ပုလင်းကွဲကချေသည် (ဇာတ်သိမ်းပိုင်း)

ပထမပိုင်း၊ ဒုတိယပိုင်း ဒီမှာဖတ်နိုင်ပါတယ်။

အခန်း(၃)

ကျွန်တော်တို့နှစ်ယောက် Earl Lu ပြခန်းကိုရောက်သွားတဲ့ အချိန်မှာ နောက်ကျနေပြီ ဖြစ်လို့ အခန်းတံခါးတောင် ပိတ်နေပါပြီ။ ပိတ်နေတဲ့ အခန်းတံခါးကို အသာလေး တွန်းဖွင့်လိုက်ချိန်မှာ ချာတန်ရဲ့ Performanceက စနေပါပြီ။ ချာတန်က မျက်နှာကျက်ကနေ မှန်ကဲ့သို့ကြည်လင်တဲ့ A0 Size ပလတ်စတစ်အပြား ခြောက်ပြားလောက်ွကို တွဲလောင်းချိတ်ထားပါတယ်။ အဲဒီ ပလပ်စတစ်ပြားတွေရဲ့ နောက်မှာတော့ ကချေသည် တစ်ယောက်ဆီက ရပ်နေပြီး မှန်တွေကို လက်နှစ်ဖက်နဲ့ ပွတ်သပ်ထိတွေ့ဟန်နဲ့ ရာဂရဲ့ သမီးပျိုလေးများပမာ ခနာကိုယ်ကို တွန့်လိမ်ပြီး
ကနေကြပါတယ်။ ပလပ်စတစ်ပြားတွေ၊ ရာဂရဲ့ သမီးပျိုလေးတွေကြားမှာတော့ ချာတန်ရဲ့ ကချေသည်ပါ။ သူမရဲ့ လက်တစ်ဖက်မှာ ၀ိုင်တစ်ဝက်ထည့်ထားတဲ့ ဖန်ခွက်ကို လက်မှာကိုင်ထားပြီး ခနာကိုယ်ကို ကွေးညွှတ်ကာ ခြေထောက်တစ်ဖက်ကို မြှောက်ထားပါတယ်။ ချာတန်ကတော့ ကနေသူအားလုံးရဲ့ ဘေးနားမှာ ထိုင်နေပြီး ရေထည့်ထားတဲ့ ၀ိုင်ခွက်နှုတ်ခမ်းသားတွေကို လက်ဖျားလေးတွေ ပွတ်သပ်ရင်း ဂီတတစ်ခုကို ဖန်တီးနေပါတယ်။ ဖန်ခွက်နဲ့ လက်ချောင်းလေးတွေ ထိတွေ့ပြီး ထွက်လာတဲ့ ဂီတသံနဲ့ အညီ ကချေသည်တွေက လိုက်ကပါတယ်။ ဒါပေမယ့် ဖန်ခွက်က ထွက်လာတဲ့ အသံကတိုးလွန်းတော့ သိပ်မကြားရပါဘူး။

ကျွန်တော် နားလည်တာတစ်ခုကတော့ ချာတန်က ပလပ်စတစ်ပြားတွေနဲ့ Space နေရာတစ်ခု ဖန်တီးပြီး၊ ၀ိုင်ခွက်ကနေ ထွက်လာတဲ့ Sound အသံနဲ့ Motion ကကွက်တွေကို ဖန်တီးတာပါပဲ။ ဒါပေမယ့် ကျွန်တော်နားမလည်တာ တစ်ခုကတော့ Interior Design ကျောင်းသားတစ်ယောက်မှာ ကချေသည် တစ်ယောက်ပဲ ရှိရမှာ ဘာလို့သူက အများကြီး သုံးခွင့်ရရတာလဲ။ ဒါလုံးဝမဖြစ်သင့်ဘူး။ မကျေနပ်ဘူး။ ကျွန်တော့်အတွေးမဆုံးခင်မှာ လက်ခုပ်သံတွေ ကြားလိုက်ရပြီး သူ့ရဲ့ Performance အောင်မြင်စွာ ပြီးဆုံးသွားပါတော့တယ်။

ဆရာမနဲ့ကျောင်းသားတွေ အားလုံး နောက်ထပ် Performance လုပ်တဲ့နေရာကို ရွှေ့တဲ့အချိန်မှာ တစ်ရွာလုံးနဲ့ တစ်ယောက်ဖြစ်ကြပြန်ပါတယ်။ ကျွန်တော့် ကချေသည်မလေးက သူများတကာ ကတာကိုကြည့်ချင်တော့ ရောယောင်ပြီး ပါလာတယ်။ အဲဒီအချိန်မှာ သူလှုပ်လိုက်တာနဲ့ သူ့ခါးပေါ်က ပုလင်းကွဲတွေက တစ်ခုနဲ့တစ်ခုထိပြီး အသံတွေ ထွက်လာတယ်။ နောက်ပြီး ပုလင်းကွဲ တစ်စနှစ်စကျကုန်တယ်။ အဲဒါကြောင့် နောက်ကမယ့် အဖွဲ့တွေက တိတ်ဆိတ်နေတဲ့အချိန်မှာ မလိုအပ်ဘဲ အသံထွက်လာတဲ့ ကျွန်တော်တို့ နှစ်ယောက်ကို မျက်ထောင့်နီကြီးတွေနဲ့ ၀ိုင်းကြည့်ကြတယ်။

ကျွန်တော်လည်း တရုတ်မလေးကို အသာလက်တို့ပြီး ကျွန်တော်တို့ ကမယ့်နေရာကို အတင်းဆွဲခေါ်ရတယ်။ သူလည်းမကျေမနပ်နဲ့ မျက်နှာကြီးစူပုတ်ပြီးထိုင်နေချိန်မှာတော့ ကျွန်တော်လည်း သူမလျှောက်ခဲ့တဲ့ လမ်းတစ်လျှောက် တံမြတ်စည်းတစ်ချောင်းနဲ့ အလုပ်ရှုပ်ပါတော့တယ်။ ဒီလိုနဲ့ တစ်ဖွဲ့ပြီးတစ်ဖွဲ ပြီးသွားချိန်မှာတော့ ရစ်ချက်တို့အဖွဲ့ စကပါတယ်။ အားပါးပါး။ သူတို့အဖွဲ့လည်း မနည်းလှပါလား။ ၁၀ယောက်ကျော်မယ် ထင်ပါတယ်။ အဖွဲ့ဝင်တိုင်း သစ်သားချောင်းတစ်ချောင်းစီ ကိုင်ထားပြီး၊ သစ်သားချောင်းတွေနဲ့ ကြမ်းပြင်ကိုပုတ်လိုက်။ ကလိုက်။ ကရင်း ကရင်းနဲ့ သစ်သားချောင်း တစ်ချောင်းစီကို ကြိုးနဲ့ ချည်သွားကြတယ်။ ကြိုးတွေချည်ပြီးသွားတဲ့ အခါမှာ သစ်သားတွေကို ထောင်လိုက်တဲ့ အခါမှာတော့ ထောင်ချောက်တစ်ခုလို ဖြစ်သွားပြီး ရစ်ချက်ရဲ့ ကချေသည်က ထောင်ချောက်ထဲ ရောက်သွားပါတော့တယ်။ သူတို့ ကဟန်တွေက လူများတော့ မြိုင်မြိုင်ဆိုင်ဆိုင်ရှိလှပါတယ်။

သူတို့ Performance ကို ကြည့်ပြီး ကျွန်တော်လည်း ကျွန်တော့်ကချေသည်အတွက် စိုးရိမ်လာပါတယ်။ ကျွန်တော်လည်း သူမဆီပြန်ပြေး။ မနက်က တိုင်ပင်ထားတဲ့ ကကွက်တွေကို မှတ်မိသေးလားလို့ ပြန်မေးတော့။ သူမက ကမယ့်နေရာမှာ ငြိမ်ပြီးထိုင်နေရတာ မကျေနပ်လို့နဲ့တူတယ်။ ကျွန်တော့်ကို မျက်စောင်းအတုံးလိုက် ထိုးပြီး ဘာမှ စိတ်မပူပါနဲ့တဲ့။

ဒီလိုနဲ့ ကသွားလိုက်ကြတာ ကျွန်တော်တို့ အလှည့်ရောက်လာပါတော့တယ်။ ကြည့်ချင်တဲ့ သူတွေက ကျွန်တော်တို့ အနားဝိုင်းလာကြပါတယ်။ ကျွန်တော်က သူကနေရင်းနဲ့ ပုလင်းကွဲတွေ စဉ်မှာကြိုသိတော့ အားလုံးကို ခပ်ခွာခွာမှာပဲ ကြည့်ခိုင်းရတယ်။ ကျွန်တော့်ရဲ့ ကချေသည်လေးကလည်း ကမယ့်နေရာမှာ ငြိမ်သက်စွာ ထိုင်လိုက်ပြီး ရုပ်သေးရုပ်တွေလိုပဲ မကခင်ကြိုးလျော့ထားသလို ခနာကိုယ်ကို ဖြေလျော့ထားလိုက်ပါတယ်။ အဲဒီအချိန်မှာ ကျွန်တော့်နောက်နားမှာ ထိုင်နေတဲ့ ကောင်မလေးတစ်ယောက်က ကျွန်တော့်ကချေသည်ရဲ့ ခါးပေါ်က ပုလင်းကွဲတွေကို ကြည့်ပြီး………… အို………. မကြည့်ရဲဘူး။ မကြည့်ရဲဘူးလို့ ထအော်ပါတယ်။

ခေါင်းငုံ့နေရာကနေ ကြိုးဆွဲဆရာက ကြိုးကို ဆတ်ခနဲ ဆွဲလိုက်သလို ခေါင်းကို မတ်လိုက်ပါတယ်။

ကျွန်တော့်ကချေသည်လေးက ခေါင်းငုံ့နေရာကနေ ကြိုးဆွဲဆရာက ကြိုးကို ဆတ်ခနဲ ဆွဲလိုက်သလို ခေါင်းကို မတ်လိုက်ပါတယ်။ ခေါင်းကို မတ်လိုက်တဲ့ အခါမှာ ဘုရားပေါ်က ဆည်းလည်းလေး လေအတိုးခံလိုက်ရသလို ချွင်ခနဲတစ်ချက်မြည်သွားတယ်။ ခါးကိုမတ်လိုက်တဲ့ အချိန်မှာတော့ ချွင်ဟူသောအသံက နောက်တစ်ချက်။ နောက်တစ်ချက်။ ဖြေးညင်းစွာ သူမမတ်တပ်ရပ်လိုက်ချိန်မှာတော့ သာယာလှပသော ဂီတသံတစ်ခု ညိမ့်ညိမ့်ညောင်းညောင်းလေး ထွက်ပေါ်လာပါတယ်။ အဲဒီအချိန်မှာ ပြခန်းတစ်ခုလုံး တိတ်ဆိတ်သွားပြီး ဆည်းလည်းသံလို နူးညံ့လှပစွာ သူမ ကပါတော့တယ်။

သူမလေမုန်းတိုင်းတစ်ခုလို ခနာကိုယ်ကိုလှည့်လိုက်တဲ့အခါ

သူမက ကနေရင်းနဲ့ ခြေဖျားလေးကို ဆက်ခနဲ ဆက်ခနဲ ဆွဲဆန့်လိုက်ပါတယ်။နူးညံ့စွာ ကနေရင်းကနေ ကကွက်တွေက တဖြေးဖြေးသွက်လာပါတယ်။ ကျွန်တော် သူမကို အဲ့ဒီလောက် အကကောင်းမယ်လို့ မထင်ခဲ့မိဘူး။ သူမရဲ့ ခါးမှာ ၀တ်ထားတဲ့ ပုလင်းကွဲစတွေကလည်း လေပြေလေးတိုက်နေရာကနေ နွေခေါင်ခေါင်လေရူးဝှေ့သလို တချွင်ချွင်ဖြစ်လာတယ်။ ပိတ်စပေါ်မှာ ကော်နဲ့ကပ်ထားတဲ့ ပုလင်းကွဲစတွေက ဖြာခနဲ ဖြာခနဲ ခနာကိုယ်ပေါ်ကနေ လွင့်စင်သွားပြီး ဖွာခနဲ ကြမ်းပြင်ပေါ်မှာ ကျကုန်တယ်။ ကျွန်တော့်ရဲ့ ကချေသည်လေးက ကြမ်းပြင်ပေါ်မှာ ထိုးထိုးထောင်ထောင် ဖြစ်နေတဲ့ ပုလင်းကွဲစတွေကို ခြေဖျားလေးထောက်ရင်း ကိုယ်ကို ယိမ်းပြီးကလာတယ်။ အဲဒီပုလင်းကွဲစတွေကြောင့်ပဲ သူမရဲ့ကကွက်တွေကို နောက်ဘာဆက်ကမလဲဆိုတာ မခန့်မှန်းနိုင်တော့ပဲ ဆရာမရော၊ ကျောင်းသားတွေပါ အသက်မရှူနိုင်တော့။ တစ်ချို့ ကရင်ဘက်ကို ဖိပြီးသူမရဲ့ ကကွက်တွေကြားမှာ မျောပါကုန်တယ်။ သူမကိုကြည့်ပြီး ကျွန်တော်ပါ စိတ်လှုပ်ရှားလာတယ်။ သူမကနေတဲ့ ကြမ်းပြင်က စိမ်းလဲ့ ၀ါဖန့်တဲ့ ပုလင်းကွဲစတွေနဲ့အတူ ကြမ်းတမ်းအက်ရှတဲ့ စစ်မြေပြင်လို တစ်စတစ်စပေါ်လာတယ်။ ကျွန်တော့် စိတ်ကူးထဲက Space က သူမရဲ့ ကကြိုးကကွက်တွေ အောက်မှာ ပီပြင်စွာ မွေးဖွားလာပါပြီ။











ကျွန်တော့်ရဲ့ ကချေသည်က ဘဲလေးအက ကသလို ခြေထောက်တစ်ချောင်းတည်းရပ်လိုက်ပြီး ခနာကိုယ်ကို နှစ်ပတ်သုံးပတ်လှည့်လိုက်ကာ ချွန်မြနေတဲ့ ပုလင်းကွဲစတွေပေါ် ထိုင်ချလိုက်ပါတော့တယ်။ ဟာ…………. ခနဲ မြည်သံနဲ့အတူ ကြည့်နေတဲ့ သူတွေဆီက အာမေဋိတ် မျိုးစုံထွက်လာပါတယ်။ သူမက ကျကွဲနေတဲ့ ဖန်ကွဲစတွေကို ကောက်ယူပြီး အရူးတစ်ယောက်ပမာ လက်ထဲမှာ ကစားလိုက်ချိန်မှာတော့ ကြည့်တဲ့သူတွေ အားလုံး မျက်လုံးပြူးလာပါပြီ။ သူမရဲ့ကကွက်တွေက လေပွေတစ်ခုလို ကခုန်နေရင်းကနေ မုန်တိုင်းတစ်ခုလို ဒေါသသံတွေ မြည်ကြွေးလာပါတယ်။ သူမက ကနေရင်းကနေ နောက်ကျောကနံရံဆီကို ချည်းကပ်သွားပါတယ်။နံရံကို လက်နှစ်ဖက်နဲ့ ကုတ်တွယ်နေဟန် ကလိုက်ပြီး နံရံကို မှီကာ ခနာကိုယ်ကို နှစ်ပတ် သုံးပတ် အရှိန်နဲ့ လှည့်လိုက်ချိန်မှာတော့ ၀ုန်းခနဲ မြည်သံနဲ့အတူ ဘီယာပုလင်းကွဲတွေအားလုံး ရှိသမျှအဟုန်နဲ့ နံရံကို ပြေးရိုက်သွားပါတော့တယ်။ နောက်တော့…. သူမ တဖြည်းဖြည်းနဲ့ ပျော့ခွေသွားပြီး ကြမ်းပြင်ပေါ်ကို လဲကျသွားတယ်။

တစ်စက္ကန့်……………………။
နှစ်စက္ကန့်……………………။

သူမ မထလာသေး။
အားလုံးကြက်သေသေပြီး မင်သက်နေကြတယ်။
………………….………………….………………….
………………….………………….………………….
………………….………………….………………….

ကျွန်တော့်ရဲ့ ကချေသည်လေး လဲကျနေရာကနေထလာပြီး ခါးကို ညွှတ်ကာ အရိုအသေ ပေးလိုက်ချိန်မှာတော့ လက်ခုပ်သံတွေမစဲတော့။ ဆရာမက ပီတိတွေဖြာပြီး ကျွန်တော်တို့ကို ကြည့်တယ်။ Drama Department ဆရာ၊ဆရာမတွေကလည်း လက်ခုပ်တီးလို့ မဆုံးတော့။ ကျွန်တော်တို့ နှစ်ယောက် ဖျော်ဖြေလို့ အပြီးမှာတော့ ဆရာမက ဘာလို့ ဒီလို Performance လုပ်ရတာလဲလို့မေးတယ်။

ကျွန်တော်က ဒီPerformance ရဲ့ Conceptက အချစ်ပါ။ အချစ်ဆိုတာ ဖန်စလေးနှစ်ခု ထိတွေ့လိုက်ချိန်မှာ ချွင်ခနဲ မြည်သံလိုပဲနူးညံ့သိမ်မွေ့ပါတယ်။ ဒါပေမယ့် တစ်ခါတစ်ရံ အချစ်မှာ မမြင်နိုင်တဲ့ အားတွေ၊ ပေါက်ကွဲမှုတွေ ရှိနေတတ်ပါတယ်။ အဲဒါတွေအားလုံးကို ဒီperformanceလေးနဲ့ သရုပ်ဖော်သွားတာလို့ ပြောလိုက်ပါတယ်။ ဆရာမက ဒီနေ့ ကပွဲမှာ ကျွန်တော်တို့ အဖွဲ့က အကောင်းဆုံးပဲလို့ ကြေညာလိုက်ပါတယ်။ (ဆရာမက Singapore က တီဗွီရှိုးမှာ ကျွန်တော်တို့ ကျောင်းသားတွေအားလုံးရဲ့ Performanceတွေကို ပြသဖို့လုပ်ပေမယ့် အကြောင်းအမျိုးမျိုးကြောင့် မအောင်မြင်ပါဘူး။ စကားချပ်)

ကျွန်တော်တို့ နှစ်ယောက် ပြခန်းကထွက်လာချိန်မှာ ဘယ်လောက်ကုန်သွားလဲ တွက်ကြည့်ပါတယ်။ စုစုပေါင်း စလုံးငွေ ၅၀ပင်မကျော်။ အဲဒီအချိန်မှာ ၂၀၀ဖိုးလောက်ရှိတဲ့ ပလပ်စတစ်ပြားတွေကို ကိုင်ပြီးထွက်လာတဲ့ ချာတန်နဲ့ သူ့ရဲ့ ကချေသည်က ကျွန်တော်တို့နှစ်ယောက်ကို လှည့်တောင်မကြည့်။ အကောင်းဆုံးကတတ်တဲ့ ရစ်ချက်ရဲ့ ကချေသည်ကလည်း ကျွန်တော်တို့နှစ်ယောက်ကို လာနှုတ်ဆက်ပြီး “you guys are so crazy” လို့ပြောသွားပါသေးတယ်။ အဲဒီနောက် ကျွန်တော်နဲ့ ကျွန်တော့်ရဲ့ ကချေသည်လည်း အပြန်အလှန်နှုတ်ဆက်လိုက်ကာ မိမိစာသင်ခန်းရှိရာကို သွားဖို့ တစ်ယောက်နဲ့ တစ်ယောက် ကျောခိုင်းပြီး ထွက်လာလိုက်ပါတယ်။ ခြေလှမ်း လေးငါးလှမ်းလောက် လှမ်းအပြီးမှာတော့ သူမကို ကျွန်တော်တစ်ချက် သမင်လည်ပြန်ကြည့်လိုက်ပါတယ်။ သူမက တခြားကချေသည်တွေနဲ့ အတူ ခေါင်းကိုမော့ ရင်ကိုကော့ထားပြီး ပေါ့ပါးတဲ့ ခြေလှမ်းတွေနဲ့ ခပ်သွက်သွက်လျှောက်သွားတာ မြင်လိုက်ရချိန်မှာ သူမအတွက် ကျွန်တော် ပြုံးမိလိုက်ပါတော့တယ်။ အဲဒီအပြုံး။ သူမအတွက် ဂုဏ်ယူတဲ့ အပြုံးပေါ့။ ။