သံယောဇဉ်အလွန်

မျော်လင့်ချက်..........။
အဲဒီမျော်လင့်ချက်တွေနဲ့ပဲ ကျွန်တော်သူ့ကို တမ်းတခဲ့တာကြာပေါ့။ တခါတလေ မျော်လင့်ချက်လေးတွေက တိတိရိရိပြတ်တောက်သွားဖူးတယ်။ တခါတလေ မျော်လင့်ချက်လေးတွေက ရေးတေးတေးလေး ပြန်ပေါ်လာခဲ့ဖူးတယ်။ တခါတလေတော့လည်း အဲဒီမျော်လင့်ချက်တွေကပဲ တစ်နေရာမှာ သွားပုန်းနေတတ်တယ်လေ။ ဒီတစ်ခါတော့ ဒီမျော်လင့်ချက်တွေကို ထောင့်တစ်နေရာမှာ ပုံထားလိုက်ချင်တယ်။ မေ့ထားလိုက်ချင်တယ်။ အချိန်ကာလ တန်ကြာစွာ စွဲမက်လာခဲ့တဲ့ ဒီမျော်လင့်ချက်လေးတွေကိုတော့ နောက်ဆုံးတစ်ခေါက် အနေနဲ့ ကျွန်တော် မျော်လင့်ချင်သေးပါရဲ့။ ဒီလိုနဲ့ပဲ မျော်လင့်ချက်တွေကို လွယ်အိတ်ထဲ စုပြုံထည့်ရင်း ကျွန်တော်ရဲ့ အိမ်အပြန်ခရီးကို စတင်လိုက်ပါတော့တယ်။ မဝေးတဲ့ တစ်နေ့မှာတော့ နောက်ဆုံးတစ်ကြိမ် ပြန်ဆုံနိုင်ပါသေးတယ်နော်။

အခန်း(၁)

နာရီကို ကြည့်လိုက်တော့ လေယာဉ်ကထွက်မယ့်အချိန်ကို ၄၅မိနစ်တိတိ စွန်းနေပြီ။ ခပ်သေးသေး လေယာဉ်ပြတင်းပေါက်ကနေ ကြည့်လိုက်တော့ လေဆိပ်လုံခြုံရေး အရာရှိတွေက လေယာဉ်ဝမ်းဗိုက်ထဲမှ ခရီးဆောင်အိတ်တွေကို ပြန်ထုတ်နေသည်။ ဒီပုံစံအတိုင်းဆို လေယာဉ်က ပိုပြီးနောက်ကျပေဦးမည်။

လေယာဉ်ပေါ်မှာလည်း ခရီးသည်တွေက အပြည့်။ ကိုယ့်မွေးရပ်မြေကို ပြန်ကြရတော့မယ် ဆိုတော့လည်း အားလုံးက ပျော်ရွှင်မြူးတူးနေကြလို့။ ပိုပြီးပျော်စရာကောင်းတာက ဒီနေ့က သင်္ကြန်အကြိုနေ့လေ။ ဘာလိုလိုနဲ့ သင်္ကြန်နဲ့ဝေးခဲ့တာ အခုဆို ၅နှစ်တောင် ရှိတော့မည်။ အခုအချိန်မှာ ဒီမြေ ဒီလေမှာ တစ်စက္ကန့်တောင် မစွန်းလို။ စိတ်တွေက ဝေးခဲ့တဲ့ သင်္ကြန်ခရီးကို မြန်မြန်ရောက်ချင်သည်။ သူပြောပြခဲ့တဲ့ ခရီးတစ်ခုကို သူမောင်းမယ့် ဆိုင်ကယ် ကိုစီးရင်း သူ့ခါးကို နောက်ကနေ ဖက်လို့ စိတ်ကူးနဲ့ ခရီးနှင်ခဲ့တာလည်း အတော်ကြာလှရောပေါ့။ လေယာဉ်ရယ် အမြန်ထွက်ပါတော့။ ကျွန်တော်ချစ်တဲ့ သင်္ကြန်။ ကျွန်တော်ချစ်တဲ့ သူ။ နောက်ပြီး သူနဲ့ သွားချင်တဲ့ ငွေဆောင်။ အဲဒါတွေ အားလုံး စောင့်ကြိုနေကြပြီလေ။

…………………………………….။…………………………………………

ရန်ကုန်လေဆိပ်ကို ရောက်တော့ ရောက်သင့်တဲ့အချိန်ထက် တစ်နာရီခွဲလောက် နောက်ကျပြီးမှ ရောက်သည်။ ဖြစ်နိုင်ရင် အပြင်ကို မြန်မြန်ရောက်ချင်သည်။ ဒါပေ့မယ် ဒီတစ်ခေါက် မြန်မာပြည်ပြန်လာတဲ့ သူတွေ များတော့ Immigration Counter မှာ တော်တော် တန်းစီလိုက်ရသည်။ ကိုယ့်နိုင်ငံကိုယ်ပြန်လာတဲ့ သူတွေက ဒီကောင်တာလေးကို ဖြတ်ဖို့အရေး တစ်နာရီနီးပါးလောက် တန်းစီရသလောက် လေယာဉ်ပေါ်မှာ ပါလာတဲ့ ကမ္ဘာလှည့် ခရီးသည်တွေကတော့ နိုင်ငံကူးလက်မှတ်လေးပြပြီး အလျှိုအလျှို မြန်မြန်လေး ထွက်သွားကြသည်။ ကမ္ဘာလှည့်ခရီးသည်တွေပဲ ဖြတ်ရတဲ့ ဘယ်သူမှ မရှိတော့တဲ့ ကောင်တာကို လှမ်းကြည့်လိုက်ရင်း ဘာရယ်မဟုတ် ကိုယ့်ရှေ့မှာ တန်းစီနေတဲ့ လူတွေကို ရေတွက်ကြည့်လိုက်သည်။ တစ်ယောက်။ နှစ်ယောက်။ သုံးယောက်။ အောင်မလေး ရှစ်ယောက်ကြီးများတောင် ကျန်သေးသည်။ ကောင်တာက တစ်ယောက်ကလည်း ဘာတွေ မေးနေမှန်းမသိ။ ပြန်လာတဲ့ အမျိုးသားက ကောင်တာက အရာရှိကို စာရွက်တွေ တစ်ရွက်ပြီး ထုတ်ပြနေသည်။ သူ့တစ်ယောက်တည်းနဲ့တင် အချိန်တွေက မကြာသင့်ပဲ ကြာနေသည်။ သက်ပြင်းနွေးလေးကို မသိမသာချလိုက်ရင်း ဟိုဘက်လေဆိပ်မှာကတည်းက ထွက်လာတဲ့ ဒေါသတွေကို ပြန်ပြန်သိမ်းနေရသည်။ ဒီလိုနဲ့ပဲ စောင့်ရင်း။ ကြာရင်းနဲ့ပဲ။ အဲဒီကောင်တာကို အောင်မြင်စွာ ဖြတ်နိုင်ခဲ့တယ်လေ။

ကောင်တာကနေ ဖြတ်လာပြီးနောက် Luggage တွေ ထုတ်တဲ့နေရာကို ရောက်ပြန်တော့လည်း Luggage တွေက တော်တော်နဲ့ ထွက်မလာ။ ထွက်လာပြန်တော့လည်း ကျွန်တော့် Luggage အနက်မှာ မြေဖြူနဲ့ ကြက်ခြေခတ်မှတ်ထားတဲ့ အမှတ်အသားက အဖွေးသား။ ဟိုဘက်လေဆိပ်က လက်ချက်ပဲ ဖြစ်မှာပါ။ ကိုယ့်ခရီးဆောင်အိတ်တွေကို သယ်ပြီး နောက်ထပ်ကောင်တာ တစ်ခုကို ဖြတ်ရပြန်သေးသည်။ ကောင်တာက အရာရှိက ကျွန်တော့ အိတ်တွေအားလုံးကို ဖွင့်လိုက်ပြီး ပစ္စည်းတွေကို တစ်ခုချင်း စစ်သည်။ ခရီးသည်တွေထွက်တဲ့ အပေါက်ကို လှမ်းကြည့်လိုက်တော့ ဖေဖေ့ကို ပြူတစ်ပြူတစ်နဲ့ တွေ့လိုက်သည်။ ကျွန်တော် စိတ်မရှည်တော့ ကောင်တာက အရာရှိမေးသမျှကို ဘုဆတ်ဆတ်ပြန်ဖြေရင်း ခြေလှမ်းတွေက အပြင်ဘက်ကို လှမ်းနေပြီ။ သူစစ်ပြီးတဲ့အချိန်မှာ အိတ်တွေကိ်ု ပြန်ပိတ်ပြီး ဖေ့ဖေ့ရှိရာကို အပြေးလေးထွက်သွားလိုက်သည်။ အဲဒီအချိန်မှာ ကျွန်တော် သတိမထားတာတစ်ခု။ တော်တော်လေးကြာမှ သိလိုက်ရသည်။

……………………………..။…………………………………

မရောက်တာကြာပြီ ဖြစ်တဲ့ ဧပြီလေရူးက ပူခနဲ ဖြစ်အောင် ကျွန်တော့် မျက်နှာပေါ်က ဖြတ်ပြေးသွားသည်။ ဖေဖေနဲ့ ကျွန်တော့် ယောက်ဖက Luggage တွေ အကုန်လုံးကို ကားပေါ်တင်ပြီးတဲ့နောက် ဖေဖေ့တို့ အိမ်လေးရှိရာ ဒဂုံမြို့သစ်မြောက်ပိုင်းကို နွေပူပူမှာ မညီညာတဲ့ လမ်းတွေပေါ်မှာ ဘယ်ယိမ်းညာယိမ်းနဲ့ ထွက်လာခဲ့သည်။ အိမ်ကိုရောက်တော့ မေမေက ထမင်ဝိုင်းနဲ့ အသင့်စောင့်နေ၏။ ဒီတစ်ခေါက် ဖေဖေတို့နေတဲ့ နေရာလေးက အရင်က ၆ရပ်ကွက်မှာ မဟုတ်တော့။ ၁၂ရပ်ကွက်မှာ။ ၆ရပ်ကွက်က အိမ်မှာ အမတွေ နေကြသည်။ ထမင်းစားပြီးတာနဲ့ တယ်လီဖုန်းရှိတဲ့ ၆ရပ်ကွက်က အိမ်ကို အပြေးလေး အသော့နှင်မိသည်။ စိတ်ထဲကလည်း တစ်စုံတစ်ယောက်သောသူက ကျွန်တော့်ဆီ ဖုန်းဆက်လိမ့်ဆိုတဲ့ မသိစိတ်လေးတစ်ခုနဲ့ပေါ့။ အိမ်ရောက်တာနဲ့ မမကလှမ်းပြောတယ်။ သူကျွန်တော့ဆီ မနက်ကတည်းက ဖုန်းတွေ ဆက်နေတယ်တဲ့။ ဘာရယ်မှန်းမသိ။ သူနဲ့ ပါတ်သတ်ရင် မခုန်တာ ကြာပြီဖြစ်တဲ့ ရင်က ဆတ်ခနဲ တုန်သွားသလို။ ပိုင်ဆိုင်သူတွေ အသီးသီးရှိနေကြပေမယ့်လည်း တခါတလေတော့ လည်း အခုထက်ထိလွမ်းနေမိသေးသား။

သူ ကျွန်တော့်ဆီ ဖုန်းပြန်ခေါ်မှာကိုလည်း စိတ်ထဲက အလိုလိုသိနေသလို။ ဒီလိုနဲ့ပဲ ဖုန်းနားကနေ မခွာရက်နိုင်တော့။ ဖုန်းလေး တစ်ချက်မြည်သွားချိန်မှာ ကောက်ခနဲ ကောက်ကိုင်မိလိုက်တော့ သူမဟုတ်။ ရင်ထဲမှာ မောသွားသည်။ ဒီလိုနဲ့ပဲ အိမ်ရှေ့နဲ့ အိမ်ပြင် ၀င်လိုက်ထွက်လိုက် လုပ်နေရင်းနဲ့ အမလုပ်တဲ့သူက ဖုန်းလာနေတယ်ဆိုလိုက်ရော အပြေးလေးကိုင်လိုက်ပြီး တစ်ဖက်က အက်ရှရှအသံလေး ပြန်ကြားလိုက်ရချိန်မှာ ရင်ထဲမှာ နွေးသွားသည်။

မင်းဆီကို မနက်က ဖုန်းခေါ်သေးတယ်။ မင်းပြန်မရောက်သေးဘူးတဲ့။

ဒီလိုစကားလေး ကြားလိုက်ရတဲ့အချိန်မှာ ကျွန်တော့်မျော်လင့်ချက်လေး တချို့ ပြန်ပြီးတောက်ပလာသလိုလို။ ကျွန်တော်ပြန်လာတဲ့အချိန်မှာ သူကရန်ကုန်မှာ မဟုတ်။ ပုသိမ်မှာ တာဝန်ကျနေတယ်တဲ့။ ကျွန်တော်က သင်္ကြန်တွင်းလာမယ်ဆိုတော့ သူက မအားဘူးတဲ့လေ။ ဟုတ်မှာပါ။ ဒီလိုဆို ကျွန်တော်က သင်္ကြန်အတက်နေ့ လာခဲ့မယ်။ ငွေဆောင်ကို သွားကြရအောင်ဆိုတော့ သွားမယ်လေတဲ့။ တကယ်ဆို ကျွန်တော် တော်တော်ပျော်သွားတာ အမှန်။ ဒါပေမယ့် အဲဒီအပျော်တွေရဲ့ နောက်ကွယ်မှာ ဒီတစ်ခါနောက်ဆုံးတွေ့ခြင်းသာလို့ စိတ်ပိုင်းဖြတ်ထားလို့လား မသိ။ ကျွန်တော့် ပျော်ရွှင်မှုတွေက ကမ်းစပ်ကို တင်ခဲ့တဲ့ လှိုင်းလုံးလေးလို ပျော့ပျော့လေး ကျန်ခဲ့သည်။ နောက်ဆုံး တစ်ကြိမ်တော့ သူ့ကို ရင်ခွင်ထဲမှာ ထွေးပိုက်ထားချင်သည်။ နောက်ဆုံး တစ်ကြိမ်တော့ သူ့ပါးပြင်မှာ စွဲထင်နေတဲ့ လတ်ဆတ်တဲ့ ယစ်တစ်တစ် ချွေးနံ့လေးကို ခိုးပြီးနမ်းချင်သည်။ နောက်ပြီး ငယ်ငယ်တုန်းက ဆော့ခဲ့သလို့ သူ့လက်ဖ၀ါးထဲမှာ ကျွန်တော့်လက်ချောင်းလေးတွေ ထည့်လိုက်ရင်း အားပြင်းပြင်းနဲ့ ဖျစ်ညှစ်တာကို ခံချင်သေးသည်။ ဒီလိုနဲ့ပဲ သင်္ကြန်အတက်နေ့ထိ သူ့ကို စောင့်ရမှာကို တွေးရင်း ရင်မောမိတာ အမှန်။

ညနေဘက်ရောက်တော့ ၁၂ရပ်ကွက်က အမေ့အိမ်ကို ပြန်။ အမေ့အိမ်မှာ တစ်ညအိပ်ပြီး နောက်နေ့ကျတော့ ပါလာတဲ့ အ၀တ်ထုပ်ကို တစ်ဝက်ခွဲပြီး ကျောက်မြောင်းက ဒုတိယ အမအိမ်ကို ရွှေ့ခဲ့၏။ သူ့အိမ်ကနေ အင်းယားလမ်းက ရေကစားမဏပ်ကို သွားရတာ လွယ်ကူတော့ ဖေဖေနဲ့ မေမေဆီမှာ ခွင့်တောင်းပြီး သင်္ကြန်တွင်း ကျောက်မြောင်းမှာပဲ နေခဲ့တယ်လေ။

ပထမဆုံးသင်္ကြန် အကျနေ့ရောက်တော့ အင်းယားလမ်းကိုသွားပြီး ကိုယ်ကစားရမယ့် မဏပ်ကို ရှာလိုက်သည်။ မဏပ်က သိပ်ပြီး မကြီးလှ။ အလတ်စားအရွယ်။ မဏပ်နာမည်က GODတဲ့။ ဒီလိုနဲ့ပဲ မဏပ်က ရှိသမျှလူတွေနဲ့ ခဏလေးနဲ့ ခင်သွားသည်။ သင်္ကြန်မကဲရတာ ကြာလို့လား။ သင်္ကြန်ရေ မထိတာပဲ ကြာလို့လား မသိ။ လတ်ဆတ်တဲ့ တီးလုံးတွေ ရစ်သမ်တွေကြားမှာ လူက မျောခနဲ ဖြစ်သွားသည်။ စိုင်းစိုင်းရဲ့ အိုးကလေးလှုပ်ပါဦး ဆိုတဲ့ စာသားကလည်း မဏပ်ပေါ်မှာ ရှိတဲ့လူတွေအားလုံးကို ဖမ်းစားသွားသည်။ ကျွန်တော်လည်း ကလိုက်ခုန်လိုက်နဲ့ အပျော်လွန်နေတာ နေ့လည်ခင်း ထမင်းစားရေပိတ်ချိန်အထိပေါ့။ ထမင်းစားနားနေတဲ့ အချိန်ကျတော့မှ ရဲမင်းဆိုတဲ့ လူတစ်ယောက်နဲ့ ချိန်းထားတာ သတိရလိုက်မိသည်။ ရဲမင်းက သူနဲ့ ဟိုးမူကြိုဘ၀ကတည်းက ခင်လာတဲ့ သူငယ်ချင်းတဲ့လေ။

ကျွန်တော်လည်း နေ့လည်ခင်း ထမင်းစားချိန်မှာ ရဲမင်းနဲ့ စကားတွေ ပြောဖြစ်ကြသည်။ ရဲမင်းပြာပြတဲ့ စကားလုံးတွေတိုင်းမှာ သူအကြောင်းလေးပါလာလိုက်ရင် ပျော်သွားရော။ ဒီလိုနဲ့ပဲ ပြောရင်းပြောရင်းနဲ့ ကျွန်တော်က ရဲမင်းကို သင်္ကြန်အတက်နေ့ ပုသိမ်ကို လိုက်သွားမယ် ဆိုတဲ့ အကြောင်း ပြောပြလိုက်မိ၏။ အဲဒီအခါကျတော့ သူကလည်း ကျွန်တော်နဲ့ လိုက်ခဲ့မယ်တဲ့လေ။ ဘယ်လိုလူလဲလို့ စိတ်ထဲမှာ မျက်ခနဲ ဖြစ်သွားရင်း ရဲမင်ူးကို မလိုက်ခဲ့နဲ့လို့ ကျွန်တော် ပိတ်ပြောလိုက်တယ်။ ဒီလူ့မျက်ဝန်းတွေကို သိပ်မသင်္ကာတော့။ သူ့အကြောင်းပြောနေတဲ့ အချိန်မှာ သူ့မျက်ဝန်းတွေမှာ အကြင်နာခိုးတွေ လဲ့နေသလိုလို။ သူ့ကို ကြည့်ပြီး ကျွန်တော် စိတ်ထင့်သွားသည်။ အဲဒီအချိန်မှာ နေရောင်ကြောင့် ခြောက်လုဆဲ ကျွန်တော့် အကျိင်္က ရေမထိဘဲ ပြန်ပြီးအေးလာသည်။ ရင်ထဲမှာလည်း ခိုက်ခိုက်တုန်လာတော့သည်။

ဆက်ပါဦးမည်။
သရုပ်ဖော်ပုံ ကိုယ်တိုင်ဆွဲ၏။