ဂေရှား Geisha နှင့်အနုပညာ

ဂေရှားဆိုတာ ဘယ်လိုမိန်းမမျိုးတွေလည်းလို့မေးရင် အနည်းဆုံး ၁၀ယောက်မှာ ၈ယောက်လောက်က ယောက်ျားတွေကို ဖြေဖျော်ရတဲ့ မကောင်းသည့်မိန်းမများလို့ထင်တတ်ကြပါတယ်။ စာဖတ်သူရော ဘယ်လိုထင်ပါသလဲ။ ကိုယ့်ရဲ့ထင်မြင်ချက်လေးကို မှတ်ထားပြီး ကျွန်တော်သိသလောက် ပြောပြထားတဲ့ ဂေရှားမယ်လေးများအကြောင်းကို ဆက်ဖတ်ကြည့်ပါလားဗျာ။

ဂေရှားဆိုတာ အနုပညာဖြင့် အသက်မွေးသည့် မြန်မာအငြိမ့်မင်းသမီးတွေဖြင့် တော်တော်ကိုဆင်တယ်။ ဂေရှားဆိုတဲ့ အဓိပ္ပါယ်က ဂေ (အနုပညာ) ရှား(တစ်စုံတစ်ယောက်)……. အနုပညာရှင်တစ်ယောက်လို့ အမည်ရပါတယ်။ ဂေရှားအကြောင်းကို ကျွန်တော် ဟိုးငယ်ငယ်ကလေးကတည်းက စိတ်ဝင်စားခဲ့ပါတယ်။ သူတို့အကြောင်း ဘာဆိုဘာမှ ဂဂဏဏမသိခဲ့ပါဘူး။ လှပပြီး အရောင်စိုသည့် ကီမိုနိုလေးတွေကို ၀တ်တတ်လို့သာ စိတ်ဝင်စားခဲ့တာနှင့်တူပါတယ်။ ငယ်ငယ်တုန်းက သူငယ်ချင်းမိန်းကလေးတွေကို ဂေရှားမယ်မဆိုပြီး မခံချင်အောင် လိုက်စမိတာ မှတ်မိနေသေးတယ်။ အဲသည်အချိန်တုန်းကလည်း ကိုယ်ထင်တဲ့ ဂေရှားက အပျက်မကိုး။ ၂၀၀၅ခုနှစ်က ဂေရှားတစ်ယောက်အကြောင်းကို Memoirs of a geisha ဆိုသည့် ရုပ်ရှင်ကို ကြည့်မိလိုက်ချိန်မှာတော့ ကိုယ်ထင်တာတွေနှင့် တခြားဆီမှန်း သိလိုက်ရတယ်။ နောက်တော့ ရုပ်ရှင်က ၀တ္ထုကို မမှီဘူးဆိုတာနဲ့ Arthur Golden ရေးသည့် မူရင်းဝတ္ထုကို ရှာပြီး ဖတ်ကြည့်ပါတယ်။ အဲသည်တော့မှ ဂေရှားနဲ့ပါတ်သက်တာတွေကို ပိုပြီး သိလာရတယ်။

စာရေးဆရာက သူဝတ္ထုရေးနေစဉ်မှာ တစ်ချိန်တုန်းက အလွန်နာမည်ကြီးခဲ့သည့် ဂေရှားမယ် Minneko Iwasaki ကို အင်တာဗျူးခဲ့ပါတယ်။ ၀တ္ထုပါအကြောင်းအရာတွေက ထိုဂေရှားမယ်ရဲ့ တစိတ်တပိုင်းလို့တောင် ယူဆကြပါတယ်။ ထိုဝတ္ထုကို ဂျပန်ဘာသာသို့ ဘာသာပြန်လိုက်ချိန်မှာ Minnekoက ဆရာ Arthurကို တရားစွဲခဲ့ပါတယ်။ ဘာလို့လည်းဆိုတော့ Arthurက အင်တာဗျူးပါ အကြောင်းအရာတွေကို မည်သူ့ဆီက ရပါတယ်ဆိုတဲ့ ဂတိကို ချိုးဖောက်ပြီး စာအုပ်ရဲ့ အဖွင့် ကျေးဇူးတင်လွှာမှာ Minneko နာမည်ကို ထည့်သွင်းခဲ့လို့ပါ။ Minneko ခမျာ ဂေရှားမယ်တွေရဲ့ လျို့ဝှက်ချက်တွေကို ဖွင့်ဟသူဆိုပြီး အသက်အန္ထရာယ် ရန်ရှာခံရတဲ့အထိ ဒုက္ခများခဲ့ရပါတယ်။ နောက်တော့လည်း ဆရာArthurက Minneko ကို နစ်နာကြေးပေးလိုက်တော့မှ တရားရုံးမှာ အမှုစွဲထားတာကို ကြေအေးခဲ့ရသတဲ့။

ဝတ္ထုကိုဖတ်ချိန်မှာ လက်ထဲက မချနိုင်အောင်ကို ဆွဲဆောင်နိုင်ခဲ့တယ်လို့ ဆိုရမှာပဲ။ နောက်ပြီး ၀တ္ထုထဲကဇာတ်ကောင် ဆယုရိအကြောင်းကလည်း ဖတ်ပြီးတဲ့အထိ အတွေးထဲ အကြာကြီး ရောက်နေခဲ့သေးတယ်။

ဆယုရိဆိုတဲ့ကောင်မလေးရဲ့ နာမည်အရင်းက ချီယိုပါ။ သူမမှာ အရွယ်ရောက်ပြီးကာစ အမတစ်ယောက်လည်း ရှိပါတယ်။ ဆင်းရဲတဲ့ တံငါမိသားစုလေးမှာ မွေးဖွားလာခဲ့တဲ့ ညီအစ်မနှစ်ယောက်စလုံး ကံမကောင်းကြပါဘူး။ အိပ်ယာထဲမှာ သေအံ့ဆဲဆဲမိခင်ရဲ့ ဆေးဖိုးအတွက် သူမတို့နှစ်ယောက်ကို ရောင်းစားခဲ့ရတယ်။ ဒီလိုနဲ့ပဲ ချီယိုတဖြစ်လဲ ဆာယုရိရဲ့ဘ၀တဆစ်ချိုးပြောင်းခဲ့ရတယ်။

သူမတို့နှစ်ယောက်ကို ခေါ်ဆောင်လာတဲ့ ပွဲစားက အိမ်တစ်အိမ်ကို ခေါ်သွားခဲ့တယ်။ ကံမကောင်းချင်တော့ ချီယိုအမက ရုပ်ရည်အသင့်အတင့်ပဲရှိတော့ အဲဒီအိမ်က လက်မခံပါဘူး။ သည်လိုနဲ့ပဲ ချီယိုခမျာ ဂေရှားမယ်တွေ မွေးထုတ်ရာ အိုခီယာလို့ခေါ်တဲ့ ဂေရှားစံအိမ်မှာ တစ်ယောက်ထဲ ကျန်ခဲ့ပြီး သူ့အမကတော့ ပြည့်တန်ဆာတန်းကို ရောက်သွားရှာပါတယ်။

ချီယိုရောက်သွားတဲ့ အိုခိယာအိမ်လေးတွေအကြောင်းကို Memoirs of Geisha ရုပ်ရှင်ကိုကြည့်လျင် သိပ်မသိနိုင်ပါဘူး။ ဒါပေမယ့် ၀တ္ထုထဲမှာတော့ အသေးစိတ်ရေးထားပါတယ်။ ဂေရှားတွေနေတဲ့ ရပ်ကွက်က ဖျော်ဖြေရေးရပ်ကွက် တစ်ခုလိုပါပဲ။ အဲသည်ရပ်ကွက်လေးက အခုထက်ထိ ရှိသေးပါတယ်။ အဲသည်ရပ်ကွက်မှာ အိုခီယာလို့ခေါ်တဲ့ ဂေရှားအိမ်လေးတွေက အများကြီးပဲ။ အိမ်တစ်အိမ်မှာ အနည်းဆုံး ဂေရှားတစ်ယောက်ရှိတယ်။ အများကြီးလည်း မရှိပါဘူး။ ဂေရှားတစ်ယောက်ဖြစ်ဖို့ ပြုစုပျိုးထောင်တဲ့ စရိတ်ကလည်း မသေးဘူး။

ဝတ္ထုအရဆိုလျင် အိုခီယာမှာ အုပ်ချုပ်တဲ့သူအကုန်လုံးလိုလိုက ဂေရှားမယ်တွေ ဖြစ်ခဲ့ဘူးကြတယ်။ အသက်အကြီးဆုံး စီနီယာအကျဆုံးဂေရှားက အဲသည်အိမ်လေးမှာ တာဝန်အကြီးဆုံးအပိုင်းကို ယူထားတတ်ပါတယ်။ သူတို့ကပဲ အသစ်ရောက်လာမယ့်ဂေရှားလေးတွေအတွက် အသုံးစရိတ်ကို လယ်ဂျာစာအုပ်တွေနဲ့ နေ့တိုင်း စာရင်းမှတ်လေ့ရှိပါတယ်။ တကယ်တော့ ဂေရှားတစ်ယောက်ပြုစုပျိုးထောင်ရတာ အဲသည့် အိုခီယာအိမ်လေးတွေအတွက် ရင်းနှီးမြှပ်နှံမှုတစ်ခုပါပဲ။ အရွယ်ရောက်လာတဲ့ ဂေရှားတစ်ယောက်ဖြစ်လာလို့ အောင်မြင်ကျော်ကြားလာလျင် အရင်းကြေရုံမက အမြတ်ပါရသေးတယ်။ ဂေရှားမဖြစ်သေးဘဲ ထွက်ပြေးသွားလျင်တော့ အိုခီယာအတွက် အရှုံးပေါ်တော့တာပေါ့။ အဲသည်အခါ နောက်ထပ်ဂေရှားတစ်ယောက်ကို ရှာပြီး ပြုစုပျိုးထောင်ပေးရပြန်ပါတယ်။

အဲသည်ရပ်ကွက်လေးမှာ ဂေရှားနဲ့ပါတ်သက်တာတွေ သင်ပေးတဲ့ အနုပညာကျောင်းလည်း ရှိပါတယ်။ ကျောင်းစရိတ်ကိုလည်း အိုခီယာကပဲ ကျခံရတယ်။ ကျောင်းစရိတ်တင်မကပါဘူး၊ ရေနွေးကြမ်းခွက်တစ်ခွက် ကွဲသွားရင်တောင် အဲသည်စာရင်းက လယ်ဂျာစာအုပ်ထဲ ရောက်သွားတတ်ပါတယ်။ ဂေရှားဖြစ်တဲ့ အချိန်ကစပြီး Tea House တွေမှာ ဖျော်ဖြေလို့ ရသမျှကို အိုခီယာကို အကြွေးပြန်ဆပ်တဲ့ အနေနဲ့ ပြန်အပ်ရပါတယ်။ တချို့ဂေရှားမယ်တွေက အောင်မြင်သွားတဲ့အချိန်မှာ လွယ်လွယ်နဲ့ ပြန်ဆပ်နိုင်ပေမယ့် တချို့ကြတော့လည်း တော်တော်နဲ့ ပြန်မဆပ်နိုင်ကြပါဘူး။ အောင်မြင်တဲ့ ဂေရှားတစ်ယောက်ဖြစ်လာလျင်တော့ အိုခီယာက ထိုဂေရှားကို သမီးအဖြစ်မွေးစားပါတယ်။ မွေးစားခံရတဲ့ သမီးကထိုအိုခီယာကို ဆက်ခံရပြီး နောက်ထပ်ဂေရှားမယ်တွေကို ထပ်မံမွေးထုတ်ပေးရပြန်ပါတယ်။ သည်လိုနဲ့ပဲ အိုခီယာကို အသက်သွင်းကြတယ်။

ချီယိုခမျာ ထိုအိုခီယာလေးကို ရောက်လာပြီးနောက် ဂေရှားတစ်ယောက်ဖြစ်ဖို့ ထိုအိမ်လေးကို သူမမတိုင်ခင်ရောက်နေတဲ့ ပန်းကင်းလို့ခေါ်တဲ့ မိန်းကလေးတစ်ယောက်နဲ့ ကျောင်းအတူတူတက်ရပါတယ်။ အဲသည်ကျောင်းမှာ အဆိုအက အတီး အကုန်သင်ရတယ်။ နောက်ပြီး စောင်းအသေးစားလေးလိုပုံစံရှိတဲ့ ရှာမိဆန်ကိုလည်း တီးတတ်အောင်ကျင့်ရပါတယ်။ ချိယိုခမျာ ကျောင်းတက်နေရင်းတစ်ဘက်ကလည်း သူ့အမဘယ်မှာရှိသလဲဆိုတာ စုံစမ်းရပါတယ်။ တစ်နေ့တော့ သူ့အမဘယ်မှာ ရှိသလဲဆိုတာ အိုခီယာမှာ လက်ရှိဂေရှားမယ်ဖြစ်နေသည့် ဟာစုမိုမိုဆီကနေတဆင့်သိသွားပြီး သူ့အမရှိရာ ပြည့်တန်ဆာတန်းကို ရောက်သွားပါတယ်။

သာမန်အမျိုးသမီးရဲ့ ကော်လာအနေအထား

ဂေရှားတစ်ယောက်ရဲ့ ကော်လာအနေအထား

သည်နေရာမှာ စာရေးဆရာ Aethur က ပြည့်တန်ဆာတန်းနဲ့ ဂေရှားမယ်ရပ်ကွက်တို့ရဲ့ ကွာခြားချက်တွေ အသေးစိတ်ရေးထားပါတယ်။ ပိုပြီး စိတ်ဝင်စားစရာကောင်းတာက ပြည့်တန်ဆာနှင့် ဂေရှားကို ဘယ်လိုခွဲခြားထားသလဲဆိုတာပါ။ စာဖတ်သူတွေ သတိထားမိသလားမသိဘူး။ ဂျပန်မတွေဝတ်တဲ့ ကီမိုနိုတွေရဲ့ နောက်ကျောမှာ ဖဲပွင့်လိုလို အ၀တ်ထုပ်လိုလို လှပစွာစည်းထားတဲ့ အရာတစ်ခုကို သတိထားကြည့်ပါ။ အဲသည့်အရာကို အိုဘီလို့ခေါ်ပါတယ်။ ပြည့်တန်ဆာတွေက အဲသည့်အိုဘီကို ခန္ဓာကိုယ်ရဲ့ အရှေ့ဘက် ရင်ညွန့်တည့်တည့်မှာ ထားတတ်ကြပြီး ဂေရှားမယ်တွေကတော့ အနောက်မှာ လှပသေသပ်စွာ စည်းထားတတ်ပါတယ်။ ဂေရှားမယ်တွေရဲ့ အိုဘီက အရောင်အသွေးတောက်တောက် လှလှပပရှိပေမယ့် သာမန်အိမ်ရှင်မတွေရဲ့ အိုဘီကတော့ ရိုးရိုးယဉ်ယဉ်လေးတွေ ဖြစ်ပါတယ်။ နောက်ပြီး ကီမိုနိုဝတ်လျင် အောက်ခံကော်လာအဖြူက ဂေရှားမယ်ဆိုလျင် လည်တိုင်မှာ လိမ်းထားတဲ့ မိတ်ကပ်အလှကို မြင်အောင် အောက်ကို လျောချပြီး လည်တိုင်တစ်ခုလုံးပေါ်အောင် ၀တ်တတ်ပေမယ့်၊ သာမန်အမျိုးသမီးတွေက လည်တိုင်ဖုံးပြီး ၀တ်ကြပါတယ်။ သည်လိုနည်းနဲ့ ဂေရှားနဲ့ သာမန်အမျိုးသမီးတွေ ၀တ်စားဆင်ယင်မှုကို ခွဲထားပြန်ပါတယ်။

ဂေရှားမယ်တွေရဲ့ အိုဘီ

သာမန်အိမ်ထောင်ရှင်မများရဲ့ အိုဘီ

ပြည့်တန်ဆာများရဲ့အိုဘီ

ဇာတ်လမ်းကိုပြန်စရလျင် ချီယိုက အမလုပ်သူနဲ့တွေ့ပြီး အတူတူထွက်ပြေးကြဖို့ အချိန်းအချက်လုပ်ကြပါတယ်။ ထွက်ပြေးမယ့်နေ့မှာ ကံမကောင်းချင်တော့ ဟာစူမိုမိုက အိုခီယာမှာ သူ့ချစ်သူကို ချိန်းတွေ့တာ မိသွားတဲ့ အတွက် ဘယ်ယောက်ျားသားမှ ၀င်လို့မရအောင် အိမ်တစ်ခုလုံးကို သော့ပိတ်ထားလိုက်ပါတယ်။ တကယ်တော့ ဂေရှားတစ်ယောက်ဖြစ်ဖို့ အချစ်ကို မမွေးဖွားသင့်ပါဘူး။ အချစ်တစ်ခုကို ဖန်တီးမိလျင် အောင်မြင်တဲ့ဂေရှားတစ်ယောက်ဖြစ်ဖို့ မလွယ်ကူတော့ပါဘူး။ အဲသည့်ညမှာမှာ ချီယိုခမျာ အိမ်တံခါးမကြီးကနေ ခိုးထွက်လို့မရတော့ အိမ်ခေါင်မိုးပေါ်ကနေ ခိုးထွက်ဖို့ ကြိုးစားပါတယ်။ ကံမကောင်းချင်တော့ အိမ်ခေါင်မိုးပေါ်ကနေ ပြုတ်ကျပြီး ပြန်မိသွားတယ်။

နောက်ဆုံးတော့ အိမ်ခေါင်မိုးပေါ်ကနေ ကျတဲ့ဒဏ်ကြောင့် ဆရာဝန်နဲ့ ဆေးကုရတယ်။ အဲသည့် ကုသစရိတ်ကလည်း လယ်ဂျာစာအုပ်ထဲရောက်သွားပါတယ်။ ပိုဆိုးတာက ချီယိုရဲ့ အမက ထွက်ပြေးလွတ်မြောက်သွားတော့ သူမရဲ့ အကြွေးစာရင်းတွေက ချိယိုရဲ့ စာရင်းထဲ အကုန်ရောက်လာတယ်လေ။ အဲဒါနဲ့လဲ မပြီးသေးပါဘူး။ အိုခီယာက ထွက်ပြေးဖို့ ကြိုးစားခဲ့တဲ့ ချီယိုကို ဂေရှားမယ်အဖြစ် ရင်းနှီး မြုပ်နှံဖို့ ယုံကြည်မှုမရှိတော့ပါဘူး။ နောက်ဆုံးချီယိုကို အိမ်ဖော်အဖြစ်နဲ့ပဲ ဆက်ထားလိုက်ပါတယ်။ သည်ပုံစံအတိုင်းဆိုရင် ချီယိုခမျာ တစ်သက်လုံး အိမ်ဖော်အဖြစ် ဆပ်သွားလည်း ကြေဖို့လမ်းမမြင်တော့ပါဘူး။

တစ်ရက်တော့ သူမတစ်ယောက်တည်း တွေးရင်းငေးရင်းတံတားလေးပေါ်မှာ ထိုင်နေရင်း Chairman ဆိုတဲ့ ယောကျာ်းပီသတဲ့လူတစ်ယောက်နဲ့တွေ့ခဲ့တယ်။ ထိုတစ်ယောက်က ဂေရှားမယ်နှစ်ယောက်နဲ့အတူ ကပွဲသွားရင်း ချီယိုကိုတွေ့တော့ မုန့်ဝယ်ကျွေးပါတယ်။ ပိုတဲ့ အကြွေစေ့လေးတွေကိုလည်း ချီယိုကို လက်ကိုင်ပုဝါလေးနဲ့ထုပ်ပြီး ပေးလိုက်တယ်။အဲသည်ပိုက်ဆံက ချီယိုအတွက် တစ်လစာ ဆန်ဆီဆား ၀ယ်လို့၇ပါတယ်။ ဒါပေမယ့် ချီယိုက လက်ကိုင်ပုဝါလေးကို ကိုယ်နဲ့မကွာ သိမ်းထားပြီး ပိုတဲ့ ပိုက်ဆံကိုတော့ ဘုရားကျောင်းကိုလှူလိုက်တယ်။ တစ်နေ့နေ့တော့ Chairmanကို ပြန်ဆုံရပြီး သူ့ကို ဖျော်ဖြေရတဲ့ ဂေရှားမယ်တစ်ယောက် ဖြစ်ရပါလို့၏လို့ဆုတောင်းလိုက်ပါတယ်။ သူမရဲ့ဆုတောင်းတွေ ပြည့်ဖို့ အိုခီယာလေးမှာ အိမ်ဖော်အဖြစ်နေရင်း စောင့်နေခဲ့ရတယ်။ တစ်ဖက်ကလည်း Chairman ရဲ့သတင်းတွေ နားစွင့်ရင်းပေါ့။ တစ်နေ့မှာတော့ သူမနေတဲ့ အိုခီယာလေးကို မထင်မှတ်ဘဲလူတစ်ယောက် ရောက်လာတယ်။

ဆက်ပါဦးမည်။
ဓါတ်ပုံများကို အင်တာနက်မှ ရယူပါသည်။