ပုလင်းကွဲကချေသည်

အုံး…. ခွမ်း…. ဂလွမ်း……။

ဘီယာပုလင်းခွံတစ်ချို့ ကွန်ကရိကြမ်းပြင်နဲ့ ထိလိုက်တဲ့ အချိန်မှာ အစိတ်စိတ်အမွှာမွှာ ဖြစ်ကုန်၏။ ပူလောင်အိုက်စပ်စပ် နေ့လည်ခင်းတစ်ခုမှာ ကျွန်တော်တစ်ယောက်.. ဘီယာပုလင်းခွံတွေကို စိန်ပြေနပြေ၊ ဒေါသတကြီးနဲ့ ရိုက်ခွဲပြစ်လိုက်သည်။ စိတ်ထဲကလည်း မည်သူကိုမှ မကျေနပ်။ ပုလင်းကွဲသံကြောင့် ကျောင်းသားတစ်ချို့ ခေါင်းပြူပြီးထွက်လာသည်။ တစ်ချို့က ဘာမှမထူးဆန်းသလိုလိုနဲ့ တစ်ချက်ကြည့်ပြီး ကိုယ့်စားပွဲကိုယ် ပြန်ထိုင်ကြသည်။ တစ်ချို့ကြတော့လည်း ကျွန်တော်ဘာဆက်လုပ်မလဲလို့ စောင့်ကြည့်သည်။ တစ်ချို့ကြတော့လည်း စာသင်ခန်းရှေ့မှာ ပုလင်းခွံတွေ ရိုက်ခွဲနေသော ကျွန်တော့်ကို မကျေနပ်ဟန် ပြကြသည်။ ဒါပေမယ့် မှုန်ကုတ်နေသော ကျွန်တော့်မျက်နှာကြောင့် ဘယ်သူမှ ဘာစကားမှ မဟရဲ။ ကွဲကြေနေသော ဘီယာပုလင်းခွံများကား ထိုးထိုးထောင်ထောင်နဲ့ စာသင်ခန်းရှေ့ ၀ရန်တာမှာ ပြန့်ကြဲနေကြတော့ပါ၏။

အခန်း(၁)

အဲဒီနေ့က မနက်ခင်းတစ်ခုလုံး မိုးကမရွာ နေလည်းမပူဘဲနဲ့ ချွေးတပြိုက်ပြိုက်ကျနေတယ်။ ရာသီဥတုက ကိုယ့်ဘက်မပါရတဲ့ကြားထဲ အတန်းပိုင်ဆရာမက နောက်ထက်လုပ်ရမယ့် ပရော့ချက်အသေးစား တစ်ခုအတွက် guideline တွေပေးပြီးနောက်၊ ကျွန်တော်တို့ကျောင်းသားတွေအားလုံး ကိုယ့်ထိုင်ခုံတွေမှာ ခြေပစ်လက်ပစ် ထိုင်ချလိုက်ပါတယ်။ ပရော့ချက်နာမည်က “ SOUND, TEXTURE, MOTION, SPACE”တဲ့။ Interior Design ဒါမှမဟုတ်၊ Performance သို့မဟုတ် ကကွက်တစ်ခု ဖန်တီးရမှာပါ။

ကျွန်တော်တို့ Interior Design မှာ semesterတစ်ခုလုံး အဓိကထားပြီး လုပ်ရတဲ့ ပရော့ချက်တစ်ခု ရှိပါတယ်။ အဲဒီ ပရော့ချက်နဲ့တင် ကျွန်တော်တို့အားလုံး အတော့်ကို ပင်ပန်းနေကြပါပြီ။ ညမအိပ်ရတဲ့ ရက်တွေကလည်း လက်ချိုးရေတွက်လို့ မရနိုင်တော့။ ကုန်လိုက်တဲ့ ပိုက်ဆံတွေကလည်း သောက်သောက်လဲ။ အခုလည်းလာပြန်ပြီ။ ပရော့ချက်အသေးစားတဲ့။ အဲဒီ ပရော့ချက်ကအရံသဘောပါတဲ့။ ဘယ်လိုပဲ သေးပါစေ။ ဘယ်လိုပဲ အရေးမကြီးပါစေ။ နောက်ဆုံးတော့လည်း ပိုက်ဆံရာကျော်
ထွက်သွားရချည်းသာပါပဲ။

ပိုပြီးဆိုးတာက ဒီ ပရော့ချက်က တစ်ယောက်တည်း လုပ်လို့မရပါဘူး။ စုပေါင်းလုပ်ရမယ့် ပရော့ချက်ပါ။ ကိုယ့်ရဲ့ အဖော်က အသုံးမကျရင်တော့ သေပြီဆရာ။ အခုလည်းတွဲလုပ်ရမယ့်သူတွေက Interior Design ကျောင်းသားအချင်းချင်းမဟုတ်ကြ။ Drama Department (အကသင်တန်းကျောင်း) က ကျောင်းသားတွေနဲ့ တွဲလုပ်ရမယ်တဲ့။ Interior Design ကျောင်းသားအချင်းချင်းတွေတောင် အတူလုပ်ပြီဆိုတာနဲ့ ဆော်ကြတီးကြသေးတာ။ အခုတော့ ကိုယ်လုံးဝမသိတဲ့ အကသင်တန်းကျောင်းက ကျောင်းသားတွေနဲ့ဆိုတော့ ပိုဆိုးတာပေါ့။ သက်ပြင်းပူပူကို မှုတ်ထုတ်လိုက်ပြီး ကျွန်တော့်အိတ်ကပ်လေးကို အသာစမ်းကြည့်လိုက်တယ်။ ဘာမျှမရှိ။

…………………………………..၊………………………………………….

မနက်၉နာရီအတိဖြစ်တာနဲ့ ကျွန်တော်တို့ရဲ့ အတန်းပိုင်ဆရာမ ရောက်လာပါတယ်။ ဒီနေ့တော့ ဆရာမက တီရှပ်လက်ပြတ်အနီရောင်ကိုယ်ကျပ်လေးကို ၀တ်ထားပြီး ဒူးအတင် ဂျင်းစကပ်တိုလေးဝတ်ထားပါတယ်။ ဖိနပ်ကလည်း လည်ရှည်သားရေ ဒေါက်မြင့်ဖိနပ်နဲ့။ ဆ၇ာမက အခုလာမယ့် ကြာသပတေးနေ့မှာ အကအဖွဲ့တွေ ကျွန်တော်တို့ စာသင်ခန်းကို လာမယ့်အကြောင်း သတိပေးပါတယ်။

ကျွန်တော်တို့ စာသင်ခန်းက စာသင်ခန်းသာဆိုတယ်။ တကယ်တော့ ကျွန်တော်တို့ရဲ့ ဒုတိယအိမ်ပါ။ ကျွန်တော်တို့အားလုံးမှာ ကိုယ်ပိုင်စားပွဲလေးတွေ ရှိကြပါတယ်။ စားပွဲတိုင်းမှာ ကိုယ်နဲ့ဆိုင်တဲ့၊ ကိုယ်သဘောကျတဲ့ ပစ္စည်းလေးတွေ တင်ထားတတ်ကြပါတယ်။ စာသင်ခန်းတစ်ခုလုံးကလည်း ကတ်ထူစက္ကူတွေ၊ သစ်သားစတွေ၊ ပုံဆွဲစက္ကူတွေ၊ မှန်တွေ၊ ပလပ်စတစ်ပြားတွေနဲ့ အမြဲတမ်းရှုပ်ပွနေတတ်ပါတယ်။ ကျွန်တော်တို့က စာသင်ခန်းကို စတူဒီယိုလို့ခေါ်တတ်ကြပါတယ်။ ကျွန်တော်တို့ စတူဒီယိုထဲမှာ အစားအသောက်တွေလည်းရှိတယ်။ အသင့်စားလို့ရနိုင်တဲ့ ခေါက်ဆွဲခြောက်ထုပ်တွေနဲ့ ရေနွေးကြိုတဲ့ စက်လည်းရှိတယ်။ အဲဒါတွေအားလုံးက ကျောင်းကပေးထားတာမဟုတ်။ ကိုယ့်ဘာသာ ၀ယ်ထားကြခြင်းသာ။ ကျွန်တော့်ရဲ့ စီနီယာတွေဆိုရင် ဘီယာဘူးတောင် ဆောင်ထားသေးသည်။ တစ်ချို့ကြတော့လည်း နောက်ဆုံး ပရော့ချက်တင်ရဖို့ နီးလာပြီဆိုရင် ကျောင်းမှာ အိပ်ဖို့အိပ်ယာလိတ်တွေတောင်ွ ယူလာတတ်ကြပါသေးတယ်။

အခုတော့ ရှုတ်ပွနေတဲ့ ကျွန်တော်တို့ စတူဒီယိုကိ်ု အကအဖွဲ့တွေ လာကြမည်တဲ့။ သူတို့တွေက ကျွန်တော်တို့နဲ့ ပရော့ချက်အတူတွဲလုပ်မှာမို့ ပထမဆုံးနေ့မှာ ကောင်းကောင်းဧည့်ခံဖို့ ပြောပါတယ်။ နောက်ပြီး ကိုယ်နဲ့တွဲလုပ်ရမယ့် အဖော်ကိုလည်း အဲဒီနေ့မှာ တခါတည်းရွေးရမှာပါ။ ဒီလိုနဲ့ပဲ ဆရာမက ဘယ်လိုကြိုဆိုမလဲ၊ ကိုယ့်ရဲ့အဖော်ကို ဘယ်လိုရွေးကြမလဲ ကျောင်းသားတွေနဲ့ တိုင်ပင်ပါတယ်။

မက္ကဆီကိုက ကျွန်တော့်ရဲ့ သူငယ်ချင်း ဆူဇန်နာက ရွှေဥာဏ်တော်စူးရှပြီး၊ အကအဖွဲ့ကို ရေခဲမုန့်နဲ့ ဧည့်ခံမယ်တဲ့။ နောက်ပြီး ကျွန်တော်တို့ Interior Design ကျောင်းသားတွေက ရေခဲမုန့်ထည့်မယ့် ခွက်တစ်ခုဆီ ယူလာရမယ်တဲ့။ ရေခဲမုန့်ခွက်တွေအားလုံးကို ရေခဲမုန့်ထည့်၊ အကအဖွဲ့တွေ မလာခင် ရေခဲမုန့်ခွက်တွေကို စားပွဲတစ်နေရာတည်းမှာစုတင်။ ရေခဲမုန့်ခွက်တစ်ခုစီကို ကချေသည်တစ်ယောက်စီက ရွေးယူရမည်ဖြစ်ပြီး၊ အဲဒီခွက်ရဲ့ပိုင်ရှင်က ကချေသည်ရဲ့ အဖော်ပါပဲ။ ဆူဇန်နာ့အကြံလေးက လှပါတယ်။ ဒါပေမယ့် ရေခဲမုန့်လည်းဝယ်ရဦးမယ်၊ ရေခဲမုန့်ထည့်တဲ့ခွက်လည်း ရှာရဦးမယ်ဆိုတော့ ကျွန်တော့်ရဲ့ အိတ်ပါးလေးကို ရောင်ရမ်းပြီး ဒုတိယအကြိမ် စမ်းလိုက်မိပါသေးတယ်။

……………………………………………၊…………………………………..

ကြသပတေးနေ့ရောက်တော့ ရေခဲမုန့်ထည့်ထားတဲ့ ခွက်ကလေးတွေက စားပွဲပေါ်မှာ စီစီရီရီ။ တစ်ချို့ခွက်ကလေးတွေက လည်ရှည်လေးတွေ။ တစ်ချို့ခွက်ကလေးတွေက ပုတက်တက်လေး။ တစ်ချို့ကြပြန်တော့လည်း ပိစိလေး။ ကျွန်တော့်ခွက်ကလေးက ဘာမှ မထူးခြား။ ရိုးရိုးသာမန် ပလပ်စတစ်ခွက်ကလေး တစ်ခုသာ။ ကိုယ့်ခွက်ကလေး ကိုယ်ကြည့်ပြီး အားငယ်သွားမိတာအမှန်။

ဒီလိုနဲ့ပဲ အကအဖွဲ့တွေ ရောက်လာပြီး တစ်ယောက်နဲ့တစ်ယောက် မိတ်ဆက်ကြကာ စားပွဲပေါ်မှာ စုတင်ထားတဲ့ ရေခဲမုန့်ခွက်ကလေးတွေကို တစ်ယောက်ပြီးတစ်ယောက် ထယူကြသည်။ လက်တစ်မျိုးပြီး တစ်မျိုးသာ စားပွဲပေါ်ရောက်လာတယ်၊ ကျွန်တော့်ရေခဲမုန့်ခွက်ကလေးက နေရာမယွင်းသေး။ နောက်တော့မှ တရုတ်မလေးတစ်ယောက်က ကျွန်တော့်ခွက်ကလေးကို လှမ်းယူလိုက်တော့မှ သက်ပြင်းချနိုင်တော့သည်။ စားပွဲပေါ်မှာ နေက်ဆုံးကျန်ခဲ့တဲ့ခွက်က ကိုယ့်ခွက်မဟုတ်တော့ တော်သေးတာပေါ့။

နောက်တော့ ကျောင်းသားတွေအားလုံး မိမိခွက်ကိုင်ထားတဲ့ ကချေသည်ရှိရာသွား။ မိတ်ဆက်ကြ။ စကားတွေ ပြောကြပါတယ်။ ကျွန်တော်လည်း ကျွန်တော့်ရေခဲမုန့်ခွက်လေးကို ကိုင်ထားတဲ့ ကောင်မလေးဆီသွားပြီးနှုတ်ဆက်လိုက်ပါတယ်။ သူ့နာမည်က ရို့စ်တဲ့။ သူ့ပုံစံက အူတူတူ အတတ။ သူနဲ့စကားပြောလိုက်တဲ့အချိန်မှာ ကျွန်တော် တော်တော်စိတ်ပျက်သွားပါတယ်။ ပြည်ကြီးတရုတ်မ ဖြစ်နေလို့ပါပဲ။ ပြည်ကြီးတရုတ်ဆိုတဲ့အတိုင်း အင်္ဂလိပ်စကားကို ကျွန်တော့်လောက်တောင် ထမင်းရေသောက် မပြောတတ်ပါဘူး။ တရုတ်အချင်းချင်းတွေ့ရင်တော့ အိညှောင်ကွညှက်နဲ့ နှာသံဖြင့် အာကျယ်အာကျယ် ပြောတတ်သလောက် ကျွန်တော်နဲ့ စကားပြောရင်တော့ အသံက လျှာမှာ ကပ်နေသလိုနဲ့ တစ်လုံးမှ ထွက်မလာတော့ပါဘူး။ မျက်စိပေကလက် ပေကလက်နဲ့ ကျွန်တော့်စားပွဲပေါ်က ပုံစံသေးသေးလေးတွေ (Model)နဲ့ ကစားနေလိုက်ပါသေးတယ်။

တစ်ယောက် Idea တစ်ယောက်ဖလှယ်ကြတော့ သူပြောတဲ့ Ideaတွေက ကလေးကလား။ ဘာဆိုဘာမှ သုံးလို့မရ။ ကျွန်တော်လည်းခေါင်းတောက်အောင် စဥ်းစားလည်း ထွက်မလာ။ နှစ်ယောက်စလုံး သဘောတူလိုက်ကြတာက အတန်းဖော်တွေ အကုန်လုံးကို ရှော့ခ်ဖြစ်အောင် လုပ်မယ်ဆိုပြီး “Shocking”လို့ နာမည်ပေးလိုက်ပါတယ်။
……………………………….။……………………………………

နောက်တစ်နေ့ကြတော့ ဆရာမနဲ့ ပရော့ဂျက်အကြောင်း ဆွေးနွေးတော့ ကျွန်တော်တို့ လုပ်မယ့် Performanceကို သဘောမကျပါဘူး။ ထပ်ပြီးလေ့လာခိုင်းပါတယ်။ ကျွန်တော်လည်းထပ်ပြီး လေ့လာရဦးမယ်ဆိုလို့ စိတ်ညစ်သွားပါတယ်။ ညနေ၅နာရီခွဲအထိ ဘာတွေရှာဖွေလို့ ရှာရမှန်းမသိ။ နာရီကြည့်လိုက်တော့ အချိန်ပိုင်းအလုပ်ကို ပြေးဖို့ ကပ်နေပြီ။ ဒီလိုနဲ့ပဲ ၀ရောသောပါးနဲ့ အလုပ်ကို ပြေးရပြန်ရော။ ကျွန်တော်က စားသောက်ဆိုင် အအေးကောင်တာမှာ လုပ်ရတော့ တစ်နေကုန် အအေးဗူးတွေ ဘီယာပုလင်းတွေနဲ့ ထိတွေ့နေရတတ်ပါတယ်။

လူကအလုပ်သာ လုပ်နေတယ်။ အလုပ်ထဲမှာ စိတ်က၀င်စားမှု မရှိပါဘူး။စိတ်က စတူဒီယိုထဲ ပြန်ပြန်သွားနေလို့ မနည်းဆွဲထားရတယ်။ ကျွန်တော်တို့ စတူဒီယိုထဲမှာ ကျောင်းသားအချင်းချင်း အရမ်းပြိုင်ကြပါတယ်။ ပြိုင်လည်းပြိုင်ချင်စရာကိုး။ ပရော့ချက်တင်မယ့်နေ့မှာ ပရော့ချက်တွေ တန်းစီပြရတယ်လေ။ အဲဒါမို့လို့ ဘယ်သူညံ့တယ်၊ ဘယ်သူ့ဟာ အကောင်းဆုံးဆိုတာ တမ်းပေါ်တယ်လေ။ ပရော့ချက်ကောင်းဖို့ဆိုရင် Ideaကောင်းဖို့လိုပါသေးတယ်။ အခုပရော့ချက်အတွက် ကျွန်တော် ဘာIdeaမှ မရသေး။

ပရော့ချက်အကြောင်းစဉ်းစားရင်း လူနဲ့စိတ်ကွာသွားချိန်မှာ လက်ထဲမှာ ကိုင်ထားတဲ့ ဘီယာပုလင်းက ဒုံးကနဲ အောက်ကို ပြုတ်ကျသွားတယ်။ ကွဲတော့မကွဲသွားဘူး။ ဒါပေမယ့် တမံတလင်းနဲ့ ဘီယာပုလင်းတို့ ထိလိုက်တဲ့အချိန်မှာ….. ကျွန်တော့်ခေါင်းထဲမှာ ဒက်ခနဲ အကြံရလိုက်တယ်။ ကျွန်တော့်စိတ်ကူးထဲမှာ ဘီယာပုလင်းခွံတွေ တစ်လုံးပြီးတစ်လုံး ကျကွဲနေပြီး…. စူးရှချွန်မြနေတဲ့ ဘီယာပုလင်းကွဲတွေကြားမှာ….. ကျွန်တော့်ရဲ့ ကချေသည်တရုတ်မလေးတစ်ယောက်…………………………..။ ။
(သရုပ်ဖော်ပုံ ကိုယ်တိုင်ဆွဲ၏)

ဆက်ပါဦးမည်။