တာပဲဖြစ်ဖြစ် ငှားနေတာပဲဖြစ်ဖြစ်၊ အဲဒီအိမ်ကို ပြောင်းရွှေ့နေထိုင်လိုက်တဲ့ အချိန်ကာလက ကိုယ့်အတွက် အဲဒီအဆောက်အဦးမွေးဖွားလိုက်တဲ့ကာလပါပဲ။ (အဲဒီအဆောက်အဦး ပြီးဆုံးချိန် မူရင်းကာလကို မရှုပ်ထွေးမိပါစေနဲ့၊ မူရင်းကာလကို အသေးစိတ် တွက်ချက်ရာမှာ ထည့်သွင်းစဉ်းစားရပါမယ်) အဲဒီပြောင်းရွေ့နေထိုင်လိုက်တဲ့ ကာလရယ်၊ နေထိုင်တဲ့သူရဲ့ ဇာတာရယ်ကို ပူးတွဲ တွက်ချက်ဖို့လိုပါတယ်။

၎။  Water Theory

ဖုန်းရွှေမှာ ရေနဲ့လေက အဓိက ကျတယ်ဆိုတာ အထက်ပါပို့စ်တွေမှာ ရေးခဲ့ဘူးပါတယ်။ လေက မြေမျက်နှာပြင် ကွန်တိုလိုင်းတွေကို ဖြတ်သန်းတိုက်ခတ်လာပြီး ရေထဲမှာ ပျောက်ကွယ်သွားတတ်ပါတယ်။ တကယ်လို့ စွမ်းအားက အပြုသဘောဆောင်တဲ့အခါမှာ ရေနဲ့သဟာဇာတ ဖြစ်ပြီး ကောင်းတဲ့အကျိုးကို ပေးပါတယ်။ ဒါပေမယ့် အဖျက်သဘောဆောင်တဲ့ အခါမှာတော့ ဆိုးကျိုးတွေကို သယ်လာပါတော့တယ်။ တရုတ်လို ကောင်းကျိုးကို “ရှန်းချိ Sheng Chi”လို့ ခေါ်ပြီး ဆိုးကျိုးကိုတော့ “ရှချိ Sha Chi” လို့ခေါ်ပါတယ်။

ဖုန်းရွှေက ရေသဘောတရားကတော့ သဘာဝ မြစ်တွေချောင်းတွေက ရေချည်းသက်သက်ကို ဆိုလိုတာ မဟုတ်ပါဘူး။ လူလုပ် ရေကန်တွေ၊ တူးမြောင်းတွေ၊ ရေတံခွန်အတုတွေက အစ ပါဝင်ပါတယ်။ နောက်ပြီး လူသွားလမ်း၊ ကားလမ်း၊ ရထားလမ်း၊ စတာတွေကိုလည်း ရေအဖြစ် အစားထိုးပါသေးတယ်။ ကြည်လင်တဲ့ရေ၊ ရွေ့လျားမှုရှိတဲ့ရေတွေက ကောင်းမွန်တဲ့ စွမ်းအားတွေကို ယူဆောင်လာတတ်ပါတယ်။ နောက်ကျိတဲ့ရေ၊ ရေဆိုးရေညစ်တွေကတော့ ဆိုးရွားမှုတွေကို သယ်လာပေးတာပေါ့။ ဒါ့ကြောင့်မို့ အိမ်ရှေ့မှာ ရှိတဲ့ ရေမြောင်းတွေကိ ပိတ်ဆို့နံဟောင်နေရင်တော့ အိမ်သူအိမ်သား ကျန်းမာရေးရော စီးပွားရေးရော ကျဆင်းတတ်ပါတယ်။ နောက်ပြီး ရေဆိုတဲ့သဘောတရားက ဖြောင့်ဖြောင့်တန်းတန်း မြန်မြန်စီးဆင်းနေရင်လည်း မကောင်းပါဘူး။ အေးအေးငြိမ့်ငြိမ့်လေး စီးဆင်းနေတဲ့ ရေမျိုးကမှ ကောင်းကျိုးရှိမှာပါ။ (နောက်ပိုင်းမှာ အဲဒီအပိုင်းကို သေသေချာချာ ရေးပေးပါ့မယ်) Water Theory ရဲ့ အဓိကကျတဲ့ အချက်ကတော့ ရေအသွားအလာ Directions တွေကို အရပ်မျက်နှာတွေပါတဲ့ သံလိုက်အိမ်မြှောင်ကို သုံးပြီး တွက်ချက်ရပါတယ်။

အချုပ်အားဖြင့်တော့ ဒီသီအိုရီလေးခုစလုံးက အသုံးများတဲ့ သီအိုရီတွေဖြစ်ပြီး အဲဒိလေးခုမှာမှ Eight House Theory and Flying Star Theory ကတော့ ဖုန်းရွှေပညာရှင်တွေ အသုံးများဆုံး သီအိုရီနှစ်ခုပါပဲ။