အချစ်ကိုရုးသွပ်ကြသူများအကြောင်း (၁)

(ကျွန်တော်ရုပ်ရှင်တစ်ခုကို ခံစားရာတွင် ရုပ်ရှင်ကပေးသော အကောင်းမြင်ဝါဒထက် ရုပ်ရှင်ကောင်းတစ်ကားဖြစ်အောင် ဖွဲ့စည်းပေးသော အများနဲ့မတူ ထူးခြားသော ဇာတ်အိမ်၊ နောက်ခံတေးဂီတ၊ ဇာတ်လမ်းကို အသက်ဝင်အောင် ဖန်တီးပေးသော ကင်မရာအယူအဆ၊ အလင်းအမှောင်ကဏ္ဍ၊ ထိုအရာများကိုသာ အသားပေးကြည့်ရှုပါသည်။ ကျွန်တော်နဲ့ ခံစားမှုခြင်း မတိုက်ဆိုင်ပါက ခွင့်လွှတ်ပါဟု တောင်းပန်ရင်း ကျွန်တော့်ရဲ့ ရုပ်ရှင်ခံစားမှု ဆောင်းပါးများကို ကျော်ဖတ်သွားပါရန် မေတ္တာရပ်ခံအပ်ပါသည်။)

အချစ်ဆိုတာ ဘာလဲ….။ လူအမျိုးမျိုးက အချစ်အမျိုးမျိုးကို ပုံစံအမျိုးမျိုးနဲ့ ခံစားကြသည်။ တချို့က အချစ်ဆိုတာကို သိမ်မွေ့သော၊နူးညံ့သောအရာတဲ့။ တချို့ကြပြန်တော့လည်း စူးရှရူးသွပ်ခြင်းအရာတဲ့။ တချို့ ကြပြန်တော့လည်း ပိုင်ဆိုင်မှုထက် စွန့်လွှတ်မှုက ချစ်ခြင်းဆိုတဲ့အရာ ပိုပြီးပီသပါတယ်တဲ့။ ကျွန်တော်အတွက်ကရော……။

ကျွန်တော့အတွက် အချစ်ဆိုတာ နူးညံ့တယ်….။ရူးသွပ်တယ်…။ စွန့်လွှတ်ခဲ့တာ ရှိသလို…။ ရယူပိုင်ဆိုင်ခဲ့တာလည်းရှိတယ်…။ ဘာဖြစ်လို့လည်းဆိုတော့ ကျွန်တော်တွေ့သမျှ အချစ်တွေအားလုံးမှာ အဓိပ္ပာယ်ကိုယ်စီနဲ့ ရှိနေလို့ပါပဲ။ အချစ်တွေ အများကြီးရှိတယ်ဆိုပြီး ကျွန်တော့်ကို အထင်မကြီးနဲ့ဦးနော်။ ကျွန်တော့် ဘ၀မှာ အချစ်ကို တွေ့တာ လက်၅ချောင်းတောင် မပိုပါဘူးဗျာ….။

အချစ်အကြောင်းကို သီချင်းတွေထဲမှာလည်း နားထောင်ဖူးတယ်။ စာအုပ်တွေမှာလည်း ဖတ်ဖူးတယ်။ ရုပ်ရှင်တွေထဲမှာလည်း ကြည့်ဖူးတယ်။ ကိုယ်တွေ့လည်း ကြုံဖူးခဲ့ပါတယ်။ အဲဒီလို ကြုံဖူး၊ မြင်ဖူး၊ ကြည့်ဖူးသမျှတွေထဲမှာ ရုပ်ရှင်ထဲမှာ တွေ့ရတဲ့ အချစ်က ကျွန်တော့်အတွက် ပိုပြီးစိတ်ဝင်စားစရာ ကောင်းပါတယ်။

ရုပ်ရှင်ဆိုတာ မဖြစ်နိုင်တာတွေ၊ ဖြစ်နိုင်တာတွေ၊ ရှိတာတွေ၊ မရှိတာတွေကို လှည့်စားပြီး ကြည့်တဲ့သူတွေကို ပြုစားသောအရာလို့ ကျွန်တော်ထင်ပါတယ်။ ဒါပေမယ့် အဲ့ဒီပြုစားခံရတဲ့ အကြောင်းတွေထဲက အချစ်ဆိုတဲ့အကြောင်းကို ကျွန်တော် တတ်သလောက်၊ မှတ်သလောက် ပြောပြချင်ပါတယ်။ သည်းခံပြီးတော့ ဖတ်ပေးပါနော့…..။

………………………………………………….။…………………………………

ချစ်သူ (The Lover- 1992)

The Lover ဟူသော ရုင်ရှင်ကားလေးသည် စာရေးဆရာမ Marguerite Duras ရေးသားသော ကိုယ်တိုင်ရေး အတ္ထုပတ္တိဇာတ်လမ်းပေါ်တွင် အခြေခံထားခြင်းဖြစ်သည်။ ဇာတ်လမ်းထဲတွင်ပါဝင်သော သူမ၏ချစ်သူသည် ဗီယက်နမ်မှာ ကွန်မြူနစ်တို့ ကြီးထွားလာသောအခါ၊ ၄င်းတို့ရန်ကို တိမ်းရှောင်ရင်း အမေရိက၌ပင် ခေါင်းချသွားခဲ့သည်။သူမ၏ ၀တ္ထုထွက်လာချိန်မှာတော့ သက်ရှိထင်ရှားမရှိတော့ပေ။

The Lover ရုပ်ရှင်ကို ရုံတင်သောအခါ တော်တော်များများရဲ့ဝေဖန်ခြင်းခံခဲ့ရသည်။ အဘယ့်ကြောင့်ဆိုသော် ဇာတ်လမ်းမှ ဇာတ်ကောင် အမျိုးသမီး၏ အသက်သည် ၁၆နှစ်မျှသာရှိသေးသောကြောင့် ဖြစ်သည်။ မည်သို့ပင်ဆိုစေ ထိုဇာတ်ကားသည် တမူထူးခြားလှပသောရိုက်ချက်များကြောင့် Cinematography Academy Award အတွက် လျာထားခြင်း ခံခဲ့ရသည်။

ထိုရုပ်ရှင်ရဲ့ နောက်ထပ်ထူးခြားချက်မှာ အဓိကဇာတ်ကောင်များရဲ့ နာမည်များကို မဖော်ပြပဲ ကောင်မလေးတစ်ယောက်နှင့် တရုတ်လူမျိုးတစ်ယောက်ဟုသာ သုံးထားခြင်းဖြစ်သည်။ သည်ဇာတ်လမ်းမှာ အဓိကသရုပ်ဆောင်များက Tony Leung Ka Fai နှင့် Jane March ဖြစ်ပါသည်။ သူတို့နှစ်ဦး၏ သရုပ်ဆောင်ချက်များက အကောင်းဆုံးမဖြစ်ခဲ့သော်လည်း ကင်မရာအယူအဆ၊ နောက်ခံတေးဂီတ ပံ့ပိုးမှု၊ နှစ်ဦးချိန်းတွေ့ရာ နေရာလေး၊ ထိုအရာတွေအားလုံးက ဇာတ်လမ်းရဲ့ ရသကို အမိအရခေါ်သွားနိုင်ခဲ့သည်။



သူတို့နှစ်ဦး ချိန်းတွေ့ရာ နေရာလေးက စိတ်ကူးယဉ်စရာလှပသော နေရာလေး မဟုတ်ပေ။ အလွန်လူသွားလူလာများသော ဈေးလမ်းလို နေရာလေးက တိုက်ခန်းလေးတစ်ခုသာ ဖြစ်သည်။ ရမ္မက်၊ တပ်မက်မှုတို့ဖြင့် ဖုံးလွှမ်းနေသော ချစ်သူနှစ်ယောက်၏ အိပ်ခန်းလေးနှင့်အတူ၊ တရုတ်ကပ် သစ်သားတံခါးကြားထဲက ပျားပန်းခတ်မျှ ရှုတ်ရှက်ခတ်နေသော လူတို့၏အရိပ်များက ဖြတ်ခနဲ ဖြတ်ခနဲ ဖြစ်သွားပုံမှာ ဒါရိုက်တာ Jean Jacques Annaud စိတ်ကူးကောင်းသော ရိုက်ချက်များပင်ဖြစ်သည်။

ထိုရုပ်ရှင်စတင်ရုံတင်စဉ်က R18 အဖြစ် သတ်မှတ်ခဲ့သည်။ အဘယ့်ကြောင့်ဆိုသော် အဝတ်ဗလာဖြင့် ချစ်တင်းနှောခန်းတွေက များသောကြောင့်ဖြစ်သည်။ သို့ပေမယ့် ထိုအခန်းများသည် ဖိုမဆက်ဆံခန်းတွေလို မပြင်းပြ။ အထည်ကြီးပျက် မိခင်မုဆိုးမနှင့် အသုံးမကျသော အကိုနှစ်ယောက်နှင့်အတူနေနေရပြီး စိတ်ဓာတ်ကျနေသော ၁၆နှစ်အရွယ် ပြင်သစ်မလေးနှင့် ချမ်းသာသော်လည်း အထီးကျန်ဆန်လှသော အသက် ၃၁နှစ်အရွယ် အမျိုးသားတစ်ဦး တို့၏ ဆက်ဆံရေးသည် ကာမဆန္ဒထက် အဖော်အဖြစ် တစ်ယောက်နှင့်တစ်ယောက်လိုအပ် နေတာ အမှန်ပင်။ ကောင်မလေး၏ချစ်သူက အချစ်ဆိုသောအရာဖြင့် ချဉ်းကပ်သော်လည်း ကောင်မလေးအတွက်ကတော့ သူမ မိသားစုအတွက်၊ ပြင်သစ်ကိုပြန်နိုင်ရေးအတွက်သာ။ သူမ သူ့အပေါ် အမှန်တကယ် ချစ်မြတ်နိုးချိန်မှာတော့ အရာအားလုံးက နောက်ကျသွားပြီဖြစ်သည်။

Lover ဟူသော ရုပ်ရှင်ကားသည် ပျော်ရွှင်ကြည်နူးနေကြသော ချစ်သူနှစ်ဦး၏ ဇာတ်လမ်းမဟုတ်ပါ။ မတူညီသောဓလေ့ထုံးစံနှင့် စိတ်ပျက်စရာကောင်းသော မိသားစုတွေကြားမှာ ချောင်ပိတ်မိနေသော ချစ်သူနှစ်ဦး၏ ပုံရိပ်များသာဖြစ်သည်။ လေးလေးပင်ပင် ခံစားနိုင်သော အချစ်ဇာတ်လမ်းကြိုက်သူများအတွက် လက်မလွှတ်သင့်သော ရုပ်ရှင်ဇာတ်ကားတစ်ကားပင် ဖြစ်ပါတော့သည်။

………………………………………………….။…………………………………

Lover ရုပ်ရှင်အဖွင့်မှာ စာရေးဆရာမ အဖွားအိုတစ်ဦးရဲ့ သူမရဲ့ချစ်သူအကြောင်း နောက်ကြောင်းပြန်ပြောဟန်ဖြင့် စထားပါသည်။ သူမရဲ့ဇာတ်လမ်းက လွန်ခဲ့သော ၁၉၃၀ဝန်းကျင် အင်ဒိုချိုင်းနားက ဆိုင်ဂွန်မြို့လေး (အခု ဗီယက်နမ်၊ ဟိုချီမင်းမြို့) မှာ ဇာတ်အိမ်ဖွဲ့ထားပါသည်။ အတိအကျပြောရလျှင်ဖြင့် ဆိုင်ဂွန်မြို့ကို အသွား ဖယ်ရီ (ဇက်) တစ်စီးပေါ်တွင်ဖြစ်သည်။

၁၆နှစ်အရွယ် ကောင်မလေးတစ်ယောက်။ မတောက်ပတော့တဲ့ ကာကီရောင် ဝတ်စုံလေးတစ်စုံကို ဝတ်ထားပြီး ယောက်ျားဆောင်းဦးထုပ် တစ်ခုကို ဟန်ပါပါ ဆောင်းထားကာ ရွှေအိုရောင် ဆံပင်လေးတွေကို ကျစ်ဆံမြီးနှစ်ဖက်ချထားပါသည်။ သူမ၏ ခြေထောက်တစ်ဖက်ကို ဖယ်ရီလက်ရမ်းရဲ့ အောက်ဆုံးတန်း တစ်ခုပေါ်တင်ထားပြီး ဝါကြန့်ကြန့် ဒိုက်တွေမျောနေသော မဲခေါင်မြစ်ပြင်ကို အဓိပ္ပာယ်မဲ့ ငေးကြည့်နေသည်။သူမရဲ့ မျက်လုံးတွေက သူများတကာလိုလည်းမစူးရှ။ ဇက်ပေါ်မှာ ဆူညံနေသော ဗီယက်နမ်တို့၏ အသံကိုလည်း စိတ်မ၀င်စား။ သူမကြည့်နေတာ မြစ်ပြင်တစ်ခုတည်းသာ။

ဇက်ပေါ်မှာ နောက်ထပ် ငြိမ်သက်နေသော လူတစ်ယောက်။ ထိုလူက သူများတကာကဲ့သို့ ဇက်ပေါ်မှာမဟုတ်။ ဇက်ပေါ်မှာတင်ဆောင်လာသော အထက်တန်းကျကျ ဇိမ်ခံကားပေါ်မှာဖြစ်သည်။ ထိုလူက ကောင်မလေးလို မြစ်ပြင်ကို ငေးကြည့်မနေ။ မြစ်ပြင်ကို ငေးကြည့်နေသော ကောင်မလေးကိုသာ စိတ်ဝင်စားနေမိသည်။ အတန်ကြာသောအခါ ကားပေါ်မှဆင်းပြီး ကောင်မလေးနှင့် မိတ်ဖွဲ့ဖို့ကြိုးစားသည်။ ကောင်မလေးနှင့် စကားပြောသော အခါ ပါးလျလျ သူ၏နှုတ်ခမ်းလေးတွေ တုန်ရီနေသည်။ သူ့အတွက် အချစ်ဆိုတာ အမှန်တကယ် မွေးဖွားခဲ့ပြီဟု ထင်ပါသည်။ ဤသို့ဖြင့် ကောင်မလေးနှင့် ရင်းနှီးခွင့်ရလိုက်ပြီး သူမသွားမည့် ဆိုင်ဂွန်က သူမ၏ကျောင်းအိပ်ကျောင်းစား ဘော်ဒါဆောင် အထိပါ လိုက်ပို့ခွင့်ရလိုက်သည်။

………………………………………………….။…………………………………

တစ်ခုသော နံနက်ခင်းတစ်ခုမှာ သူမကို လိုက်ပို့ပေးခဲ့သော သူ၏အနက်ရောင် ကားကလေးသည် သူမ၏ကျောင်းရှေ့မှာ ငြိမ်သက်စွာ ရပ်နားထားသည်။ သူမသည် ထိုကားကလေးဆီသို့ တစ်လှမ်းချင်း ....... တစ်လှမ်းချင်း။ ထိုကားလေး၏ နောက်ခန်းမှာဖြင့် သူမရင်းနှီးခဲ့ရသော လူတစ်ယောက်။ ထိုလူသည် သူမအား တွယ်တာမြတ်နိုးမှု အပြည့်ဖြင့် ကမ်းလင့်လိုနေသည်။ သူမသည် ကားလေးဆီသို့ တဖြည်းဖြည်း ချဉ်းကပ်သွားပြီး ကားပြတင်းမှန်ကို သူမ၏နှုတ်ခမ်းပြည့်ပြည့်လေးဖြင့် ဖွဖွလေးနမ်းပြီး ကျောင်းဘက်သို့ ပြန်လည်ပြေးထွက်ခဲ့သည်။ ဆယ်ကျော်သက် ရင်ခုန်မှု ဤသို့ဖြင့် အစပြိုးခဲ့လေသည်။

One night…
During the crossing of the Indian Ocean…
In the main room on the big deck….
There had been a sudden burst.. of a waltz by Chopin… There wasn’t breath of wind… and that night the music had spread all over the black liner….
Like an injunction from heaven….
Related to something unknown……
Like an order from god…
Whose meaning was inscrutable.
She had wept… because she had thought of the man from Cholon…
Her lover…. And suddenly she wasn’t sure… of not having loved him with a love she hadn’t seen … because it had lost itself in the story…
Like water in the sand… and that she was rediscovering it now in the moment of music flung across the sea……..

Years after the war…
After the marriages, the children..
The divorces, the books….
He had come to Paris with his wife. He had phoned her…
He was intimidated…
His voice trembled… and with the trembling…
It had found the accent of China again…..
He knew she’d begun writing books.. he had also heard about the younger brother’s death. He had been sad for her… and than he hadn’t known what to tell her ….
he had told her that it was as before…. That he still loved her… that he would never stop loving her…… that he would love her until his death……

Green Girl နှင့် ၂၆ဂဏန်း

၂၆ရက်မှာ.. ၂၆နှစ်
ဒီလိုနှစ်သစ်တွေ တစ်ရစ်ပြီးတစ်ရစ်
ပိုင်သူမဲ့တဲ့ကိုယ့်အဖြစ်
ရင်ကိုထုထုပြီး......
ဖေဖေနဲ့မေမေကို အပြစ်တင်ခဲ့ရတာလဲ
၂၆ကြိမ်တိတိပေါ့......။

သြော်....
နောက်ထပ် ၂၀၂၆ဆိုရင်တောင်
ငါကြိုက်ခဲ့တဲ့ ဟိုကောင်တွေရဲ့သားတွေတောင်
၂၆နှစ်တောင် ကျော်လောက်ရောပေါ့....။

စိမ်းတိမ်းတိမ်းရေ....
၂၀၀၆ကနေ Singapore ကိုရောက်တာ... အခုဆိုရင် ၂၀၀၉ထဲရောက်ခဲ့ပြီ…. တို့တတွေလည်း အသက်တွေကြီးလာပြီနော်…။ ၂၆နှစ် နင့်မွေးနေ့မှာ သူများတွေလိုတော့ ဆုမတောင်းတော့ပါဘူး။ နင်မေ့နေတာလေး တစ်ခုပဲ သတိပေးလိုက်တော့မယ်….။

နင့်ဘလော့ခ်မှာ အားလုံးဝိုင်းကူညီကြဖို့အကြောင်း POST အသစ်တစ်ခုတင်ရင်…. အချိန်မီပါသေးတယ်နော်…..။ ဟုတ်တယ်ဟုတ်….။

နင့်ရဲ့ မလျှော်ရသေးတဲ့ ပုဆိုးတစ်ထည်….

ဂျူး၏ စကားပန်းများကို ဖန်တီးခြင်း (ဒုတိယပိုင်း)

ပြဇာတ်တစ်ပုဒ် ကောင်းကောင်း ဖန်တီးဖို့ဆိုတာ တကယ်တော့ မလွယ်လှပါဘူး။ ပြဇာတ်တစ်ခု ဖန်တီးရာမှာ အဓိကအားဖြင့်Realistic (သဘာဝ) နှင့် Abstract (စိတ်ကူးယဉ်) ဆိုပြီး ၂ပိုင်းရှိပါတယ်။ တကယ်တမ်း ကျွန်တော်လုပ်ချင်တာက Realistic ပုံစံပါ။ ကျွန်တော့်စိတ်ကူးထဲက ပြဇာတ်ကခန်းတွေမှာ တကယ့်အစစ် စကားပန်းပင်တွေနဲ့ ပြည့်နေမယ်၊ စကားပန်းရနံ့ သင်းရှရှလေးရနေမယ်ဆိုရင် ကြည့်တဲ့သူတွေကိုယ်တိုင် တကယ့်ဥယျာဉ်ထဲ ရောက်သွားသလို ခံစားလို့ရမှာပါ။ နောက်ပြီး ၀ထ္ထုထဲကအတိုင်း မိုးရွာတဲ့ အခန်းတွေမှာ ရေတွေဖြန်းပြီး မိုးအစစ်တွေလို ဖန်တီးခဲ့ချင်တယ်။ ဒါပေမယ့် မိုးအစစ်မပြောနဲ့ ရေတစ်စက်မှတောင် မဖန်တီးရသေးဘူး။ ဆရာမရဲ့ idea မုန်တိုင်းတွေကြားမှာ တစ်စစီ ပျက်စီးကုန်တယ်ဗျာ။ သူက ကျွန်တော်လေ့လာဖို့ဆိုပြီး နမူနာတွေပေးတယ်ဗျ၊ တချို့ပြဇာတ်တွေမှာဆိုရင် အလယ်မှာ ထိုင်ခုံတစ်လုံးပဲချပြီး၊ အဲ့သည် ထိုင်ခုံတစ်လုံးကိုပဲ ထိုင်လိုက်၊ တွန်းလိုက်၊ ဖတ်လိုက်၊ လွှင့်ပစ်လိုက်နဲ့ တစ်ယောက်ပြီး တစ်ယောက်သာ သရုပ်ဆောင်သွားကြတယ် အဲ့သည် ထိုင်ခုံက ပြဇာတ်ဆုံးတဲ့အထိ စင်ပေါ်မှာပဲ။

ပြဇာတ်ဒီဇိုင်းဆွဲရာမှာ နောက်ထပ်အရေးကြီးတဲ့အချက်က သရုပ်ဆောင်အနုပညာသည်များနှင့် ပွဲကြည့်ပရိသတ်များရဲ. အသက်အန္တရာယ် လုံခြုံရေးပါပဲ။ လျှပ်စစ်ကိရိယာမျိုးစုံနှင့် ရှုပ်ရှက်ခက်နေတဲ့ ဇာတ်စင်ပေါ်မှာ ရေတစ်စက်ဟာ အလွန်ပဲ အန္တရာယ်ကြီးပါတယ်။ ကျွန်တော် ဖန်တီးချင်ခဲ့တဲ့ မိုးရေစက်တွေ၊ စိမ်းသက်သက်မွှေးနေမယ့် စကားပန်းပင်လေးတွေ၊ အဲ့ဒါတွေအားလုံး မြဦးမေရဲ့ စကားပန်းဥယျာဉ်ကြီးရဲ့ဘေးက တရှိန်ရှိန်စီးဆင်းနေတဲ့ ချောင်းကလေးမှာ တဖြေးဖြေးမျောပါသွားခဲ့တယ်။

ဖန်သီးလုံးလေးတွေနဲ. မိုးအတုလုပ်ဖို့ ကျွန်တော် အနေနဲ့ အမျိုးမျိုး ကြိုးစားပါသေးတယ်....

စိတ်ကူးထဲကထွက်လာသမျှကို မလွတ်အောင် ပုံကြမ်းတွေဆွဲ၊ အရောင်တွေရွေးပြီးတဲ့ အခါကျတော့ စက္ကူတွေ၊ သစ်သားစတွေ၊ ပိတ်စတွေ ၀ယ်ပြီး ဇာတ်စင်ပုံစံငယ်လေး တည်ဆောက်ရပါတယ်။

ဒါပေမယ့် ကျွန်တော် အားမလျှော့ပါဘူး။ ကျွန်တော်ဖြစ်ချင်တဲ့ Realistic ဆန်ဆန်ကို ပြဇာတ်ရဲ့ အခြေခံအနေနဲ့ အနည်းငယ်သုံးပြီး ၀ထ္ထုထဲက အရာဝထ္ထုတွေကို Abstract ဆန်ဆန်ဖန်တီးခဲ့ပါတယ်။ အဓိကကျတဲ့ စကားပင်တွေရဲ့ ပင်စည်ပင်ခက်တွေကို ပုံမှန်အတိုင်းထားပြီး ပွင့်ချပ်တွေကို လူတစ်ကိုယ်စာလောက် ခပ်ကြီးကြီးသုံးလိုက်ခြင်းအားဖြင့် ဇာတ်လမ်းရဲ့ အဓိကကျတဲ့အရာကို မီးမောင်းထိုးပြလိုက်သလိုပါပဲ။ နောက်ပြီး မိုးအတုတွေအစား ဖန်လုံးလေးတွေ အတွဲလိုက် ကြိုးနဲ့သီပြီး ဇာတ်စင်ပေါ်ကနေ တွဲလောင်းလေးတွေ ချလိုက်ပါတယ်။ စလိုက်မီးရောင်တွေ အောက်မှာ အဲ့ဒီဖန်သီးလေးတွေက တစ်လက်လက်နဲ့ မိုးကို ကိုယ်စားပြုနိုင်မှာပါ။

…………………………………………………………။……………………………………………….

ဇာတ်အဖွင့်

ကျွန်တော် ဂျူးရဲ့ဝတ္ထုကို ပြဇာတ်အဖြစ် အသွင်ပြောင်းလိုက်တဲ့ အချိန်မှာ အဓိကအခန်းသုံးခန်း ခွဲထားပြီး ဒီဇိုင်းဆွဲပါတယ်။ ဇာတ်ပညာလောကမှာ ပင်မကပြရတဲ့အခန်း အနည်းဆုံး ၂ခန်းကနေ၊ အများဆုံး ၄ခန်းရှိတတ်ပါတယ်။ အဲ့ဒီအခန်းတွေကို Act လို့ခေါ်ပါတယ်။ ပုံမှန်အားဖြင့် အဲ့ဒီပင်မ အခန်းကြီးရဲ့ အောက်မှာ အခန်းငယ်ကလေးတွေခွဲပြီး ကပြကြရပါတယ်။ အဲ့ဒီအခန်းငယ်ကလေးတွေကို Scene လို့ခေါ်ကြပါတယ်။ ပြဇာတ်တစ်ခုသွားကြည့်ပြီဆိုရင် ပင်မ အခန်းနှစ်ခန်း ကပြီးသွားရင် ဇာတ်ခဏရပ်ပြီး၊ ပရ်ိသတ်တွေကို ဆယ့်ငါးမိနစ်၊ နာရီဝက် အနားပေးတတ်ပါတယ်။ အဲ့ဒီအချိန်မှာတော့ ဇာတ်စင်နောက်မှာ နောက်ဆုံးအခန်းအတွက် အလုပ်အရမ်းရှုပ်နေကြချိန်ပေါ့။ ဘာလို့လဲဆိုတော့ နောက်ဆုံးအခန်းက များသောအားဖြင့် ဇာတ်ရှိန်အတက်ဆုံး၊ အခမ်းနားဆုံးဖြစ်တတ်လို့ပါပဲ။

သူ့ပုံပြင်ကို ကျွန်မစိတ်ဝင်စားစပြုလာသည်။ သူသည် ပုံပြောနေကျ လူတစ်ယောက်လိုပင် ဘယ်နေရာမှာ ခဏဖြတ်ထားရမလဲဟု သိနေပုံမျိုးဖြင့် ခဏရပ်သွားသည်။ အသံသည် ကျွန်မ၏အထက် တည့်တည့်မှ လာသလား။ စံကားပင်၏ နောက်တည့်တည့်မှ လာသလား၊ ကျွန်မ မသိပါ။ ထိုစကားသံကလွဲလျှင် သူ့ဆီက ဘာသံမျှ မကြားရ။ အ၀တ်စချင်း ပွတ်တိုက်သံ၊ သစ်ပင် ပင်စည်နှင့် သူထိကပ်လှုပ်ရှားသံ၊ သစ်ရွက်များ ပန်းပွင့်များကို နင်းမိသံ၊ ဘာဆိုဘာမှ မကြားရ၊ သူ၏ တိုးတိတ်သော စကားသံနှင့်အတူ တစ်ချက် တစ်ချက် ကျွန်မထံရောက်လာသည်က မြစ်ရေစီးသံ သဲ့သဲ့သာဖြစ်သည်။

ကျွန်တော့်ရဲ့ ပြဇာတ် ACT 1 ကို လိမ္မော်ရောင်တောက်နေတဲ့ စကားပန်းဥယျာဉ်ကြီးနဲ့ စတင် မိတ်ဆက်လိုက်ပါတယ်။ ပြဇာတ်တစ်ခုကို ဖန်တီးရာမှာ အရောင်တွေကို မှန်ကန်စွာ ရွေးချယ်တတ်ဖို့ အရေးကြီးပါတယ်။ မြဦးမေရဲ့ အတ္ထုပတ္တိ ရေးမယ့် မေဇော် ရောက်လာချိန်မှာ ဥယျာဉ်ကြီးတစ်ခုလုံး ရွှေဝါရောင်၊လိမ္မော်ရောင်၊ အစိမ်းရောင်၊ အနီရောင်စတဲ့ အရောင်မျိုးစုံဖြင့် လှပနေအောင် တောက်ပတဲ့ အရောင်တွေကို ကျွန်တော်ရွေးချယ်လိုက်ပါတယ်။ ဒါမှသာ မေဇော်ရဲ့ အရာရာကို စူးစမ်းသိလိုတဲ့စိတ်၊ စကားပန်းပင်တွေကြားက သူမ မသိတဲ့လူတစ်ယောက်ရဲ့ လျှို့ ၀ှက်သိမ်မွေ့သော ပုံပြင်တစ်ပုဒ်၊ ပုံပြင်ထဲက လူ၂ယောက်ရဲ့ မမြင်ရတဲ့ ချစ်ချင်းမေတ္တာ၊ အဲဒါတွေ ပီပြင်မှာပါ။

မြဟာ အဲ့ဒီပန်းပင်တွေကို သိပ်ကြိုက်တာ။ မြ လိုချင်တယ်ဆိုတော့ လက်သမားလေးက စံကားပင်ပေါ်တက်ပြီး ပန်းတွေကိုခူးပေးတယ်။ မြက မေးတယ်။ ဘာဖြစ်လို့ ပန်းပင်က တစ်ပင်တည်း ရှိတာလဲတဲ့။ အဲ့ဒီနေ့ကစပြီး လက်သမားလေးဟာ တစ်တောဝင် တစ်တောင်တက်နဲ့ စံကားပင်ရှာပုံတော် ဖွင့်ပါလေရော။ နှစ်နှစ်လောက် ကြာသွားမှ စံကားပင်ပေါက်မျိုးစုံ၊ မျိုးစေ့အစုံနဲ့ ရွာကို ပြန်ရောက်လာတယ်။
လက်သမားလေးဟာ သူပါလာတဲ့ စံကားပင်တွေကို အစေ့ပျိုးလိုက် ရေလောင်းလိုက်နဲ့ သူ့ဘ၀မှာ မြနဲ့ စံကားပင်တွေချည်းပဲပေါ့။

ART 2 မှာတော့ ပြဇာတ်အခန်းတွေက နည်းနည်းရှုပ်လာပါပြီ။ ခွန်သာရဲ့ ပုံပြင်ထဲက ကြိုးတံတားရယ်၊ မိုးရွာနေတဲ့ အောက်က သစ်လုံးအိမ်ကလေးရယ်၊ အဲဒါတွေအားလုံးက ART 2 ရဲ့ အဓိကအခြေခံပါပဲ။ အမှန်အတိုင်းပြောရရင် ဖန်သီးလုံးလေးတွေနဲ့ မိုးအတု ဖန်တီးမယ့် ကျွန်တော့်ရဲ့ စိတ်ကူး၊ ဒီနေရာမှာ တက်တက်စင်အောင်လွဲတော့တာပါပဲ။ ဘယ်လိုပဲ ကြိုးစား ကြိုးစား၊ လှပတဲ့ မိုးတစ်ခု ဖြစ်အောင် ကျွန်တော်မဖန်တီးနိုင်ခဲ့ပါဘူး။ နောက်ဆုံးမှာ မိုးအစား ဆလိုက်မီးတွေကိုသာ အသုံးပြုဖို့ ရွေးချယ်ခဲ့ရပါတယ်။

သားငယ်နဲ့အတူကြီးပြင်းလာတဲ့ တောင်ပေါ်စကားဖြူပင်လေး ဒီနေ့စပွင့်ပြီ။ သားကလည်း ဆယ့်တစ်နှစ်။ သူကလည်း ဆယ့်တစ်နှစ်။ ဒါပေမယ့် အပွင့်ပေါင်း ဆယ့်ရှစ်ပွင့်....တဲ့။
အဲ့ဒါမေမေ ရေးခဲ့တဲ့ နောက်ဆုံးစာကြောင်းပဲ မမေဇော်။ မေမေ နောက်ဆုံးရေးခဲ့တဲ့ စာကြောင်းက ကျွန်တော့အကြောင်းတော့ မဟုတ်ဘူး။

မင်းသိလားဟင်၊ ဒီ Star magnolia ပင်က မင်း ဒီအိမ်ရောက်တဲ့နေ့မှာ ဒုတိယအကြိမ်အတွက် ပြန်ပြီး ဖူးလာခဲ့တာ။
မင်းအတွက်မဟုတ်ရင် အပင်တစ်ခုဟာ ဘာကြောင့် နှစ်ခါပွင့်မလဲ။ မင်းကိုစောင့်တာသာ မဟုတ်ဖူးဆိုရင် သူကရာသီချိန်တုန်းက ပွင့်တယ်ဆိုရုံလေး ဘာကြောင့်ပွင့်ပြရမှာလဲ။ မင်းအတွက်သာ မဟုတ်ဖူးဆိုရင် မင်းရောက်တဲ့နေ့မှာမှ ဘာကြောင့် ဖူးရမှာလဲ။

ရပါတယ် မေ၊ မေ့စိတ်သဘောအတိုင်းပါ။ကိုယ်က မေ့အတွက် ဆိုရင် ဘာမဆိုပေးဖို့ အဆင်သင့်ပါပဲ။

ဘာမဆို....။
ဟင့်အင်း ကျွန်မအပေါ် အဲဒီလောက် မခင်တွယ်လိုက်ပါနဲ့။

နောက်ဆုံးအခန်း ART 3 ကို ရောက်သွားချိန်မှာတော့ တောက်ပတဲ့ အရောင်တွေအားလုံး အဝေးကို ရောက်သွားပါပြီ။ ဗေဒါရောင်၊ ခရမ်းရောင်၊ အညိုရောင်၊ မဲနယ်ရောင်တို့ဟာ ART 3 ရဲ့ အသက်ပါပဲ။ ခွန်သာ တကယ်သေသွားပြီလား၊ ဥယျာဉ်ထဲက လူက ခွန်သာလား၊ အဲဒီလူကရော တကယ့်လူမှ ဟုတ်ရဲ့လား၊ စတဲ့ သံသယပေါင်းများစွာ ဖြစ်ပေါ်လာအောင် ကျွန်တော် အဲဒီအရောင်တွေ ရွေးပြီးသုံးခဲ့တယ်ဆိုရင် မမှားပါ။ နောက်ပြီး ခရမ်းရောင်… ခရမ်းရောင် တော်တော်များများကို နောက်ဆုံးခန်းတွေမှာ သတိထားမိမှာပါ။ တချို့က ခရမ်းရောင်ဆိုတာ အချစ်ကို ကိုယ်စားပြုတယ်တဲ့။ ဒါကြောင့်မို့ လို့ ၀ထ္ထုရဲ့နောက်ဆုံးပိုင်း မေဇော်ရဲ့ ဒွိဟဖြစ်နေတဲ့ သံယောဇဉ် နှစ်ခွကို အဲ့ဒီအရောင်ကို သုံးခြင်းဖြင့် အကောင်းဆုံး ဖော်ကြူးနိုင်မယ်လို့ထင်ပါတယ်။

နင်ကလက်တွေ့ ဘ၀ထဲကနေ စိတ်ကူးကမ္ဘာဥယျာဉ်ထဲ ရောက်သွားခဲ့တာကိုး။ နင့်ကို အိပ်မက်ဆန်တဲ့ စကားပင်တွေက အိပ်မွေ့ချထားခဲ့တာ။ ဒါကြောင့် နင်မနိုးသေးတာ။ တစ်ယောက်ယောက်က လာနှိုးပေးမှ နင်တကယ်နိုးလာမှာ ငါသိတယ်။ ဒီတော့ နင့်ကိုနှိုးဖို့ နင့်ဘေးမှာ ငါကလွဲပြီး ဘယ်သူရှိမှာလဲ။ ငါပဲ ရောက်လာရတာပေါ့။

ငါအခု မသွားရင် သူ့ကို ဘယ်တော့မှ တွေ့ရတော့မှာ မဟုတ်ဘူး။ သူဒီကနေ ထွက်သွားတော့မှာ ငါသိတယ်။

သူကို ကျွန်မ တွေ့ချင်ပါသေးသည်။ အခုလို ဗြုန်းစားကြီး ပျောက်ကွယ်သွားသည့် အဖြစ်ကို ကျွန်မ မျှော်လင့်မထားခဲ့မိ။ သူဘယ်များ ရောက်နေတာပါလိမ့်။ ဘာကြောင့် သူကို မမြင်တာပါလိမ့်။ သူဟာ တကယ်ပဲ တစ္ဆေလား။

စိတ်ကူးထဲကထွက်လာသမျှကို မလွတ်အောင် ပုံကြမ်းတွေဆွဲ၊ အရောင်တွေရွေးပြီးတဲ့ အခါကျတော့ စက္ကူတွေ၊ သစ်သားစတွေ၊ ပိတ်စတွေ ၀ယ်ပြီး ဇာတ်စင်ပုံစံငယ်လေး တည်ဆောက်ရပါတယ်။ ပထမဆုံး ပုံစံငယ်ကို ဆရာမ လာကြည့်တယ်၊ သေးတယ်တဲ့။ နည်းနည်းခပ်ကြီးကြီးလုပ်လိုက်တယ်၊ သေး သေးတုန်းပဲတဲ့။ အဲဒါနဲ့စိတ်တိုပြီး ၂ပေ ပတ်လည်၊ ၂ပေခွဲအမြင့်ရှိတဲ့ ပုံစံငယ်ဆောက်ပြစ်လိုက်တယ်။ မှတ်ကရော။ သူလည်းမှတ်တယ်၊ ကိုယ်လည်းမှတ်တယ်။ ကိုယ့်ဘက်က ပိုက်ဆံ S$၂၀၀ လောက် ကုန်သွားတာကိုး။

ဒီလိုနဲ့ ပုံစံငယ်တွေလုပ်လိုက်၊ ပုံကြမ်းတွေဆွဲလိုက်နဲ့ Jury ရောက်ဖို့ ၂ရက်ပဲလိုတော့တယ်။ (Jury ဆိုတာ စာမေးပွဲ လိုပါ။ ကိုယ်လုပ်ထားတဲ့ Project အတွက် နောက်ဆုံး Presentation ကို Department က ဆရာ၊ ဆရာမအားလုံးရှေ့မှာ ရှင်းပြရတာပါ။) အဲဒီအချိန်အထိ ကျွန်တော် Presentation လုပ်ဖို့ အဆင်သင့် မဖြစ်သေးပါဘူး။ လုပ်ထားတဲ့ ပုံစံငယ်ကိုလည်း ဓါတ်ပုံရိုက်ရဦးမယ်။ ဓါတ်ပုံရိုက်ပြီးရင် သဘာဝကျနေအာင် လူပုံတွေ ထဲ့ပြီး Photoshopနဲ့ ပြင်ရဦးမယ်။ ပုံစံငယ်ကလည်း မပြီးသေး။ လူပုံလည်း မရှိသေး။ ကျွန်တော်လည်း စိတ်ပေါက်ပေါက်ရှိတာနဲ့ ကျီခနဲနေအောင် အော်ပစ်လိုက်တယ်။ ဘေးမှာထိုင်နေတဲ့ အတန်းဖော် ကျောင်းသားကလည်း ဘာမဆိုင်ညာမဆိုင် ထအော်တယ်။ သူ့အော်သံကြားတော့ တစ်ဖက်ခန်းက လူတွေကပါ စီခနဲနေအောင် ပြန်အော် ကြတယ်။

Juryနီးလာပြီဆိုရင် ကျောင်းသားတွေ အိမ်မပြန်ကျတော့။ စာသင်ခန်းထဲမှာ ညလုံးပေါက်နေကြရင်း အော်ကျ၊ဟစ်ကျ၊ စကားများကြတယ်။ ငါ့Idea သူခိုးတယ်၊ သူ့ဒီဇိုင်း ငါကူးတယ်ဆိုပြီး တစ်ယောက်နဲ့ တစ်ယောက် စွပ်စွဲကြပြန်ရော။ ကျွန်တော်လည်း ကိုယ့်နားကိုယ်ပိတ်ပြီး၊ ကိုယ့်နားကျပ်ကိုယ်တပ်ပြီး လုပ်စရာရှိတာသာ ဆက်လုပ်နေလိုက်တယ်။ နာရီကို ကြည့်လိုက်တော့ ည၂နာရီအတိ။

နောက်နေ့ကျတော့ ကျောင်းကရှိသမျှ မြန်မာကျောင်းသူချောချောလေးတွေကို ဖုန်းမရမကခေါ်။ မလွင်အောင်နှင့် ရွှန်းလဲ့တို့ကို သူတို့မအားတဲ့ကြားထဲကနေဓါတ်ပုံရိုက်ဖို့ အကူအညီ အတင်းတောင်း၊ မြန်မာအင်္ကျီတွေ ရှာခိုင်း၊ အချိန်က သိပ်မကျန်တော့။ တကယ့်ကို ဖုတ်ပူမီးတိုက်။ Photoshopနဲ့ ပြင်ဖို့ လူပုံတွေအမြန်ရမှ ဖြစ်တော့မယ်။

ကျောင်းမှာလူစုံတာနဲ့ ဓါတ်ပုံရိုက်ဖို့ ရိုက်ကွင်းရှာရပြန်ရော။ နောက်တော့ အတန်းဖော်တွေ တွေ့သွားပြီး copy အကူးခံရမှာကြောက်တာနဲ့ ကျောင်းမှာမရိုက်ဖြစ်ပဲ City Hall နားက Fort Canning မှာ ကျွန်တော်တို့ ဗမာတစ်အုပ်စုလုံး ဓါတ်ပုံသွားရိုက်ရတယ်။ တော်တော်ကလေးဆန်တဲ့ အဲဒီကိုယ့် အဖြစ်ကို ပြန်ပြန်တွေးမိတိုင်း ခဏခဏပြုံးမိတယ်။

ဒီလိုနဲ့ပဲ ကျွန်တော့်ရဲ့ စကားပန်းဥယျာဉ်ကြီးလည်း အရပ်ကူလိုက် လူဝိုင်းလိုက်နဲ့ပဲ နောက်ဆုံးပန်းတိုင်ကို ကသောကမျောနဲ့ ရောက်သွားတော့တယ်။ သြော်……. အခုတော့လည်း ကျွန်တော် စိုက်ခဲ့တဲ့အပင်လေး ပန်းပွင့်တာ မြင်ရပြီပေါ့ဗျာ။

…………………………………………………………။……………………………………………….

ကျွန်တော့်ရဲ့ ဒီပြဇာတ်လေးကို အပြင်မှာ တကယ် မသုံးခဲ့ရပါဘူး။ ကျွန်တော့်ရဲ့ စိတ်ကူး၊ ကျွန်တော့်ရဲ့ ခံစားမှုတွေ အနေအဖြစ် ကျောင်းရဲ့သင်ခန်းစာအနေနဲ့ ပွင့်အံထွက်လာပေမယ့်၊ ကျောင်းမှာ လုပ်ခဲ့တဲ့ Project တစ်ခုအနေနဲ့ ပိုပါတယ်။ ကျွန်တော်ရူးသွပ်စွာ ဖန်တီးခဲ့တဲ့ ဒီပြဇာတ်လေးဟာ မှန်သလားမှားသလား အဲ့ဒီအချိန်က မသိခဲ့ပါဘူး။ အခုအချိန်မှာ အဲဒီအကြောင်းကို ပြန်စဉ်းစားမိတိုင်း အမှားတွေ အများကြီးရှိတာ သိပေမယ့် ကျွန်တော် ဖြစ်ချင်တဲ့ အရာတွေအတွက် ပထမဆုံး ခြေလှမ်းသာ ဖြစ်ခဲ့မယ်ဆိုရင်တော့ ကျွန်တော့် ရင်ထဲက စကားပန်းဥယျာဉ်ကြီး အမြဲလမ်းဆန်း မွှေးပျံ့နေမှာပါ။

မေဇော်...ပန်းတစ်ပွင့်က ငါ့အတွက် ပန်းတစ်ပွင့်ထက်ပိုတဲ့ တစ်ခဏရှိတယ်။ ငါ ၀န်မခံချင်ပေမယ့် ဘယ်လိုမှ မတတ်သာတော့လို့ ၀န်ခံလိုက်ပြီးပြီလေ။ ဒါပေမယ့် အဲ့ဒီပန်းကို ငါဘယ်လိုလုပ်ပြီး စေ့စေ့စပ်စပ် သိနိုင်မလဲ။ အဲ့ဒီအတွက် နင်ငါ့ကို အပြစ်တင်ချင်သေးသလား။

ဂျူး၏ စကားပန်းများကို ဖန်တီးခြင်း

စကားပန်းလေးတွေ...

ကျွန်တော် အဲ့ဒီစကားပန်းလေးတွေနဲ့ ရင်းရင်းနှီးနှီး ဖြစ်ခဲ့တာ ငယ်ငယ်ကတည်းကပေါ့။ ပန်းလေးတွေကို ကျွန်တော်စပြီး သတိထားမိတာက စံပြရုပ်ရှင်ရုံနားက ဂျပန်ဆေးရုံမှာပါ။ ကျွန်တော့အစ်မအကြီးဆုံးရဲ့ သူငယ်ချင်းက အဲ့ဒီဆးရုံမှာ အလုပ်လုပ်ဖူးတယ်။ ငယ်ငယ်တုန်းက အဲ့ဒီဆေးရုံကို သွားလည်တိုင်း ဆေးရုံတစ်ဆောင်နဲ့ တစ်ဆောင်ကြားက မြက်ခင်းစိမ်းစိမ်းလေးတွေမှာ တရုတ်စံကားပန်း အဖြူရောင်လေးတွေ စိုက်ထားတာ အများကြီးပဲ။ ပွင့်လွှာက အဖြူရောင်၊ အရွက်က ခပ်စိမ်းစိမ်း၊ အနံ့က မွှေးသက်သက်လေးမို့ ဆေးရုံမြင်ရင် ကြောက်တတ်တဲ့ ကျွန်တော့အတွက် အဲ့ဒီပန်းပွင့်လေးတွေကပဲ မကြောက်အောင် သင်ပေးခဲ့တယ်လေ။ အိမ်ပြန်ရောက်တော့ တရုတ်စကားပင် စိုက်ချင်တယ်လို့ မေမေ့ကိုပြောတော့ မေမေက တရုတ်စကားပင်စိုက်ရင် အိမ်မှာ စကားများတတ်တယ်တဲ့။ ဒီလိုနဲ့ပဲ တရုတ်စကားပန်းပင်လည်း မစိုက်ဖြစ်။ မေ့မေ့ပျောက်ပျောက်နဲ့ ဖြစ်ခဲ့တာ ကြာပြီပေါ့။

"ဂျူး"ရဲ့ "ချစ်သူလား... စကားတစ်ပွင့် ပွင့်ခဲ့တယ်" ဆိုတဲ့ စာအုပ်ကို ဖတ်ပြီးတဲ့ အချိန်မှာတော့ ငယ်ငယ်က အမှတ်တမဲ့ မေ့နေတဲ့ စကားပန်းရနံ့လေးတွေ ကျွန်တော့နားမှာ ဝေ့ကာသီကာနဲ့ သင်းလာတယ်။ ၀တ္ထုစာမျက်နှာ တစ်ရွက်ပြီးတစ်ရွက် လှန်လိုက်တိုင်းမှာ စကားပန်းပွင့်ဖတ်နုနုလေးတွေ တစ်ချပ်ပြီးတစ်ချပ် ပွင့်လာခဲ့တယ်။ ၀တ္ထုက ကျွန်တော့ကို ဘယ်လောက်ဖမ်းစားသလဲဆိုရင် တစ်နေကုန် ထမင်းမေ့ ဟင်းမေ့ပါပဲ ဆိုပါတော့။

အဲ့ဒီဝတ္ထုကို ဖတ်ပြီးတဲ့ အချိန်မှာတော့ ရုပ်ရှင်ရူး ရူးတတ်တဲ့ ကျွန်တော့အတွက် စကားပန်းဥယျာဉ်ကြီးထဲမှာ ဇာတ်လမ်းဇာတ်ကွက်တွေ၊ စကားပန်းအမျိုးမျိုးတွေနဲ့ စိတ်ကူးယဉ်ပြီး ရူးခဲ့မိသေးတယ်။ ၀တ္ထုထဲကအတိုင်း စကားပန်းဥယျာဉ်ကြီးသာ အပြင်မှာတကယ်ရှိခဲ့ရင် ဘယ်လောက်ကောင်းလိုက်မလဲလို့ တောင့်တမိသေးတယ်။ ( ကျွန်တော် အနှစ်သက်ဆုံး ရုပ်ရှင်ကားတွေအကြောင်း အလျဉ်းသင့်သလို ဖော်ပြပေးပါမယ်။ စကားချပ် )

အဲ့ဒီဝတ္ထုဖတ်ပြီးနောက် ၂နှစ်လောက်အကြာမှာပေါ့... ကိုယ်ဖြစ်ချင်တာ အပြည့်အ၀ မလုပ်နိုင်ပေမယ့် နည်းနည်းပါးပါးတော့ လုပ်ဖြစ်ခဲ့ပါတယ်။ ကျွန်တော် LASALLE-SIA မှာ နောက်ဆုံးနှစ် Project အတွက် ကိုယ်လုပ်ချင်တဲ့ Project တွေကို Programme Leader ဆီကိုတင်ရတဲ့ အချိန်မှာပါ။ နောက်ဆုံးနှစ် Project ကို Graduation Project လို့ခေါ်ရင်လည်း မမှားပါဖူး။ ကျွန်တော့ရဲ့ Programme Leader ဆရာမ Gho Suhan က ကျွန်တော့ကို ဘာ Project တင်မလဲလို့မေးတယ်။ Project အမျိုးအစားထဲမှာ ဘာသာရေးနဲ့ဆိုင်တဲ့ Interior Design, Museum နဲ့ ဆိုင်တဲ့ Interior Design, Commercial နဲ့ဆိုင်တဲ့ Interior Design... စုံလို့ပါပဲ။

အဲ့လိုခေါင်းစဉ်အမျိုးမျိုးရှိတဲ့အနက် အသစ်တိုးလာတဲ့ ခေါင်းစဉ်တစ်ခုက Set Design။ ဆရာမက နောက်တစ်နှစ်ကြရင် ဘာသာခွဲအနေနဲ့ Set Design ဆိုပြီးသင်ဖို့ ကျောင်းမှာစတင် ဆောင်ရွက်နေချိန်။ ကျွန်တော်တို့နှစ်က ကျောင်းသားတွေအနေနဲ့ Set Design ဆိုတာကို ကြားသာကြားဖူးပြီး ဘာသာရပ်တွေအနေနဲ့ လုံးဝမသင်ခဲ့ကြရ။ ဒါပေမယ့် ခေါင်းစဉ်အမျိုးမျိုးအနက် ကျွန်တော်စိတ်ဝင်စားမိတာက အဲ့ဒီ Set Design။


ကျွန်တော်လုပ်ရမယ့် Set Design က ကျွန်တော် အရမ်းစိတ်ဝင်စားတဲ့ ရုပ်ရှင်တွေနဲ့ ပတ်သက်ပြီး ဖန်တီးရတဲ့ အရာတော့ မဟုတ်ပါဘူး။ ကျောင်းမှာလုပ်ရတဲ့ ဒီဇိုင်းဆိုတာက ပြဇာတ်ရုံတွေမှာသုံးတဲ့ နောက်ခံအပြင်အဆင်တွေပါ။ ကျွန်တော်လည်း အဲ့ဒါကို စိတ်ဝင်စားတာနဲ့ နောက်ဆုံးနှစ် Project ကို Set Design နဲ့လုပ်ဖို့ ဆုံးဖြတ်လိုက်တယ်။

ဆုံးဖြတ်ပြီးတဲ့နောက်မှာတော့ ဇာတ်လမ်းတွေစပြီး ရွေးရတော့တယ်။ ကျွန်တော့အနေနဲ့ အဲ့ဒီအချိန်က နိုင်ငံတကာပြဇာတ်ဇာတ်လမ်းတွေနဲ့ အရမ်းစိမ်းနေပါသေးတယ်။ မြန်မာပြဇာတ်တွေကပဲ ကိုယ်နဲ့ရင်းနှီးတဲ့ ဇာတ်လမ်းကိုရွေးဖြစ်တယ်။ ရာမယဏပြဇာတ်ကိုရွေးချင်ပေမယ့် အဲ့ဒီဇာတ်က အရှေ့တောင်အာရှ နိုင်ငံတိုင်းလိုလိုမှာရှိတော့ မရွေးဖြစ်ခဲ့ဖူး။ ဦးပုညရဲ့ ရေသည်ပြဇာတ်ကို ရွေးမယ်လုပ်ပြန်တော့လည်း ဇာတ်လမ်းအပြည့်အစုံက မေ့နေပြန်ရော။ ရတနာပုံနန်းတွင်း ဇာတ်လမ်းတွေထဲက စုဖုရားလတ်အကြောင်း အမာခံလုပ်ပြီး ပြဇာတ်လုပ်ကြည့်ပြန်တော့လည်း ဇာတ်လမ်းဇာတ်ကွက်တွေက များနေပြန်ရော။

ဒီလိုနဲ့ပဲ ဘာရွေးရင် ကောင်းမလဲလို့ ဆုံးဖြတ်ရခက်နေတုန်းမှာ ဂျူးရဲ့ဝတ္ထုကို သွားသတိရမိတယ်။ Peninsula Plazaက ဒဏ္ဍာရီစာအုပ်ဆိုင်မှာ ဂျူးရဲ့ဝတ္ထုကို ကမန်းကတမ်းပြန်သွားဝယ်၊ အစအဆုံးပြန်ဖတ်ကြည့်၊ နောက်တော့ စကားပန်းဥယျာဉ်ကြီးရယ်၊ ခွန်သာရယ်၊ မြဦးမေရယ်က ကျွန်တော့ရဲ့ ဖျတ်ဖျတ်လူးနေတဲ့ အာရုံတွေကို အမိအရဖမ်းစားသွားတော့တယ်။ နောက်ဆုံးတော့ အဲ့ဒီဝတ္ထုကိုပဲ ပြဇာတ်လုပ်ဖို့ ဆုံးဖြတ်လိုက်တော့တယ်။


ရှိပြီးသားပြဇာတ်တွေကို မသုံးပဲ ၀တ္ထုကို ပြဇာတ်အဖြစ်သုံးဖို့ ဆုံးဖြတ်လိုက်တာဟာ ကျွန်တော်မှားမှန်း သိလိုက်ရတဲ့အချိန်မှာ အတော့်ကိုနောက်ကျသွားပါပြီ။ ဘာလို့လဲဆိုတော့ ကျွန်တော့ရဲ့ ဆရာမကို Project အကျဉ်းချုပ်တင်ပြပြီးသွားတဲ့အခါမှာ ပြဇာတ်မူရင်းကိုပါ အင်္ဂလိပ်လိုတွဲပြီး တင်ရမယ်ဆိုတဲ့ အချက်ကြောင့်ပါ။
အဲ့သည်အချိန်ကစပြီး ကျွန်တော့ရဲ့ နောက်ဆုံးနှစ် ကျောင်းတက်ရက်တွေမှာ အိပ်ရေး၀၀ အိပ်ရတဲ့ရက်ဆိုတာ မရှိသလောက်ပါပဲ။ ၀တ္ထုကိုခဏခဏဖတ်၊ ပြဇာတ်လို အခန်းတွေခွဲ၊ အခန်းတိုင်းကို အချိတ်အဆက်မိအောင်လုပ်၊ တည်းဖြတ်တာလည်း ကျွန်တော်၊ ဒါရိုက်တာလည်း ကျွန်တော်၊ နောက်ဆုံးသရုပ်ဆောင်တာလည်း ကျွန်တော်၊ ( ကိုဖားကြီးရဲ့ ပို့စ်ကို သွားသတိရမိတယ်ဗျာ :) )။

Project အကျဉ်းချုပ်

အားလုံးကို မြန်မာလိုတွေရေး၊ မြန်မာလိုတွေ တည်းဖြတ်ပြီး အင်္ဂလိပ်ဘာသာပြန်ပေးနိုင်တဲ့ သူငယ်ချင်းကောင်းတွေ ရှာရတာပေါ့။ ကျွန်တော်အိပ်ရေးပျက်ခဲ့ရသလို ကျွန်တော့လိုပဲ အိပ်ရေးပျက်ခံပြီး ဘာသာပြန်ပေးခဲ့တဲ့ လူတစ်ယောက်လည်း ရှိခဲ့တယ်။ အဲ့ဒီလူက မမကေ တဲ့။ ( အခုတော့ မမကေတစ်ယောက် ဘုရားသခင်ရဲ့ မေတ္တာအရိပ်မှာ နှစ်ခြိုက်စွာ အိပ်ပျော်နေပါပြီ။ ) ဂျူးဝတ္ထုကို ဘာသာပြန်တဲ့ညတွေမှာ ကျွန်တော်တို့နှစ်ယောက်စလုံးရဲ့ အိပ်ရေးပျက်တဲ့ ညတွေပါပဲ။ မမကေကို ညတိုင်းဖုန်းဆက်ပြီး ပြဇာတ်နဲ့ ပတ်သက်ပြီး ဘာသာပြန်ရမယ့်အကြောင်းတွေမေး။ သူ့အိမ်ကိုသွားပြီး လူကိုယ်တိုင် ဒုက္ခပေးရတာကလည်း မနည်းလှ။ ပြဇာတ်တစ်ခုလုံး ဘာသာပြန်ဖို့ အခန်းခွဲဖို့ ကျွန်တော်တို့နှစ်ယောက်လုံးအတွက် တစ်ပတ်ပဲ အချိန်ရခဲ့တယ်။ နောက်တစ်နေ့ ပြဇာတ်မူရင်းကို အင်္ဂလိပ်လို တင်ရတော့မယ်၊ ကျွန်တော်နဲ့ မမကေ တည်းဖြတ်တုန်း၊ ဘာသာပြန်တုန်းပါပဲ။ ကျွန်တော့မှာ မမကေစိတ်မဆိုးအောင် မျက်နှာလုပ်ရတာ အမော။ မမကေကြိုက်တဲ့ အစားအစာတွေ ၀ယ်ကျွေးလိုက်၊ မမကေကြိုက်တဲ့ ဆေးလိပ်တွေ ၀ယ်ပေးလိုက်နဲ့ပေါ့။ နောက်ဆုံးတော့ တစ်ရက်နောက်ကျပြီးမှပဲ ဆရာမဆီကို တင်လိုက်နိုင်တော့တယ်။

Victoria Theater

ကျွန်တော့မှာ ဂျူးဝတ္ထုကို ဘာသာပြန်ပေးပြီးလို့ ပျော်မယ်ကြံရုံပဲ ရှိသေးတယ်။ ဆရာမက ပြဇာတ်ရုံတွေနဲ့ ပတ်သက်ပြီး လေ့လာရမယ်လို့ ဆိုပြန်ရော။ အဲ့ဒီအချိန်မှာ ကိုယ့်ကိုယ်ကိုရူးပြီလို ထင်လိုက်ရတယ်။ ပြဇာတ်ရုံတွေကို Google မှာရိုက်ပြီး ရှာရုံလောက်နဲ့ မလုံလောက်တော့ဖူး။ ပြဇာတ်ရုံတွေကို ကိုယ်တိုင်သွား၊ ပြဇာတ်မှာသုံးတဲ့ အလင်းရောင်၊ နောက်ခံအသံ၊ တီးလုံး၊ မိတ်ကပ် အားလုံးလေ့လာရပြန်တယ်။

ကျောင်းက Drama Department ကဒိန်းမတ်လူမျိုး Paw လို့ခေါ်တဲ့ ပိန်ပိန်ရှည်ရှည်၊ ဦးထုပ်အမြဲဆောင်းတတ်ပြီး တစ်ခါတစ်လေ ဘုဂလန့်တိုက်တတ်တဲ့ ဆရာတစ်ယောက်ကို အပူကပ်ပြီး သိချင်တာတွေမေး။ သူ့ဆီကပဲ ပြဇာတ်မှာသုံးတတ်တဲ့ အလင်းရောင်နဲ့ ပတ်သက်တဲ့ ပစ္စည်းတွေငှား။ သူ့ရဲ့အကူအညီနဲ့ပဲ စကာင်္ပူက Victoria ပြဇာတ်ရုံကို တံခါးမရှိ၊ ဓားမရှိ ၀င်ထွက်နိုင်ခဲ့တယ်။ Camera တစ်လုံး၊ စာအုပ်တစ်အုပ်နဲ့ ကျွန်တော့မှာ အရူးမီးဝိုင်းသလိုပါပဲ။ ဇာတ်စင်နောက်ကို ပြေးလိုက်၊ အရှေ့ပြေးလိုက်နဲ့။ ဒီကြားထဲ အဲ့ဒီဆရာရဲ့ အဆူအငေါက်လည်း ခံရသေးတယ်။ ပြဇာတ်မှာ သုံးတဲ့ပစည်းတွေ၊ ဆလိုက်တွေ၊ အားလုံးကိုမှတ်မိနေအောင် လုပ်ရတာလည်း ဒုက္ခတစ်ခုပါပဲ။ Victoria ပြဇာတ်ရုံမှာ အိုးနင်းခွက်နင်းနဲ့ မိန်းမတွေ အ၀တ်လဲတဲ့အခန်းထဲလည်း မှားပြီးဝင်လိုက်မိသေးတယ်။ Paw ပြတဲ့ အလင်းရောင်ချိန်တဲ့ ဆလိုက်မီးတစ်ခုကို ကွင်းကနေမကိုင်ပဲ အရင်းကနေကိုင်မိလို့ အပူလောင်ပြီး ဂွတ်ခနဲ လွှတ်ချလိုက်မိသေးတယ်။ တော်သေးတယ် ဆလိုက်တစ်ခုလုံး ဘာမှမဖြစ်လို့။ ထုံးစံအတိုင်း သူ့ရဲ့ဗျစ်တောက် ဗျစ်တောက် အငေါက်တော့ ခံလိုက်ရတာပေါ့။ ဒါပေမယ့် သူ့ရဲ့ကျေးဇူးကြောင့် ပြဇာတ်တစ်ချို့တစ်လေကို ရှေ့ဆုံတန်းမှာ မိန့်မိန့်ကြီးထိုင်ပြီး အခမဲ့ ရှုစားနိုင်ခဲ့တယ်။ ဇာတ်စင်တစ်ခုလုံးရဲ့ အတွင်းအပြင်၊ အထက်အောက် အကုန်လုံးကို နားလည်ပြီ၊ ပြဇာတ် ဒီဇိုင်းလုပ်ဖို့ လက်ထဲမှာ ပြဇာတ်တစ်ပုဒ် ကောင်းကောင်းရှိပြီဆိုမှပဲ ဒီဇိုင်းဆွဲဖို့ ပြင်ရပါတော့တယ်။

ဝတ္တုတစ်ပုဒ်လုံး ဘာသာပြန်နေတဲ့အချိန်၊ Victoria Theatre ကို ပြေးလွှားနေရတဲ့ အချိန်တွေမှာ ကျွန်တော်ရူးသွပ်ခဲ့တဲ့ စကားပန်းလေးတွေ ကြက်ပျောက်၊ ငှက်ပျောက်။ ဘယ်ရောက်လို့ ရောက်နေမှန်းမသိ။ ကျောင်းက ကျွန်တော့ရဲ့ စားပွဲမှာထိုင်ပြီး ပုံကြမ်းတွေဆွဲတော့မှပဲ နွမ်းလို့ပဲ့ကြွေနေပြီဖြစ်တဲ့ စကားပန်းလေးတွေကို ပွင့်ချပ်တစ်ချပ်ခြင်းစီ ပြန်စီမှပဲ ကျွန်တော့်ရဲ့ ခဏတာပျောက်ဆုံးနေတဲ့ စကားပန်းဥယျာဉ်ကြီး တစ်စတစ်စနဲ့ ပြန်အသက်ဝင်လာပါတော့တယ်။

အပိုင်း ၂ မှာဆက်လက်ဖော်ပြပါမည်..........

ကျွန်တော်နှင့် ပုဆိုးတစ်ထည်...

နီညိုရောင် အကွက်စိတ်ကလေးနဲ့ ပုဆိုးတစ်ထည်...။

အဲ့ဒီပုဆိုးတစ်ထည်သည် ကျွန်တော့ဘ၀မှာ ပျော်စရာ၊ ဟာသဖြစ်လောက်စရာ၊ ရင်ထိတ်စရာ များစွာဖြင့် ပါဝင်ခဲ့ဖူးပါသည်။ အဲ့ဒီပုဆိုးအကြောင်းကို စရေးရရင်ဖြင့် ဟိုးအရင်တစ်ချိန် GTC ( မှော်ဘီ ) မှာ ကျောင်းတက်စဉ် အခါကပေါ့။ အဲ့ဒီအချိန်တုန်းက ဆယ်တန်းဖြေပြီးကာစ ယောင်ခြောက်ဆယ်၊ သူငယ်ချင်းအချို့ စစ်အင်ဂျင်နီယာ၊ စစ်ဆေးထဲ ပါသွားကြသလို၊ အချို့ကလည်း နိုင်ငံခြားကို ပိုလီဆိုပြီး အလျှိုလျှိုထွက်သွားကြသည်။ နိုင်ငံခြားမသွား၊ စစ်တပ်ထဲမ၀င်နိုင်ကြတဲ့ သူတွေကတော့ အဲ့ဒီအချိန်က နာမည်ကြီးနေတဲ့ ကွန်ပျူတာ တက္ကသိုလ်ပေါ့။ ကျွန်တော်ကတော့ ကွန်ပျူတာကို ၀ါသနာမပါ။ အင်ဂျင်နီယာဖြစ်ဖို့ ယောင်လို့ပင် စိတ်မကူး။ ဖြစ်ချင်တာက Interior Designer။ နောက်ဆုံးတော့ ယောင်လည်လည်နဲ့ ကျွန်တော့ဘ၀ကို မြို့ပြအင်ဂျင်နီယာ ဘာသာရပ်နဲ့ပဲ မှော်ဘီမှာ ဂိတ်ထိုးခဲ့မိသည်။ တကယ်ကြိုးစားမယ်ဟဲ့ဆိုပြီး အဆောင်တွေဘာတွေတောင် ငှားနေလိုက်သေးသည်။ ကျွန်တော်ထိုးခဲ့တဲ့ ဂိတ်မှာ ကျွန်တော့ မျှော်လင့်ချက်တွေက မရှိ။ အဲ့ဒီတော့ နောက်ထပ်ဂိတ်ပြောင်းခဲ့ဖို့ စခဲ့တဲ့ အချိန်ကစပြီး အဲ့ဒီ ပုဆိုးတစ်ထည် ဇာတ်လမ်းက စခဲ့တာပေါ့။

ကျွန်တော် မှော်ဘီမှာ ကျောင်းတက်တော့ ကျောင်းတက်ခါစ လေးလသာ ကျောင်းနှင့်ဖင် မြဲခဲ့သည်။ ကျောင်းမဖွင့်ခင်က တက်ခဲ့တဲ့ အပြင်သင်တန်းတွေက မပြီးသေး။ မှော်ဘီတစ်ဖက် အပြင်သင်တန်းတွေ တစ်ဖက်နဲ့ ရည်းစားနှစ်ယောက်ကြားမှာ ဗျာများသလို မျောက်သစ်ကိုင်းလွတ် ဖြစ်ခဲ့ရသည်။ အပြင်သင်တန်းကို အားစိုက်တော့ မှော်ဘီမှာ ကျောင်းပျက်ရက်တွေ များလာတာပေါ့။

ကျွန်တော်က ကျောင်းတက်ရက်သာ မမှန်တယ်၊ သူငယ်ချင်းတွေနဲ့ လှော်ကားသွားဖို့တို့၊ သီဟိုဠ်တောထဲမှာ အတန်းလစ်ဖို့တို့ကျတော့ မချိန်းပဲ အချိန်မှန်ရောက်ဖြစ်သည်။ အဲ့ဒီလိုနဲ့ ကျွန်တော့ရဲ့ ကျောင်းခေါ်ချိန်က မြန်မာပြည်က မီးလိုပဲ လာတဲ့ရက်ထက် ပျက်တဲ့ရက်က ပိုများခဲ့တော့ ဆရာ၊ဆရာမတွေတောင် ကျွန်တော့နာမည်ကို မခေါ်တော့ဘူး။ ကျွန်တော်ကထပြီး ကျွန်တော်လာကြောင်း သက်သေပြရပေါင်းလည်း မနည်းတော့။ ကျွန်တော်နဲ့မှော်ဘီက တကျက်ကျက်ရန်ဖြစ်ရတဲ့ လင်မယားတွေလိုပဲ နပန်းလုံးခဲ့ရသည်။ မှော်ဘီမှာ စာမေးပွဲနီးလာတော့ သိပ်တော့မပူခဲ့။ တခြားသူတွေ စာကုန်းရုန်းကျက်နေတဲ့ အချိန်မှာတော့ ကျွန်တော်က Micro တွေနဲ့ နင်လားငါလား ဖြစ်ခဲ့သည်။ ဒီလိုနဲ့ပဲ ကျွန်တော့ရဲ့ ငတက်ပြားပေါက်စလေးဘ၀ အစပျိုးခဲ့သည်လေ။

ပထမနှစ်တ၀က် စာမေးပွဲတုန်းကတော့ သိပ်စိတ်မပူမိ။ ဘာသာရပ်တွေက နည်းတာကိုး။ အဲ... ဒုတိယနှစ်ဝက်ရောက်တော့ ဆပ်ပြာသည် လင်ပျောက်ဖြစ်ရော...။ ဘာသာရပ်တွေကလည်း များလာ၊ ကျောင်းကဘာသင်လို့ သင်ထားမှန်းမသိ၊ ရေမကူးတတ်တဲ့သူကို ရေကန်ထဲ အတင်းတွန်းချသလို ယက်ကန်ယက်ကန်နဲ့လေ။ အဲ့ဒီအချိန်မှာ မဏိမေခလာက မခေါ်ပဲ အလိုလိုရောက်လာ ခဲ့သည်။ သူကတော့ တခြားသူမဟုတ်။ ကျွန်တော့ကို ဘလော့ခ်လုပ်ပေးတဲ့ GreenGirlပဲပေါ့။

ကျွန်တော်က အတတ်နိုင်ဆုံး စိတ်ပေါ့ပေါ့လေးထားချင်တော့ စာမေးပွဲအချိန်ဇယားကိုယောင်လို့ပင်မကြည့်။ ဘယ်နေ့ဘာဖြေရမယ်မှန်းသိလို့ ကိုယ်လုံးဝမရတဲ့ ဘာသာရပ် ပါလာရင် သက်သက်စိတ်ပင်ပန်းမှာ စိုးလို့။ နောက်နေ့ ဘာဖြေရမလဲဆိုတာ GreenGirlကို တစ်ဘာသာပြီးတစ်ဘာသာ မေးရတာအမော။ အိမ်ပြန်ရောက်တော့ နောက်တစ်နေ့စာအတွက် Photo Copy ဆိုင်မှာ အရေးကြီးတာတွေ ကူးဖို့ တန်းစီရပြန်ရော။ အဲ့ဒီလို တန်းစီနေရင်းနဲ့ပဲ ဘယ်စာကို ဘယ်လိုဖြေ၊ ဘယ်ပုစ္ဆာကို ဘယ်လိုတွက် သူများတွေ အဖြေအလွတ်ကျက်နေတဲ့ အချိန်မှာ ကျွန်တော်က မေးခွန်းတွေ အလွတ်မှတ်ခဲ့တယ်လေ။ မေးခွန်းအလွတ်ရမှ စာမေးပွဲမှာ မေးခွန်းလှည့်ရင် ကျွန်တော်သိမှာပေါ့။ မေးခွန်းထုတ်တဲ့သူကပဲ ညှာတာတာလား၊ ကျွန်တော့ရဲ့ တခဏတာ ဖြတ်ထိုးဥာဏ်ကပဲ ကောင်းလွန်းတာလားမသိ။ များသောအားဖြင့် မေးခွန်းလှည့်ရင်လည်း ဂဏာန်းလေး၊ စာသားလေးသာ ပြောင်းသွားတတ်သည်။ အဲ့ဒီတော ပုစ္ဆာတွက်ဆိုရင် ကျွန်တော်က မိတ္တူသေးသေးလေးတွေထဲက ပါလာတဲ့ အဖြတွေကူးရေး၊ ဂဏာန်းလေးပြောင်းပြီး တွက်လိုက်ရုံသာ။

ဒါပေမယ့် သိတဲ့အတိုင်း ကျွန်တော်တို့ ကျောင်းအုပ်က ဒေါ်တိုးတိုးသန်းလေ။ စာမေးပွဲရောက်တော့ ခိုးချသူတိုင်းကို မုန်တိုင်းစစ်ဆင်ရေးဆိုပြီး ပုံစံအမျိုးမျိုးနဲ့ စာဖြေခန်းအတွင်းရော အပြင်ပါလှည့်ပြီး အပြတ်နှိမ်နှင်းခဲ့သည်။ ကျောင်းသားတိုင်း ပါလာတဲ့ မိတ္တူလေးတွေကို ဆရာ၊ဆရာမတွေ လက်ထဲ မပေးချင်ပေးချင်နဲ့ စာဖြေခန်းအပေါက်ဝမှာပဲ ပေးလိုက်ရတော့သည်။ တစ်ချို့တွေကျတော့ မိတ္တူလေးတွေကို ဆံပင်ကြားထဲ ဖွက်လိုဖွက်၊ ပေါင်ကြားထဲကပ်လိုကပ်ပေါ့။ စာမေးပွဲဖြေတဲ့ အချိန်ဆိုရင် ဆံပင်ဖားလျား မချတတ်တဲ့သူတွေတောင် ဆံပင်ဖားလျားချတတ်လာရော။ ဒါပေမယ့် အဲ့ဒါလေးတွေ အကုန်လုံး ရေဒါလိုတိကျမြန်ဆန်တဲ့ ဆရာဆရာမတွေရဲ့ လက်ထဲမှာ အရွက်လိုက်၊အထုပ်လိုက် ပါသွားပြန်ရော။ ကျွန်တော်လည်း ဘယ်လိုလုပ်လို့ လုပ်ရမှန်းမသိ။ မိတ္တူလေးတွေမှ မကယ်နိုင်ရင် ဟိုမဏိမေခလာလည်း မကယ်နိုင်။ အသက်ကို ဥာဏ်စောင့်၏တဲ့။ ကျွန်တော့ရဲ့ Microလေးတွေကို အသက်နှင့်လဲပြီး ကာကွယ်ရတော့မည်။ ဆရာဆရာမတွေရဲ့ ရေဒါကလွတ်မယ့်လမ်း အမြန်စဉ်းစားစမ်း။ နောက်ဆုံးတော့ အကြံဥာဏ် ရခဲ့သည်။ ကျွန်တော့ကို ကယ်ဖို့ အဲ့ဒီပုဆိုးလေးက စခဲ့သည်ပေါ့။

ကျွန်တော် အိမ်ပြန်ရောက်တော့ အရောင်ခပ်ရင့်ရင့် ခပ်မှိုင်းမှိုင်း ပုဆိုးတစ်ထည်ကို ဗီရိုထဲကထုတ်၊ ပုဆိုးချုပ်ရိုးလေးကို ခဲတံချွန်တဲ့ ဓားနဲ့ ဖြည်းဖြည်းချင်း ဖြည်ပစ်သည်။ ဖြည်တဲ့နေရာကိုလည်းမှန်အောင် ပုဆိုးကိုဝတ် မတ်တပ်ရပ်ပြီး နေရာမှန်အောင် ရွေးလိုက်ရသေး။ အဲ့ဒီနေရာက ဆရာမတွေရဲ့ စက်ကွင်းကလွတ်မယ့်နေရာ၊ ဘယ်နေရာလဲဆိုတာ လူကြီးမင်းတို့သာ စဉ်းစားကြပေတော့။ နောက်တော့ Copyဆိုင်ကို အပြေးသွား။ အရေးကြီးတာတွေအားလုံး Copy နှစ်စုံကူး၊ တစ်စုံပါသွားရင် နောက်တစ်စုံ အပိုပေါ့။

နောက်နေ့စာမေးပွဲ ဖြေမယ့်အချိန်ရောက်တော့ Copyတစ်စုံစီကို အပ်ချည်တွေနဲ့ ခပ်ကျစ်ကျစ်ကလေး ချည်လိုက်သည်။ ကျစ်ပြီးသားတွေကို ရှပ်အင်္ကျီရဲ့ အရှေ့ဘက် အောက်ခြေအစွန်းတွေမှာ ဘယ်နဲ့ညာတစ်စုံစီ စုချည်လိုက်သည်။ ချည်ပြီးသားရှပ်အင်္ကျီကို ၀တ်လိုက်တော့ အင်္ကျီစက စက်ကွင်းလွတ်မယ့် နေရာမှာ တွဲလောင်းကလေး ကွက်တိ။ သူများတွေက စာသင်ခန်းထဲ ၀င်ကာနီးမှ Copy လေးတွေကို ဟိုနားထည့် ဒီနားထည့် လုပ်နေတဲ့ အချိန်မှာ ကျွန်တော်က အေးဆေးပဲ။ အိမ်မှာကတည်းက အဆင်သင့် လုပ်ခဲ့ပြီသား။

စာဖြေနေတဲ့ အချိန်အတွင်းမှာ ဆရာ၊ဆရာမတွေက အလွတ်မပေးတိုင်း ဖမ်းတယ်လေ။ ဒီအချိန်မှာ ထုတ်လိုက်တဲ့သူ မှန်သမျှ ပါကုန်ရော။ ဒီအချိန်ထိ ကျွန်တော်က ခပ်မှိန်မှိန်ပဲ။ ဘာမှမလှုပ်ရှားသေးဖူး။ တစ်နာရီလောက် ဆရာ၊ဆရာမတွေဘက်က တိုက်စစ်ဆင်ပြီးနောက် သူတိ့မောသွားလောက်ပြီ ထင်မှ ကျွန်တော့ရဲ့ Micro လေးတွေကို ချုပ်ရိုးဖြေထားတဲ့ အပေါက်လေးထဲက လက်ညှိုးလေးထုတ်ပြီး အဖြေကိုတစ်ရွက်ချင်းစီ ရှာတာပေါ့။ ဆရာမတွေလာရင် လက်ညှိုးကိုထုတ်ပြီး အင်္ကျီစကို ပေါင်ကြားထဲ ညှပ်လိုက်ရော။ ကဲ..ဘာတတ်နိုင်သေးလဲပေါ့။

ဒီလိုနဲ့ပဲ ကျွန်တော် အဖြေတွေကူးချပြီးသားကို ဒီအတိုင်းလည်း လွှတ်မပစ်ရက်။ စာဖြေခန်းထဲက ဇူစကာ ပုဏ္ဏားတွေကို ကိုယ်နဲ့သိသိ မသိသိ ဝေသန္တာရာလုပ်ပြီး အလှူပေးလိုက်ပြန်ရော။ အဲ့ဒီလိုနဲ့ စာဖြေခန်းထဲမှာ ကျွန်တော်တစ်ယောက် ဟီးရိုးလေး ဖြစ်ခဲ့ရတာပေါ့။ အဲ့ဒီပုဆိုးတစ်ထည်နဲ့ စာမေးပွဲဖြေတဲ့တစ်ပတ်လုံး နှစ်ပါးသွားခဲ့တယ်လေ။ စာမေးပွဲတွေ ပြီးတော့မှ ပုဆိုးကိုရေလျှော်၊ မီးပူတိုက်။ ထိုင်ရှိမခိုးရုံတမယ်။ နောက်စာမေးပွဲအတွက် သိမ်းရပြန်ရော။ နောက် တတိယနှစ်ဝက် စာမေးပွဲအထိ ဒီပုဆိုးတစ်ထည်နဲ့ပဲ စခန်းသွားခဲ့တယ်လေ။ သူငယ်ချင်းတွေကတောင် သတိထားပြီး ကျွန်တော့ကို ၀ိုင်းလှောင်ကြတာပေါ့။ ကျွန်တော်ကတော့ အလှောင်တောင် ခံလိုက်သေးတယ်။ တော်သေးတာပေါ့ သူတို့က လှောင်ရုံပဲလှောင်ပြီး နည်းမမေးလို့။ သူတို့သာ နည်းမေးလို့ပြောပြလိုက်ရင် အကုန်လုံး စာမေးပွဲရက်တွေမှာ ပုဆိုးတစ်ထည်၊ လုံချည်တစ်ထည်စီနဲ့ ဖြစ်ကုန်ကြမှာ။ အခုတော့ အားလုံးကို ဒီဘလော့ခ်ကပဲ ဖောက်သည် ချလိုက်ရတော့သည်။

ဒီလိုနဲ့ပဲ ကျွန်တော်ရဲ့ မှော်ဘီဇာတ်လမ်းက နောက်ဆုံးနှစ်ဝက် စာမေးပွဲကို ရောက်လာတော့တယ်။ နောက်ဆုံးစာမေးပွဲကို အဲ့ဒီပုဆိုးလေးနဲ့ပဲ အောင်ပွဲခံဖို့ ကြိုးစားနေစဉ် စင်္ကာပူမှာ Interior Designer တက်ဖို့ ကျောင်းဝင်ခွင့်ရခဲ့တယ်။ နောက်ဆုံး စာမေးပွဲကို မဖြေခဲ့ရတော့ပဲ အောင်မြင်စွာပဲ မှော်ဘီကနေ တပ်ဆုတ်ခဲ့ရတော့တယ်။ နောက်တော့လည်း မှော်ဘီကျောင်းကြီးရယ်၊ ကျွန်တော့်ကိုချစ်တဲ့ သူငယ်ချင်းတွေရယ်၊ ကျွန်တော်စာမေးပွဲရောက်တိုင်း အမြဲကယ်ခဲ့တဲ့ မဏိမေခလာရယ်ကို ၀မ်းနည်းစွာနဲ့ပဲ နှုတ်ဆက်ခဲ့ရတော့တယ်။

စင်္ကာပူမှာ ကျောင်းတက်နေတဲ့ ကာလတလျှောက် မှော်ဘီက သူငယ်ချင်းတွေနဲ့ အဆက်အသွယ် မပြတ်ခဲ့ဖူး။ သူစာရေးလိုက်၊ ကိုယ်စာပြန်လိုက်၊ ကိုယ်စာရေးလိုက် သူစာပြန်လိုက်နဲ့ပေါ့။ တစ်ချို့သူငယ်ချင်းတွေက B-Tech ပါသလို GTI နဲ့ပဲ ပြီးတဲ့သူကလည်း ပြီးပေါ့။ ကျွန်တော့ရဲ့ မဏိမေခလာလည်း စာမေးပွဲရက်တိုင်းမှာ ညတိုင်း ဖုန်းဆက်ပြီး ဒီနေရာက ဘာရေးထားတာလဲ၊ ဒီပုစ္ဆာက ဘယ်လိုတွက်ရမှာလဲလို့ မအိပ်မချင်းမေးတတ်တဲ့ ကျွန်တော့လို ပုဆိုးတစ်ထည်ပိုင်ရှင်ကို လွမ်းလို့နဲ့တူတယ်။ သူလည်း GTI နဲ့ပဲ ရပ်ခဲ့တယ်။

ကျွန်တော်သာ စောစောက သိခဲ့ရင် အဲ့ဒီပုဆိုး သူ့ကိုပေးခဲ့ပါတယ်ဗျာ...။

PS: ကျောင်းနှစ်ခု ခွတက်ခဲ့သော ကျွန်တော့ရဲ့ ဗရုတ်သုတ်ခများကို အမှတ်တရတစ်ခု အနေဖြင့် ရေးသားခြင်းဖြစ်ပါသည်။ အမှန်တကယ် ကြိုးစားလေ့လာခဲ့သော သူငယ်ချင်းများကို မထိခိုက်စေလိုပါ။

အန်ကောဝပ်

အန်ကောဝပ်...

အဲ့ဒီနာမည်နဲ့ ရင်းနှီးနေတာကြာပြီ။ ဟိုးအရင် ငါးတန်းကျောင်းသား ဘ၀ကတည်းက။ သူ့အကြောင်းကို သေသေချာချာ သိခဲ့ရတာကတော့ Art History ကို Lesslle-Sia မှာ သင်ရရင်း ပိုရင်းနှီးခဲ့တာပါ။ သူ့အကြောင်းကို ပိုသိလေ သူ့ကိုမြင်ဖူးချင်လေပင်။ အခုတော့ သူ့အကြောင်းကို ပိုသိဖို့ အကြောင်းဖန်လာလေပြီ။

အန်ကောဝပ်ဟူသော ပျောက်ဆုံးနေသော နိဗ္ဗာာန်ဘုံကိုသွားဖို့ အနည်းဆုံးလေးနှစ်လောက် ကျွန်တော် အားခဲခဲ့ရသည်။ အခုတော့ သူ့ဆီသွားဖို့ အကြောင်းဆုံခဲ့လေပြီ။ ကျွန်တော်ရယ် ကျွန်တော့သူငယ်ချင်း နှစ်ယောက်ရယ်၊ အန်ကောဝပ်ကို အတူသွားဖို့ ဆုံးဖြတ်ခဲ့ကြသည်။ အန်ကောဝပ်ကို သွားမည်ဆိုလျှင် Siem Reapကို အရင်ဆုံးသွားရသည်။ အဲ့ဒီအချိန်တုန်းက Jetstar Budget Airline နှင့်သွားဖို့ လေးငါးလလောက် လက်မှတ်ကြိုဝယ်ဖြစ်သည်။ ကျွန်တော်တို့ဝယ်စဉ်က လေယာဉ်လက်မှတ်ခက အသွားအပြန်မှ S$145သာပေးရသည်။ အနီးကပ်မှဝယ်လျှင်တော့ အနည်းဆုံး S$300ကျော်ပေးရသည်။ လေယာဉ်လက်မှတ်ဝယ်ပြီး အကောင်းဆုံးနှင့် ဈေးအသက်သာဆုံး ဟိုတယ်ကို အင်တာနက်မှာ ရှာကြည့်သည်။ ရိုးရိုး Guest House ဆိုလျှင် တစ်ညကို US$20 , 15 လောက်ပေးရသည်။

Siem Reap လေဆိပ်

( ၃ ) ယောက်တည်းခိုနိုင်သော တည်းခိုခန်း

အဲ့ဒီလိုရှာရင်းဖွေရင်းနဲ့ မထင်မှတ်ပဲ Resortတစ်ခုကို သွားတွေ့သည်။ အဲ့ဒီ Resortက Package နဲ့တည်းမည်ဆိုလျှင် ပိုအဆင်ပြေသည်။ ၃ညအိပ် ၃ယောက်စာအတွက် US$290 သာပေးရသည်။ ဟိုတယ်စရိတ်သာမက Breakfast ပါ ပါသေးသည်။ နောက်ပြီး Sight Seeing အတွက် ၃ရက်စလုံး တစ်နေကုန် Driver နဲ့ကားတစ်စီးပါ ပေးသေးသည်။ တကယ်ကို ဈေးသက်သာသည့် အကောင်းဆုံးဟိုတယ်ကို ကျွန်တော်တို့ရခဲ့သည်။ ဟိုတယ်မှ လေယာဉ်ကွင်းအပို့အကြိုပါ လုပ်ပေးသည့်အတွက် အားလုံးကပြည့်စုံခဲ့သည်။ ကျွန်တော်တို့ကတော့ မသွားခင်ကတည်းက ကြိုတင်ပြင်ဆင်သည့် အနေဖြင့် အန်ကောနှင့်ပတ်သက်သမျှ လက်လှမ်းမီသလောက် ကြိုပြီးဖတ်ခဲ့သည်။ Free & Easy သွားတာဆိုတော့ Guide မပါ။ ကိုယ့်ရဲ့ Guide ကခရီးသွားလမ်းညွှန်စာအုပ်သာ။ ကိုယ်ဘာသာကို လမ်းညွှန်စာအုပ်ဖတ်ပြီး ဘယ်ရက်မှာ ဘယ်ဘုရားကျောင်းကို သွားမယ်ဆိုတာကို စာရင်းလုပ်ထားရသည်။ အဲ့ဒီလိုနဲ့ အန်ကောဝပ်ကို သွားမယ့်ရက်ကို လက်ချိုးရေရင်း စောင့်ခဲ့ရတာ အမောပေါ့...။

အန်ကောဟူသော ခမာတို့၏ တိုင်းပြည်လေးသည် တစ်ချိန်က လျှမ်းလျှမ်းတောက် တန်ခိုးထွားခဲ့ဖူးပါသည်။ ဗီယက်နမ်နိုင်ငံမှ ကျွန်တော်တို့ မြန်မာနိုင်ငံအထိ အာဏာစက်ပြန့်နှံ့ခဲ့သည်။ ယခုတိုင် ခမာတို့နေထိုင်ရာ အန်ကောမြို့ဟောင်းလေးသည် ကမ္ဘာလှည့်ခရီးသည်များကြားတွင် ရေပန်းစားနေဆဲပါ။ အန်ကောဝပ်အကြောင်းကို ကျွန်တော် ငါးတန်းတုန်းက သင်ခဲ့ရသည်။ ထိုအချိန်တုန်းက နေရာတစ်နေရာတည်းတွင် ရှေးဟောင်းအဆောက်အဦး အများဆုံးရှိသော နေရာမှာ ကျွန်တော်တို့ရဲ့ ပုဂံမြေတစ်ခုတည်းသာဟု မှတ်ယူခဲ့သည်။ ဒါပေမယ့် History of Architecture ကိုကျောင်းမှာသင်ရသောအခါ ခမာတိုရဲ့ အန်ကောမြို့ဟောင်းလည်း တစ်ခုအပါအ၀င်ဟု သိခဲ့ရသည်။ အန်ကောမြို့ဟောင်းနှင့် ပုဂံမြို့ဟောင်းသည် ရှေးဟောင်းအမွေအနှစ် များစွာဖြင့် လှပနေသော နေရာလေးတစ်ခုဖြစ်သည်။

ပုဂံမြို့ရှိ ရှေးဟောင်းအဆောက်အဦများသည် ကျယ်ပြန့်သည့် လွင်ပြင်ကျယ်ထဲတွင် ထိုးထိုးထောင်ထောင် နှင့် သူ့ထက်ငါ အပြိုင် လှခဲ့ကြသည်။ အန်ကောဝပ်ကတော့ စိမ်းလန်းသော တောအုပ်ကြားတွင် လျှို့လျှို့ဝှက်ဝှက် တည်တည်ငြိမ်ငြိမ်နှင့် လှသည်။ ကျွန်တော်တွေ့ခဲ့ရသော အန်ကောဝပ်သည် ကျောက်ဆစ်လက်ရာများဖြင့် အနီးကပ်လေ လှလေဆိုသော နေရာမျိုးပေ။

အန်ကောဝပ်၏ ကျောက်ဆစ်လက်ရာတို့သည် 3D ပုံစံရှိသည်ဟု သမိုင်းပညာရှင်တို့က လက်ခံကြသည်။ တကယ်ကိုရှားပါးလှသော အရှေ့တိုင်း အနုပညာလက်ရာများပင် ဖြစ်သည်။ မြန်မာနှင့် Cambodia သည် နိုင်ငံခြင်းဝေးကွာသော်လည်း ယဉ်ကျေးမှုခြင်း နီးစပ်ခဲ့သည်။ တကယ်တော့ ကျွန်တော်တို့ မြန်မာ့ယဉ်ကျေးမှုသည် မွန်ခမာတို့ဆီက ရခဲ့သည်ဟုဆိုလျှင် မှားမယ်မထင်။

ကျွန်တော် Lassle-sia မှာ ကျောင်းတက်စဉ်က ကျွန်တော့ရဲ့ သမိုင်းဆရာက မြန်မာတို့ယဉ်ကျေးမှုသည် ထိုင်းနိုင်ငံမှ ရခဲ့သည်ဟု ပြောခဲ့ဖူးသည်။ ထိုစဉ်က ဆရာပြောသောအချက်ကို လက်မခံနိုင်ခဲ့ပါ။ ဒါကြောင့်ဆရာ့ကို ပြန်ချေပနိုင်ရန်အတွက် ကျွန်တော် မြန်မာ့သမိုင်းကို ပြန်လေ့လာခဲ့သည်။ ဆရာဒေါက်တာသန်းထွန်းရေးခဲ့သော မြန်မာ့သမိုင်းကြောင်းနဲ့ ပတ်သက်သော စာအုပ်များကို ပြန်လေ့လာခဲ့သည်။ ထိုအခါကျွန်တော် မသင်ခဲ့ရသော မသိခဲ့ရသော အချက်တို့ကို ဆရာ့စာအုပ်များမှ ရခဲ့သည်။ Lassle-siaမှ ဆရာပြောခဲ့သောအချက်သည် အပြည့်အ၀ကြီး မဟုတ်လျှင်တောင် မှန်ကန်ကြောင်းကျွန်တော် လက်ခံခဲ့သည်။

အနော်ရထာမင်းမတိုင်ခင် မြန်မာလူမျိုးတို့၏ ယဉ်ကျေးမှုအဆင့်အတန်းသည် သိပ်ပြီးမမြင့်မားသေးပါ။ အနော်ရထာမင်းစောက မွန်တို့၏တိုင်းပြည် သထုံကိုသိမ်းပိုက်ပြီးနောက် မြန်မာ့ယဉ်ကျေးမှု အဆင့်အတန်း မြင့်မားလာသည်။ ထိုစဉ်အချိန်က မွန်လူမျိုးတို့၏ တိုင်းပြည်သည် ထိုင်းနိုင်ငံအတွင်း ရှိသည်ဟု ယူဆကြသည်။ မွန်လူမျိုးတို့၏ ယဉ်ကျေးမှုသည် ခမာလူမျိုးတို့၏ ယဉ်ကျေးမှုပင် ဖြစ်သည်။ ထိုသို့ဆိုလျှင် မြန်မာနှင့် Cambodia သည်တစ်နည်းနည်းနှင့် ဆက်သွယ်နေတာအမှန်ပင်။

ထိုဆက်သွယ်မှုကို သက်သေခံနိုင်သော ဘုရားကျောင်းတစ်ခု ပုဂံမြေတွင် အခုထိရှိနေသေးသည်။ ထိုဘုရားကို တည်ဆောက်ခဲ့သော ဘုရင်သည် သထုံမှနန်းကျဘုရင် မနူဟာမင်းဖြစ်သည်။ ဘုရားကျောင်း အမည်မှာ နန်းဘုရားကျောင်းဖြစ်သည်။ ဘုရားကျောင်းကို အုတ်၊ကျောက်တို့ဖြင့် တည်ဆောက်ခဲ့ပြီး ကျောက်ဆစ်လက်ရာမှာ အန်ကောဝပ်မှ လက်ရာများနှင့် တစ်ထပ်တည်းပင် ဖြစ်သည်။ Cambodia နှင့် မြန်မာဆက်သွယ်မှု တစ်ခုရှိသေးသည်။ ထိုအရာမှာ ဗျည်းအက္ခရာများပင်ဖြစ်သည်။ မြန်မာတို့သည် က မှစပြီး အ တွင်ဆုံးသည်။ Cambodia တို့၏ ဗျည်းအက္ခရာသည် အ မှစပြီး က တွင် ဆုံးသည်။ အံ့သြစရာပင်။

Cambodia တို့၏ ယဉ်ကျေးမှုမှာ အမှန်ပင် အဆင့်အတန်းမြင့်မားသည်။ Angkon Wat နှင့် Angkon Tomb တို့သည် ထိုအချက်ကို သက်သေခံလျက်ရှိသည်။

အန်ကောဝပ်သည် ကမ္ဘာပေါ်တွင် အကြီးဆုံးဘုရားကျောင်းတစ်ခုဖြစ်သည်။ သူ့ရဲ့ အမြင့်မှာ မြေပြင်မှ ၆၅မီတာ မြင့်မားလှသည်။ ပုဂံမှ အမြင့်ဆုံး သဗ္ဗညု ( ၆၁မီတာ ) နှင့်နှိုင်းယှဉ်လျှင် အနည်းငယ်မြင့်မားလှပေသည်။ အန်ကောမြို့ဟောင်း၏ ဘုရားတိုင်းတွင် ကျုံးရှိသည်။ အန်ကောဝပ်၏ ကျုံးကား ကြီးမားကျယ်ပြန့်လှသည်။ ဒါပေမယ့်ကျွန်တော်တို့ရဲ့ မန္တလေးကျုံးထက် စာလျှင်တော့ သေးငယ်သည်။ ဘယ်လောက်ကွာသလဲဆိုတာ ကျွန်တော်မခန့်မှန်းနိုင်ပါ။

Angkor မြို့ဟောင်းရဲ့ မြို့ဝင်ပေါက်တစ်ခု

အန်ကောဝပ် ဘုရားကျောင်း ရဟန်းတစ်ပါးကြွလာစဉ်

အန်ကောဝပ် ဘုရားကျောင်း၏ ၀င်ပေါက်ရှိ ဟိန္ဒူနတ်ရုပ်တစ်ခု

အန်ကောဘုရားကျောင်းရှိ နာမည်ကြီးသော စင်္ကြန်တစ်ခု

အန်ကောဘုရားကျောင်းရှိ အလှပဆုံး နတ်သမီးရုပ်ထု

လှပသော အန်ကောသူလေး

အန်ကောဝပ်ဘုရားကျောင်းသည် မြင့်မိုရ်တောင်ကို အဓိပ္ပါယ်ဆောင်ပြီး တည်ဆောက်ထားခြင်း ဖြစ်သည်။ မြင့်မိုရ်တောင်ကို ဖော်ကျူးထားသော လက်ရာများအနက် အန်ကောဝပ်သည် အကောင်းဆုံး လက်ရာတစ်ခုဖြစ်သည်။ မြင့်မိုရ်တောင်ကို ၀ိုင်းရံထားသော ပင်လယ်ခုနစ်စင်းနှင့် သမုဒ္ဒရာခုနစ်ခုကို အန်ကောဝပ်၏ ဗိသုကာလက်ရာထဲတွင် အကောင်းဆုံးဖော်ကျူးနိုင်ခဲ့သည်။

Bayon ရှိနာမည်ကြီး ဗုဒ္ဓမျက်နှာများ

Bayon ဘုရားကျောင်း

Angkor မြို့ဟောင်းကြီး၏ အခြားထင်ရှားသောနေရာမှာ Bayon ဖြစ်သည်။ ထိုဘုရားကျောင်း၏ ထူးခြားချက်မှာ များပြားလှသော မျက်နှာများဖြစ်သည်။ အရင်တုန်းက ဗုဒ္ဓ၏မျက်နှာများဟု နာမည်ကြီးခဲ့ပြီး တစ်ချို့က ခမာဘုရင်တို့၏ မျက်နှာများဟု ယူဆကြသည်။ ထိုကဲ့သို့သော ဘုရားကျောင်းမျိုးကို ကျွန်တော်တစ်သက်တွင် မတွေ့ခဲ့ဖူးပါ။

Ta Prohm, Silk Tree အပင်ကြီးများက ဘုရားကျောင်းတစ်ခုလုံးကို ၀ါးမြိုနေပုံ

အဆောက်အဦးတစ်ခုလုံးကို သစ်ပင်၏အမြစ်များက မြွေလိမ်မြွေကောက်သဖွယ် ရစ်တွယ်နေပုံ

Ta Prohm ရှိ ညနေ နေ၀င်ခါနီးအချိန်

နောက်ထပ်နာမည်ကြီးသော နေရာမှာ Ta Prohm ဆိုသောနေရာပင်ဖြစ်မည်။ Tomb Rider ကိုကြည့်ဖူးသူတိုင်းအတွက် ထိုနေရာနှင့်စိမ်းမည် မဟုတ်ပါ။ အန်ကောမြို့ဟောင်းသည် တစ်ချိန်က တောအုပ်ကြီးထဲတွင် နှစ်ပေါင်းများစွာ လူတို့၏ စွန့်ပစ်ခြင်းကို ခံခဲ့ရသည်။ ပြင်သစ်လူမျိုးက ပြန်လည်တူးဖော်ပြီးသောအခါ အန်ကောမြို့ဟောင်း၏ အလှသည် ပြန်ပြီးအသက်ဝင်လာသည်။ ထိုဘုရားကျောင်း၏ ထူးခြားချက်မှာ သမိုင်းပညာရှင်တို့၏ မတူးဖော်ခင်အတိုင်း အရှိကိုအရှိအတိုင်း ထားခြင်းဖြစ်သည်။ Silk Tree၏ ကြီးမားလှသော အမြစ်များကြားထဲတွင် ဘုရားကျောင်းသည် တိတ်ဆိတ်ငြိမ်သက်စွာဖြင့် မတ်တပ်ရပ်စဲရှိသည်။ ပန်းရောင်းဖျော့ဖျော့ အမြစ်ကြီးများသည် မြွေလိမ်မြွေကောက်ပမာ ဘုရားကျောင်းကို ရစ်ပတ်ထားပြီး အစိမ်းရောင်ရေညှိပင်များက လွှမ်းခြုံထားသည်။ မြေ၏သဘာဝနှင့် လူသားတို့ဖန်တီးမှု နှစ်ခုသည် လှပစွာပေါင်းစည်းနေသော နေရာလေးဖြစ်သည်။

အန်ကောဝပ်မြို့ဟောင်းရှိ စာကြည့်တိုက်တစ်ခု

ဘုရားကျောင်းပျက်တစ်ခုအတွင်းရှိ ဟိန္ဒူလူမျိုးတို့ ကိုးကွယ်ရာ လိင်အင်္ဂါ

Siem Reap မြို့

အနီရောင်ဘုရားကျောင်းဟု နာမည်ကြီးသော ဂ၀ံကျောက်များဖြင့် တည်ဆောက်ထားသော ဟိန္ဒူဘုရားကျောင်းတစ်ခု

တကယ်တော့ အန်ကောမြို့ဟောင်းကြီးသည် ပုဂံလိုဘုရားကျောင်းများစွာ တည်ရှိသောနေရာဖြစ်သည်။ ထူထပ်အုပ်ဆိုင်းနေသော သစ်ပင်ကြီးများကြောင့် ဘုရားကျောင်း တစ်ခုနှင့်တစ်ခု မမြင်ရပေမယ့် တကယ်တော့ တစ်ခုနှင့်တစ်ခုက နီးနီးလေးပါ။ အန်ကောမြို့ဟောင်းသည် ဘုရားကျောင်းများနှင့် လှပနေရုံမျှမက မြို့လေးကလည်း နွေးထွေးပျူငှာသော Cambodian လူမျိုးများကြောင့် လှပသောမြို့ကလေး ဖြစ်သည်။ စားစရိတ်နှင့် ဟိုတယ်စရိတ်မှာလည်း သိပ်ပြီးဈေးမကြီးလှ။ Old Market မှာပိုးပုဝါနှင့် ငွေထည်များဈေးသက်သာစွာ ၀ယ်ယူနိုင်သည်။ ပိုးပုဝါတစ်ထည်ကို US$ 2 သို့မဟုတ် 3 လောက်သာ ပေးရသည်။ ငွေထည်ကတော့ ဈေးသက်သာပေမယ့် အရည်အသွေး သိပ်မကောင်းပေ။

Cambodia အစားအစာမှာ ဗီရက်နမ် အစားအစာနှင့်လည်း အနည်းငယ်ဆင်တူသည်။ ဒါပေမယ့် သူတို့ရဲ့ ဟင်းခွက်တိုင်းတွင် ပူဆီနံအရွက်နှင့် စပါးလင်ကိုအများဆုံးသုံးသည်။ စပါးလင်နံ့ သင်းသင်းလေးနဲ့ တော်တော်စားလို့ကောင်းသည်။ Cambodia အစားအစာသာမက မြန်မာအစားအစာလည်း ရရှိနိုင်သည်။ မြို့ထဲတွင် ပုဂံဘုရားဓါတ်ပုံများနှင့် ထမင်းဆိုင်တစ်ခုကို အံ့သြဖွယ်တွေ့ခဲ့ရသည်။ အခုဆိုလျှင် ကျွန်တော်တို့ မြန်မာလူမျိုးများသည် နေရာတိုင်းတွင် ရှိနေပြီဖြစ်သည်။ ဘယ်နိုင်ငံ၊ ဘယ်နေရာသွားသွား ရွှေမြန်မာတို့၏ စကားသံများကိုတော့ ကြားနေရမည်ဖြစ်သည်။

အန်ကောဝပ်ဘုရားကျောင်းကို နံနက်ခင်း အာရုံတက်ချိန်မှာလည်း ရောက်ဖူးသည်။ ညနေ နေ၀င်ချိန်မှာလည်း ရောက်ဖူးသည်။ လွမ်းစရာကောင်းသော၊ ရင်သပ်ရှုမောဖွယ် အနုပညာလက်ရာများနှင့် ပြည့်စုံသော ထိုနေရာလေးကို အခါအခွင့်သင့်လျှင်ဖြင့် ထပ်မံရောက်ဖူးချင်လှတော့သည်။

စားချင်စရာ Cambodia ရိုးရာအစားအစာ


အန်ကောမြို့ဟောင်းကိုဝင်ရာ တံခါးပေါက်

အန်ကောဝပ်ဘုရားကျောင်း အ၀င်လမ်းနှင့် ကျုံးကိုတွေ့ရစဉ်

ဈေးသက်သာပြီး လှပသော ပိုးပုဝါများ

နှီးဖြင့်ရက်ထားသော ရောင်စုံနှီးဖာလေးများ

အန်ကောဝပ်ဘုရားကျောင်းပေါ်ရှိ ရေကန်တစ်ခု။ အခုတော့ ရေမရှိတော့ပါ။

ဗေဒင်ဟောကြားသူများနှင့် ဗေဒင်မေးသူများ

ခမာလူမျိုးတို့၏ ကျော်ကြားသော ကျောက်ဆစ်လက်ရာများ

အန်ကောဝပ်ဘုရားကျောင်းပေါ်ရှိ ကချေသည်ရုပ်ကြွများ လူတို့၏ ပွတ်သပ်မှုကြောင့် နဖူးနှင့်ရင်သားများ ပြောင်ချောနေပုံ