ဂရိတို့ရဲ့ပွန်ပေမြို့အပိုင်းအစများ- ပွန်ပေရဲ့နောက်ဆုံးရုပ်ကြွင်း

ပွန်ပေဆိုရင် ပန်းချီဆရာတွေကတော့ အနီရောင်နဲ့ တွဲပြီး မှတ်မိမလားပဲ.. ခပ်ရဲရဲနဲ့လှတဲ့ အနီရောင်ကိုး။ ပွန်ပေအကြောင်းကို Art history သင်တုန်းကတော့ နည်းနည်း တီးမိခေါက်မိတယ်။ စိတ်ဝင်တစားကြီး ရှိလားမေးရင် သိပ်မရှိခဲ့ပါဘူး။ ကိုယ်သိတာနည်းလို့ပါ။ ဒါပေမယ့် ပွန်ပေနဲ့ ပတ်သက်တဲ့ ရှေးဟောင်းလက်ရာ ပြခန်းကို သွားကြည့်မိတဲ့နောက်ပိုင်း အီတလီမှာ ရှိတဲ့ ပွန်ပေမြို့ဟောင်းကို သွားလည်ချင်စိတ်ပေါ်လာမိတယ်။ အဲဒီပြခန်းက ၁၆ရက် အောက်တိုဘာ ၂၀၁၀ကနေ ၂၃ ဇန်န၀ါရီ၂၀၁၁အထိ Singapore National Museum မှာ ပြထားတဲ့ ပြခန်းပေါ့။

ပြခန်းအ၀င်

အဲဒီပြခန်းအ၀င်တည့်တည့်မှာ ခွေးလေးတစ်ကောင်ရဲ့ ရုပ်ကြွင်းတစ်ခုကို တွေ့ရတယ်။ အဲဒီရုပ်ကြွင်းက လွန်ခဲ့တဲ့ နှစ်ပေါင်းနှစ်ထောင်နီးပါးကပါ။ ရုပ်ကြွင်းဆိုပြီး အရိုးစုတွေလို့ မထင်ပါနဲ့။ တကယ့်ကို ခွေးတစ်ကောင်နဲ့ တူတဲ့ ရုပ်ကြွင်းပါ။ လည်ပင်းမှာ သားရေလည်ပတ်လေးတောင် ပါသေးတယ်။ ဘေးနားမှာတော့ လင်မယားလို့ထင်ရတဲ့ အတွဲတတွဲ။ ယောက်ျားလုပ်သူက မိန်းမလုပ်သူကိုလှမ်းပြီး ထိဖို့ကြိုးစားနေတဲ့ ပုံစံနဲ့ သေဆုံးနေတဲ့ ရုပ်အလောင်းပါ။ အဲဒါတွေကတော့ လွန်ခဲ့တဲ့ နှစ်ပေါင်းနှစ်ထောင်နီးပါးက ပွန်ပေမြို့ကို မီးတောင်ချော်ရည်တွေလွှမ်းပြီး သေဆုံးခဲ့တဲ့ ရုပ်အလောင်းတွေပေါ့လေ။

ပွန်ပေမြို့ဆိုတာ အလွန် စည်ကားခဲ့တဲ့ မြို့ကြီးတစ်မြို့ပါတဲ့။ အေဒီ၇၆မှာ အနီးအနားက ဗွီဆူဗွီးရပ်မီးတောင်ပေါက်ကွဲပြီး ပျက်ဆီးခဲ့ပါတယ်။ ပွန်ပေမြို့နဲ့အတူ အနီးအနားက ဟာကျူလမ်းနီးယမ်းမြို့တွေပါ ပျက်ဆီးသွားတယ်။ မီးတောင်ကနေ ချော်ရည်ပူတွေ၊ ဂတ်စ်တွေ၊ ပြာပူတွေ၊ ကျောက်ခဲ အပိုင်းအစတွေက မိုးတွေရွာသလိုပဲ ကျလာတယ်လို့ဆိုပါတယ်။ ပွန်ပေမှာတော့ လတစ်ထောင့်ငါးရာလောက်သေဆုံးပြီး၊ ဟာကျူလမ်းနီးယမ်းမှာတော့ လူသုံးရာလောက်သေတယ်လို့ ယူဆကြပါတယ်။

ပွန်ပေမြို့မီးတောင်ပေါက်ကွဲပုံ (From Wikimedia)

မီးတောင်ကမနက် ၁၁နာရီကနေ နေ့လည် ၁၂အတွင်း (တစ်နာရီအတွင်း)မှာ ပြင်းပြင်းထန်ထန်ပေါက်ကွဲတော့ လွတ်ပြီထင်တဲ့ မြို့ထဲမှာ ကျန်ခဲ့တယ်လူတွေ ခွေးရောလူရောမကျန်သေကုန်ပါတယ်။ ပထမဆုံး မီးတောင်ပေါက်ကွဲရာကနေ လွင့်စင်လာတဲ့ ကျောက်တုံးအပိုင်းအစတွေ၊ အကြိမ်ကြိမ်လှုပ်ခတ်နေတဲ့ ငလျင်တွေက မြို့ထဲမှာ ရှိတဲ့ အမိုးတွေကို အရင်ဆုံး ဖျက်ဆီးလိုက်ပါတယ်။ အမိုးတွေပျက်ဆီးသွားတာနဲ့ ပြာပူတွေ ရွှံရည်တွေက အဆောက်အဦးတွေထဲကို နေရာလပ်တွေ၊ အရာဝတ္ထုတွေပေါ်ဝင်ပြီး ဖုံးလိုက်ပါတယ်။ ချော်ရည်တွေ အ၇ှိန်နဲ့ ပြေးဆင်းလာချိန်မှာ အဆောက်အဦးထဲမှာ ရှိနေပြီဖြစ်တဲ့ ပြာတွေက နံရံပန်းချီတွေ၊ အိမ်သုံးပစ္စည်းတွေကို အုပ်ပြီးကာကွယ်ထားလိုက်သလိုဖြစ်သွားတယ်။ အဲဒါကြောင့် အခုပွန်ပေမြို့ရဲ့ ရှေးဟောင်းလက်ရာတွေကို မပျက်မဆီးဘဲ နှစ်ပေါင်းထောင်ချည်ပြီး ကာကွယ်လိုက်သလို ဖြစ်သွားတယ်။ နောက်တော့ပြာတွေ ချော်ရည်ပူတွေအောက်ကို ပွန်ပေမြို့တစ်ခုလုံးရောက်သွားပြီး နှောင်းလူတွေက ဘယ်မှာမြို့ရှိခဲ့မှန်းမသိအောင်ကို ပျောက်သွားပါတော့တယ်။

ယခုလက်ရှိမြို့ဟောင်း

၁၇၄၈မှာ နေပယ်လ်ဘုရင်ကြီးအတွက် နွေရာသီ နန်းတော်ဖောင်ဒေးရှင်းတူးရင်း ဟာကျူးလမ်းနီးယမ်းမြို့ဟောင်းကို ပြန်လည် တွေ့ရှိခဲ့ပါတယ်။၁၈၆၀ကျတော့မှ မြို့နှစ်မြို့လုံးကို စနစ်တကျပြန်လည်တူးဖော်ရင်းနဲ့ မီးတောင်ပြာတွေအလွှာမှာ လေဟာနယ်လေးတွေတချို့ကို တွေ့ရတယ်။ အဲဒီလေဟာနယ်ထဲမှာ လူ့အရိုးစုတွေတွေ့တာနဲ့ အဲဒီလေဟာနယ်က ဘာတွေဖြစ်နိုင်မလဲဆိုပြီး ပလာစတာအရည်တွေ လောင်းထည့်ပြီး အအေးခံကြည့်လိုက်တော့မှ ပွန်ပေမြို့သားတွေရဲ့ နောက်ဆုံးအချိန်မှာကျန်ခဲ့တဲ့ ရုပ်ကြွင်းတွေမှန်းတွေ့ရတယ်။

သမိုင်းပညာရှင်တွေက ပလာစတာရုပ်ကြွင်းတွေကို ကြည့်ပြီး သူတို့ရဲ့နောက်ဆုံးချိန်မှာ ဘယ်လိုခံစားခဲ့ရသလဲ ဘယ်လိုသေဆုံးခဲ့သလဲဆိုတာကို လေ့လာကြပါတယ်။ မီးတောင်ပေါက်ကွဲရာကနေ ၁၀ကီလိုမီတာပဲဝေးတဲ့ ပွန်ပေမြို့မှာ မီးတောင်ကနေစီးလာတဲ့ အရမ်းပူတဲ့ ပြာပူတွေနဲ့ အဆိပ်ဓါတ်ငွေ့တွေ့ကြောင့် သေဆုံးခဲ့ရတယ်။ အဆောက်အဦးတွင်းမှာ ရှိနေတဲ့ လူတွေခမျာလည်း အပူရှိန်ကြောင့် မီးဖိုထဲ ထည့်ဖုတ်လိုက်သလို အရှင်လတ်လတ်သေကုန်ပါတယ်။ အရမ်းပူပြင်းတဲ့ ပြာပူတွေက သေဆုံးသူတွေရဲ့လောင်ကျွမ်းနေတဲ့အသားရည်ပေါ် ချက်ချင်းဖုံးသွားပြီး အသားစတွေထဲကို တိုးဝင်သွားပါတယ်။ အဲဒီတော့ သေဆုံးတဲ့ လူတွေကို ပလာစတာကိုင်လိုက်သလိုပါပဲ။ နှစ်ပေါင်းများစွာကြာတော့ လူ့ခန္စာအစိတ်အပိုင်းတွေက ပျက်စီးသွားပြီးအသားစတွေဝင်နေတဲ့ ပြာတွေကတော့ သေဆုံးသူတွေရဲ့ ပုံစံအတိုင်းမပျက်မစီးပဲ ကျန်ခဲ့တယ်။ ဒီလိုနဲ့ပဲ အခုပြတိုက်မှာ လူတွေရဲ့ရုပ်ကြွင်းဆိုတာ အဲဒီပလာစတာအရုပ်တွေပါပဲ။

အိမ်သားတွေက ဘေးလွတ်ရာပြေးချိန်မှာ အိမ်ကိုစောင့်ပေးဖို့ ဒီခွေးလေးကို ချိန်းကြိုးနဲ့ တိုင်မှာ ချည်ခဲ့ပါတယ်။ အိမ်ရဲ့ ခန်းမထဲကို မီးတောင်ချော်ကျောက်တွေကျလာပြီး တဖြည်းဖြည်းပြည့်သွားချိန်မှာ ဒီခွေးလေးက အဲဒီကျောက်တုံးပုံတွေပေါ် ပြေးတက်ပြီး အန္တရာယ်က လွတ်အောင် ပြေးပေမယ့်နောက်ဆုံး မီးခိုးတွေ ပြာတွေကြောင့် အသက်ရှူကျပ်ပြီး သေပါတယ်။

အိမ်တစ်အိမ်မှာတွေ့ရတဲ့ ယောကျာ်းနဲ့ အမျိုးသမီးနှစ်ယောက်ပါ။ ယောက်ျားက အမျိုးသမီးဆီလှမ်းနေဆဲမှာ အသက်ရှူကျပ်ပြီး သေပါတယ်

အမျိုးသမီးငယ်တစ်ယောက်ပါ။ ဘေးလွတ်ရာကိုပြေးရင်း သူမရဲ့ အကျီင်္လက်စနဲ့ မျက်နှာကို အုပ်ထားပါတယ်။ အကျီင်္ရှည်တစ်ခုကိုလည်း ခါးချည်တစ်ခုနဲ့ ၀တ်ထားပြန်ပါသေးတယ်။ ပလာစတာမှာ အကျီင်္ကောက်ကြောင်းလေးကအစ မြင်ရပါတယ်။

ဒီဟာကတော့ အမျိုးသားတစ်ယောက်ရဲ့ ရုပ်ကြွင်းပါ။ လက်နဲ့ ပါးစပ်ကို အုပ်ထားပါတယ်။

အကျဉ်းသားလို့ ထင်ရပါတယ်။ ခြေထောက်မှာ သံခြေကျင်း ရှိနေပါတယ်။ ဒီလူက မြို့ဂိတ်ကိုရောက်ဖို့ ကြိုးစားနေချိန်မှာ သေဆုံးတယ်လို့ ထင်ပါတယ်။

ပွန်ပေမြို့က စပြစ်ခြံတွေရှိတဲ့ နေရာတစ်ခုပါ။ အိမ် (Villa)တစ်ခုကို တူးဖော်ရင်း အိမ်ခန်းတစ်ခန်းမှာ ဒီဝက်ရုပ်ကြွင်းကို တွေ့ခဲ့တာပါ။ ဘေးလွတ်မယ်ထင်တဲ့ နေရာမှာ ထားခဲ့တယ်လို့ ထင်ပါတယ်။

ဒီရုပ်ကြွင်းကတော့ ထင်ရှားတဲ့ ရုပ်ကြွင်းပါ။ ဒီလူက ဘွတ်ဖိနပ်နဲ့ ကုတ်အကျီင်္ကို ၀တ်ထားပါတယ်။ ဆောင့်ကြောင့်ထိုင်ရင်း ကုတ်အကျီင်္အနားစနဲ့ ပါးစပ်ကိုပိတ်ထားရင်းသေရှာပါတယ်။

စကာင်္ပူမြူစီယမ်ရဲ့ လက်ကမ်းစာစောင်ပုံ

ပြခန်းရဲ့ ကျန်တဲ့လက်ရာများကို အလျဉ်းသင့်သလို ဆက်လက်ရေးသားသွားပါမည်။