အချစ်ကိုရုးသွပ်ကြသူများအကြောင်း (၂)

အတွေ့... သတိ (Lust, Caution 2007)

Lust, Caution ရုပ်ရှင်သည် ၁၉၇၉ခုနှစ်က တရုတ်စာရေးဆရာမ Eileen Chang ရေးသားခဲ့သော ၀တ္ထုကို အခြေခံထားခြင်းဖြစ်သည်။ ၁၉၄၂တွင် ရှန်ဟိုင်းမြို့ကို ဂျပန်တွေသိမ်းပိုက်ထားစဉ်ကာလက တက္ကသိုလ်ကျောင်းသားတစ်စုက ဂျပန်အလိုတော်ရိတစ်ယောက်ကို လှပချောမောသော မိန်းကလေးတစ်ယောက်ဖြင့် ထောင်ချောက်ဆင်ကာ သက်ရန်ကြိုးပမ်းသော ဇာတ်လမ်းဖြစ်သည်။ ထိုရုပ်ရှင်ကို crouching tiger hidden dragon နှင့် Brokeback Mountain ရိုက်ကူးသော ထိုင်ဝမ်လူမျိုး ဒါရိုက်တာအန်းလီက ရိုက်ကူးထားပြီး ဟောင်ကောင်နာမည်ကြီးမင်းသား Tony Leung Chiu-Wai, Lee Hom နှင့် Tang Wei တို့က အဓိကထား သရုပ်ဆောင်ထားကြသည်။ ထိုရုပ်ရှင်ကားသည် ဒါရိုက်တာ၏ အသေးစိတ်ဖော်ပြနိုင်မှု၊ လှပကဗျာဆန်သော အလင်းအရောင်၊ အရှေ့တိုင်းဆန်သော နောက်ခံတေးဂီတ၊ စသည်တို့ကြောင့် လူကြိုက်များသော ရုင်ရှင်ကားတစ်ကားဖြစ်ခဲ့သည်။ ပို၍ နာမည်ကြီးစေသောအရာမှာ များပြားလှသော လွိင်ဆက်ဆံခန်းများကြောင့်ပင် ဖြစ်သည်။

Lust, Caution ရုံတင်ခြင်းမပြုခင်ကပင် ဒါရိုက်တာအန်းလီတစ်ယောက် ရုပ်ရှင်ဆင်ဆာအဖွဲ့နှင့် အကြိတ်အနယ်တိုက်ခိုက်ခဲ့ရသည်။ သူ၏sex sceneများမှာ အလွန်ပင်အသေးစိတ်ကျပြီး အပြာကားများနီးပါးဖြစ်သောကြောင့် ဆငိဆာဖြတ်ခြင်းခံခဲ့ရသည်။ သို့သော်လည်း Sex Sceneများသည် ဇာတ်လမ်း၏အသက်ဖြစ်သောကြောင့် လည်းကောင်း၊ ဇာတ်ကောင်များ၏ သဘာဝကို ဖော်ပြရာတွင်လည်းကောင်း အရေးပါသောကြောင့် ဆင်ဆာဖြတ်တောက်ခြင်းမခံရဘဲ R-rated Movie အဖြစ် သတ်မှတ်ခံရပြီး ရုံတင်ခွင့်ပြုခဲ့သည်။

Singaporeတွင် Lust, Caution ရုံတင်သောအခါ လူအများကြည့်နိုင်ရန်အတွက် M-16 အဖြစ် သတ်မှတ်ပြီး sex scene တော်တော်များများကို ဆင်ဆာဖြတ်ခဲ့သေးသည်။ ထို့ကြောင့် ရုပ်ရှင်ကြည့်ပရိသတ်များက သတင်းစာများ၊ ဂျာနယ်များမှတဆင့် ရုပ်ရှင်ဆင်ဆာအဖွဲ့ကို ဆန့်ကျင်အပြစ်တင်ခဲ့ကြသည်။ မကြာမီမှာ ထိုရုပ်ရှင်ကိုပင် နဂိုမူလအတိုင်း ဆင်ဆာမဖြတ်ဘဲ R-21 ဟုသတ်မှတ်ပြီး ပြန်လည် ရုံတင်ပြခဲ့ရသည်။

Lust, Caution သည် မိခင်နိုင်ငံထိုင်ဝမ်တွင် အကောင်းဆုံးရုပ်ရှင်ဆု အပါအ၀င် အကယ်ဒမီဆုများစွာ ရရှိခဲ့သည်။ ထို့အပြင် ဗင်းနစ်ရုပ်ရှင်ပွဲတွင်လည်း ရွှေခြင်္သေ့ဆု ရရှိခဲ့သေးသည်။ သို့သော် Oscarဆုပေးပွဲတွင် The Best Foreign Film Awardနှင့် မမျှော်လင့်ဘဲ လွဲခဲ့ရသည်။ အဘယ့်ကြောင့်ဆိုသော် ထိုရုပ်ရှင်ကားတွင် ပါဝင်သရုပ်ဆောင်ကြသူ အများစုမှာ ထိုင်ဝမ်လူမျိုးများမဟုတ်ဘဲ တရုတ်ပြည်မကြီးနှင့် အမေရိကန်မှ သရုပ်ဆောင်များပါဝင်နေသောကြောင့် ဖြစ်သည်။

ဤရုပ်ရှင်ဇာတ်လမ်းမှာ သာမန်ဖျော်ဖြေမှုသတ်သတ်သာမကဘဲ လူတစ်ယောက်၏ ရိုးစင်းစွာ ချစ်နိုင်ခွင့်ကို လှပစွာဖော်ကြူးသွားခဲ့သည်။ တကယ့်အချစ်မှာ နိုင်ငံရေးမပါ၊ ဦးတည်ချက်မပါ၊ အချစ်သည်သာ အချစ်ဖြစ်၏ဟု လွတ်လပ်ပေါ့ပါးစွာ ခံယူထားသူများအတွက် လက်မလွှတ်သင့်သော ဇာတ်ကားတစ်ကားဖြစ်ပါတော့သည်။ ။

(ဤရုပ်ရှင်ဇာတ်လမ်းအကျဉ်းချုပ်မှာ မည်သည့်နေရာမှ ဘာသာပြန်ထားခြင်းမဟုတ်ပါ။ အဓိကဇာတ်ကောင်အမျိုးသမီးနေရာတွင် ခံစားပြီး ရေးဖွဲ့ထားခြင်းသာ ဖြစ်ပါသည်။)


၁၉၄၀ ရှန်ဟိုင်းမြို့ ဂျပန်လက်အောက်ကျရောက်နေချိန်.......

လန်ချားများ၊ ကားများ၊ လူများဖြင့် ရှုပ်ရှက်ခက်နေသော လမ်းမပေါ်မှာ ကျွန်မ ခဏရပ်လိုက်ပြီး ဟိုဟိုဒီဒီ ကြည့်လိုက်ပါတယ်။ တစ်ခါတစ်လေ လူချမ်းသာတွေ မျက်နှာဖြူတွေ ထောက်လှမ်းရေးတွေ ခြေချင်းလိမ်နေတဲ့ ဒီလိုနေရာမျိုးမှာ ကျွန်မအတွက် သတိဆိုတာ ပိုတယ်လို့မရှိပါဘူး။ ကျွန်မလမ်းတစ်ဖက်က မျက်နှာဖြူတွေ ဖွင့်ထားတဲ့ ကော်ဖီဆိုင်လေးတစ်ဆိုင်သို့ ၀င်လိုက်ပြီး ကော်ဖီတစ်ခွက်မှာလိုက်တယ်။ ကော်ဖီမှာပြီးသောအခါ စားပွဲထိုးလေးဆီမှာ ခွင့်တောင်းပြီး တစ်ယောက်ယောက်ဆီ ဖုန်းဆက်လိုက်ပါတယ်။ တစ်ဖက်မှ ဖုန်းလာကိုင်သောအခါ ကျွန်မတို့ခြင်းသာ နားလည်သော စကားဝှက်ဖြင့် လုပ်ကြံမှုစတင်နိုင်ပြီ ဖြစ်ကြောင်း အချက်ပေးလိုက်တယ်။ ကျွန်မအချက်ပေးပြီးသောအခါ တစ်ဖက်မှ လူတွေအားလုံး သေနက်တွေ ဓါးတွေထုတ်လိုက်ပြီး ပစ်ကွင်းကိုဝင်လာမည့် သားကောင်ကို အမှည့်ခြွေကြဖို့ အဆင်သင့်ပြင်လိုက်ကြတယ်။ ကျွန်မလည်း စားပွဲတွင် ပြန်ထိုင်ကာ ကော်ဖီပူပူလေးတစ်ခွက်ကို ငုံ့သောက်လိုက်ပြီး ကြည်လင်သော ပြတင်းမှန်မှတစ်ဆင့် အပြင်ကို ငေးကြည့်လိုက်တယ်။ မှန်ပြတင်းရဲ့ ဟိုဘက်ခြမ်းမှာတော့ မရပ်မနားသွားလာလှုပ်ရှားနေတဲ့လူတွေ၊ လမ်းသွားလမ်းလာတွေကို မျက်တောင်မခတ် စောင့်ကြည့်နေတဲ့ရဲတွေ ကျွန်မမြင်နေရတယ်။ ထိုလူတွေရဲ့ မရပ်မနား ခြေလှမ်းတွေနှင့်အတူ ကျွန်မရဲ့စိတ်တွေကလည်း လွန်ခဲ့သော သုံးနှစ်က ဟောင်ကောင်မြို့လေးဆီသို့ ခြေဦးလှည့်လိုက်ပါတယ်။ အဲဒီအချိန်တုန်းက ကျွန်မက အလွန်တရာပဲ အရှက်အကြောက်ကြီးတဲ့ ရိုးသားဖြူစင်တဲ့ ကျောင်းသူတစ်ဦးပေါ့…….။

----------------------------------။---------------------------------

ကျောင်းဖွင့်ကာစမှာတော့ ကျွန်မရဲ့သူငယ်ချင်း လိုင်ရှုကျီရဲ့ မိတ်ဆက်ပေးမှု့ကြောင့် အရပ်မြင့်မြင့် အပြုံးချိုချိုနဲ့ စိတ်ဝင်စားစရာကောင်းတဲ့ လူတစ်ယောက်နဲ့ ခင်မင်ရင်းနှီးခွင့်ရခဲ့တယ်။ သူ့နာမည်က ခွန်ယုမင်တဲ့…။ နောက်တော့ သူတို့ ယောက်ျားလေး လေးယောက်နှင့် ကျွန်မတို့ မိန်းကလေး နှစ်ယောက်တို့ တစ်အုပ်စုတည်း ဖြစ်လာကြပြီး၊ သူတို့တွေရဲ့ တော်လှန်ရေး လှုပ်ရှားမှုတွေကြားမှာ ကျွန်မ မသိမသာ ပါဝင်လာခဲ့တယ်။ အဲဒီအချိန်တုန်းက တရုတ်ပြည်ကို ရန်စလာတဲ့ ဂျပန်တွေရဲ့ ရန်ကို ခုခံတွန်းလှန်ဖို့ ကျောင်းသားလူငယ်တွေက လှုံ့ဆော်နေချိန်လေ။ ကျွန်မတို့တတွေလည်း ကိုယ်တတ်နိုင်သလောက် လူထုကိုနိုးကြားတက်ကြွစေဖို့ တော်လှန်ရေးနဲ့ ပါတ်သတ်သော ပြဇာတ်တွေ ကပြရင်း တစ်ဖက်တစ်လမ်းက ပါဝင်ခဲ့ကြတယ်။ အဲဒီလို ပါဝင်မိခဲ့ခြင်းက ကျွန်မတို့ရဲ့ လျှို့ဝှတ်သည်းဖို လုပ်ကြံမှုကြီးရဲ့ အစလို့ ဆိုနိုင်ပါတယ်။



တစ်နေ့မှာတော့ ကျွန်မတို့သူငယ်ချင်းတွေ ဆုံနေကြ ကဇာတ်ရုံကိုရောက်သွားချိန်မှာ သူတို့အားလုံး ရောက်နေကြပါပြီ။ သူတို့အားလုံး တစ်ခုခုကို အလေးအနက် တိုင်ပင်နေကြတယ်။ ခွန်ယုမင် ကိုကြည့်လိုက်တော့ သူရင်ထဲမှာ တော်လှန်ရေးအတွက် အားအပြည့်။ သူတို့တိုင်ပင်နေတဲ့ အကြောင်းအရာကို ကျွန်မသိသွားတဲ့ အခါ ရုတ်တရက် မင်သက်သွားမိတယ်။ အားလုံးက တစ်စိတ်တစ်ဝမ်းတည်း ပါဝင်ကြဖို့ ဆုံးဖြတ်လိုက်ချိန်မှာ ကျွန်မတွေဝေနေမိခဲ့တယ်။ အဲဒီအခါကျတော့ ခွန်ယုမင် က ကျွန်မကိုပြောတယ်။ သူဘယ်သူကိုမှ အတင်းအကျပ် မတိုက်တွန်းပါဘူးတဲ့။ ကျွန်မ ဘာဆက်လုပ်ရမလဲ….။ ကျွန်မကို စိုက်ကြည့်နေတဲ့ မျှော်လင့်ချက်တွေ ပြည့်နေတဲ့ သူ့မျက်ဝန်းတွေကြောင့်လား…..။ ဒါမှမဟုတ် ကျွန်မရင်ထဲက တက်ကြွနေတဲ့ တော်လှန်ရေး စိတ်ဓါတ်တွေကြောင့်လား…။ ကျွန်မဘာဆို ဘာမှမသိတော့ဘူး။ နောက်ဆုံးတော့ ကျွန်မခေါင်းညိတ်မိလိုက်တယ်။ ကျွန်မတို့အားလုံး နိုင်ငံ့သစ္စာဖေါက် ဂျပန်အလိုတော်ရိ မစ္စတာရီ ဆိုတဲ့လူကို ကျွန်မတို့မြေပေါ်က အပြီးသတ် ချေမှုန်းပစ်ရမယ်။

----------------------------------။---------------------------------

သိပ်မကြာခင်မှာပဲ ကျွန်မတို့တတွေ မစ္စတာရီရဲ့ အနားကိုကပ်နိုင်ဖို့ နည်းအမျိုးမျိုးဖြင့် ကြိုးစားကြရတယ်။ မထင်မှတ်ဘဲ ဒီလုပ်ကြံမှုအတွက် ကျွန်မက အခရာဖြစ်လာတော့တာပဲ။ ငြင်းဆန်မရတော့တဲ့ အဖွဲ့ရဲ့ ဆုံးဖြတ်မှုကြောင့် မစ္စတာရီကိုမြူဆွယ်ပြီး လုပ်ကြံမည့် နေရာကို မြှားခေါ်ရမယ်။ တကယ်လို့သာ ကျွန်မသာ နောင်ဘာဖြစ်မလဲဆိုတာ ကြိုပြိးသိခဲ့မယ်ဆိုရင် ဒီလုပ်ကြံမှုကြီးမှာ ပါဝင်မိမှာမဟုတ်ဘူး။ ဒါပေမယ့် တကယ်တမ်း သတိထားမိတဲ့အချိန်မှာ အားလုံးက လွန်ခဲ့ပြီ….။


ကျွန်မနင့် မစ္စတာရီရဲ့ခင်မင်မှုကို တဖြေးဖြေးနှင့် တည်ဆောက်ပြီးတဲ့အခါမှာ တစ်နေ့တော့ ကျွန်မတို့တတွေ သူဌေးအဖြစ်အယောင်ဆောင်ငှားနေတဲ့ အိမ်အထိ သူ့ကိုခေါ်လာနိုင်ခဲ့သေးတယ်။ ဒါပေမယ့် အမြဲတမ်းသတိရှိနေတဲ့ မစ္စတာရီ က အိမ်အ၀အထိပဲ ကျွန်မကို လိုက်ပို့ပေးပြီး အိမ်အထဲအထိမ၀င်ခဲ့ဘူး။ ကျွန်မ သော့ဖွင့်ပြီးဝင်လိုက်ချိန်မှာ တံခါးဝနားမှာ ခွန်ယုမင်က သေနတ်ကြီးနဲ့ရွယ်လို့။ လင်းဝမ်က ၀က်သားခုတ်တဲ့ ဓါးကြီးကို ကိုင်လို့။ အမူအရာပျက်နေတဲ့ သူတို့ဟန်ပန်တွေဟာ ရယ်စရာကောင်းခဲ့ပေမယ့် ကျွန်မ မရယ်နိုင်ခဲ့ပါဘူး။ ဒီလူ့ကိုသတ်ဖို့ ဟန်ဆောင်နေရတဲ့ ဘ၀ကို ကျွန်မ ပင်ပန်းလာတယ်။ ဒါပေမယ့် အဲ့ဒီဟန်ဆောင်မှုက ဒီနေရာမှာ ရပ်မနေပါဘူး။ (video clip 2)

အဲ့ဒီညနေခင်းမှာပဲ ကျွန်မတို့တတွေစုပြိး ဘာဆက်လုပ်ရမလဲဆိုတာ တိုင်ပင်ကြတယ်။ မစ္စတာရီ ကိုဆွဲဆောင်နိုင်ဖို့ ဒီထက်မက ကြိုးစားရမယ်ဆိုတဲ့ အကြောင်းပေါ့။ ကျွန်မ ခွန်ယုမင်ကို ကြည့်ပြီး ပြောလိုက်တယ်။ တကယ်လို့ ရိုးရိုးသာ ဆွဲဆောင်နေရုံနဲ့ မလုံလောက်သေးရင်တော့ ကျွန်မသူ့ရဲ့ အငယ်အနှာင်း လုပ်သင့်ရင် လုပ်ရမယ်ပေါ့။ အဲဒိလိုပြောလိုက်တော့ ခွန်ယုမင်က ဘာမှပြန်မပြောဘူး။ စကားဝိုင်းထဲကနေ ဆတ်ခနဲထပြီး ၀ရန်တာမှာ ဆေးလိပ်သွားသောက်တယ်။ သူထွက်သွားတော့ ကျန်တဲ့ယောကျာ်းလေးတွေအားလုံး သူနောက်လိုက်သွားတယ်။ ကျွန်မရယ် ရှုကျိရယ် နှစ်ယောက်တည်း ဧည့်ခန်းထဲမှာ ကျန်ခဲ့တယ်။ အဲဒီအချိန်ကျတော့မှ ရှုကျီက “တကယ်လို့ နင် ယောက်ျားတွေနှင့် ဆက်ဆံရရင် ဘယ်လိုလုပ်မလဲ” လို့မေးတယ်။ တကယ်တော့ ဒီကိစ္စကို ကျွန်မမသိခင်ကတည်းက သူတို့အားလုံးက ဆွေးနွေးပြီးကြပါပြီ။ ရှုကျီရဲ့ မေးခွန်းနောက်ကွယ်မှာ ကျွန်မ ဘာဆက်လုပ်ရမလဲဆိုတာသိလိုက်တယ်။ကျွန်မ ၀ရန်တာမှာ ရှိနေတဲ့ ယောက်ျားလေးယောက်စလုံးကို ကြည့်လိုက်တယ်။ ခွန်ယုမင်ကိုကြည့်လိုက်တော့ ကျွန်မကိုကြည့်မနေဘူး။ မျက်နှာတစ်ဖက်လွှဲသွားပြီး စီးကရက်ကိုသာ ဖိသောက်နေတယ်။ ကျွန်မ ရှုကျီကို မေးလိုက်တယ်။ အဲဒီလေးယောက်ထဲက ဘယ်သူနဲ့လဲလို့။ ရှုကျီက ကျွန်မတို့အဖွဲ့ထဲမှာ ဟောင်လန်းတစ်ယောက်ပဲ မိန်းမအတွေ့အကြုံရှိတယ်တဲ့။ ကျွန်မက မကောင်းတဲ့မိန်းမတွေနဲ့လားလို့ မေးလိုက်တော့ သူမကဖြေးလေးစွာ ခေါင်းညိတ်ပြတယ်။ ကျွန်မ ထိုင်ခုံကထလိုက်ပြီး ဖန်ခွက်ထဲမှာကျန်တဲ့ လက်ကျန်ဝိုင်ကို အပြီးရှင်းလိုက်တယ်။ ဒီတော်လှန်ရေးအတွက် ကျွန်မရဲ့ စိတ်ကိုနှစ်ထားမှတော့….. ကျွန်မရဲ့ ခနာကိုယ်ကရော… တခြားသာမန်မိန်းမတွေလို စောင့်ထိန်းရဦးမှာတဲ့လား။ ကျွန်မ အိပ်ခန်းထဲကနေ ဟောင်လန်းကို စောင့်နေရုံကလွဲလို့ တခြားရွေးချယ်စရာလမ်းမှ မရှိတာ။ တကယ်လို့သာ ကျွန်မ ထိုသူငယ်ချင်းလေးယောက်ထဲက တစ်ယောက်ယောက်ကိုသာ ရွေးချယ်နိုင်ခွင့်…. ရွေးချယ်ပိုင်ခွင့် ရှိခဲ့မယ်ဆိုရင်……..။

----------------------------------။---------------------------------

ဒီလိုနဲ့ပဲ အိပ်မက်ဆိုးလို ညတစ်ညကို ဖြတ်သန်းခဲ့ပြီး နောက်တစ်နေ့ မနက်ရောက်တော့  မစ္စတာရီရဲ့မိန်းမဆီက ဖုန်းလာတယ်။ ဖုန်းပြောအပြီးမှာတော့ ကျွန်မတို့အားလုံး ဘာမှစကားမပြောနိုင်ကြတော့ပါဘူး။ ဘာဖြစ်လို့လဲဆိုတော့ မစ္စတာရီ တို့ အခုနေနေတဲ့ ဟောင်ကောင်ကနေ ရှန်ဟိုင်းကို ပြောင်းကြတော့မယ် ဆိုတဲ့သတင်းပါပဲ။ အဲဒီသတင်းကြားပြီးတဲ့အခါကျတော့ ကျွန်မရဲ့ပေးဆပ်မှု၊ ကျွန်မတို့အဖွဲ့ရဲ့ ကြိုးပမ်းမှုတွေဟာ နိတ္တိတန်သွားပြီလို့ထင်ခဲ့တယ်။

အဲသည်ညနေမှာပဲ ကျွန်မတို့ငှားထားတဲ့အိမ်ကို ပြန်အပ်ဖို့ ရှိသမျှပစ္စည်းတွေကို သိမ်းကြတယ်။ ပန်းကန်ခွက်ယောက်တွေအားလုံးကို သတင်းစာစက္ကူတွေဖြင့် ပြန်ပတ်ကြတယ်။ အဲဒီအချိန်မှာပဲ လူတစ်ယောက် ကျွန်မတို့ဆီ မထင်မှတ်ပဲ ရောက်လာတယ်။ ထိုလူက မစ္စတာရီရဲ့လက်အောက်မှာ အလုပ်လုပ်တဲ့ လူပါပဲ။ ထိုလူက ကျွန်မတို့ရဲ့ လှုပ်ရှားမှုတွေကို အစကတည်းက သံသယရှိပြီး စောင့်ကြည်နေတဲ့သူပါ။ ကျွန်မတို့ရဲ့ ရည်ရွယ်ချက်ကို သိသွားပြီး ကျွန်မတို့ဆီက တစ်ခုခုကို ညှစ်ယူဖို့ကြိုးစားတော့တယ်။ ထိုအခါ ဒေါသထွက်နေတဲ့ ခွန်ယုမင်က လက်ထဲမှာရှိတဲ့ဓါးဖြင့် အချက်ပေါင်းများစွာ ထိုးသတ်လိုက်တယ်။ ထိုးကြ၊သတ်ကြတာကို မျက်ဝါးထင်ထင်မြင်လိုက်ရပြီးနောက် ကျွန်မအရမ်းကို တုန်လှုပ်သွားတယ်။ ကျွန်မရင်ထဲမှာ ဘာဆိုဘာမှ မကျန်ခဲ့ဘူး။ အားလုံးကဗလာ။ ကျွန်မလည်း သေသွားတဲ့လူရဲ့အလောင်းကို ခွကျော်ပြီး အိမ်အပြင်ဘက်ကို ပြေးထွက်လာခဲ့တယ်။ အပြင်မှာ မှောင်လို့….။ မည်းလို့…..။ တိတ်ဆိတ်လို့……။

----------------------------------။---------------------------------

ထိုနေ့ည အဖြစ်အပျက်တွေနောက်ပိုင်းမှာ ကျွန်မဘယ်သူနဲ့မှ အဆက်အသွယ် မလုပ်ဖြစ်တော့ပါဘူး။ ကျွန်မ အဒေါ်ရဲ့ အိမ်မှာနေရင်း ကျောင်းတက်လိုက်၊ ရုပ်ရှင်ကြည့်လိုက်ဖြင့် ကျွန်မတစ်ယောက်တည်း သုံးနှစ်လုံးလုံး အချိန်ကုန်စေခဲ့ပါတယ်။ ဒါပေမယ့် တစ်နေ့မှာတော ခွန်ယုမင်က ကျွန်မ ရှောင်ပုန်းနေတဲ့ နေရာကို ရှာတွေ့သွားပါတော့တယ်။ ဒီတစ်ခါတော့ အရင်တစ်ခါ ကျောင်းသားဘ၀တုန်းကလို ကလေးဆန်ဆန် မလုပ်တော့ပဲ ကျွန်မတို့ကို ပံ့ပိုးပေးမယ့် တော်လှန်ရေး အဖွဲ့အစည်းတစ်ခုဖြင့် ချိတ်ဆက်ထားကြောင်း ကျွန်မကိုပြောပြပါတယ်။ ဒီလိုနဲ့ပဲ ကျွန်မလည်း ထိုအဖွဲ့အစည်းဖြင့် ချိတ်ဆက်မိသွားပြီး မပြီးသေးတဲ့ မစ္စတာရီ လုပ်ကြံမှုကို ပြန်လည်အသက်သွင်းခဲ့မိပါတော့တယ်။

ဒီတစ်ကြိမ် မစ္စတာရီ ကိုချည်းကပ်ရတာ အရင်တစ်ခါလိုတော့ မခက်ခဲတော့ပါဘူး။ ကျွန်မကံကောင်းတာကတော့ မစ္စတာရီ ရဲ့အိမ်မှာ ဧည့်သည်အဖြစ်နေခွင့်ရခဲ့ပြီင်္း သူနှင့်နီးစပ်အောင် ပိုပြီးဖန်တီးယူနိုင်ခဲ့ပါတယ်။ တစ်ရက်တော့ မစ္စတာရီ ရဲ့ အမျိုးသမီးဆီမှာ ၇ုပ်ရှင်ကြည့်ဖို့ အကြောင်းပြပြီး ကျွန်မအပြင်ထွက်ခဲ့တယ်။ အဲဒီနေ့က မိုးကသည်းသည်းမည်းမည်းမရွာပေမယ့် တစိမ့်စိမ့်နဲ့လေ။ မစ္စတာရီ ရဲ့ ဒရိုက်ဘာက ကျွန်မကို ရုပ်ရှင်ရုံဆီ ခေါ်မသွားဘဲ ကျွန်မ မရောက်ဘူးတဲ့ နေရာတစ်ခုက တိုက်ခန်းတစ်ခန်းဆီကို ခေါ်သွားပါတယ်။ အဲ့ဒီအိမ်ရှေ့ရောက်တော့ ဒရိုင်ဘာက အိမ်ထဲအထိလိုက်မပို့ပေးပဲ ကျွန်မကို စာအိတ်လေးတစ်အိတ် ထုတ်ပေးပါတယ်။ စာအိတ်ထဲမှာတော့ သော့တစ်ချောင်း။ အိမ်ထဲမှာ ဘယ်သူမှမတွေ့ရဘူး။ လူမနေတာကြာပြီထင်ရတဲ့ ဒီအိမ်ထဲမှာ ဖုန်မှုန့်တွေက အလိမ်းလိမ်းပါပဲ။ ကျွန်မ မထင်မှတ်ပဲ မစ္စတာရီ ကို ပြူတင်းမှန်ကတစ်ဆင့် တွေ့လိုက်ရချိန်မှာ အရမ်းတုန်လှုပ်သွားမိတယ်။ ဒီအခြေအနေကို တွေ့ရမယ်ဆိုတာ ကြိုတင်ခန့်မှန်းခဲ့ပေမယ့် တကယ်တန်းကြုံကြိုက်ရတဲ့ အချိန်မှာ ကျွန်မသွေးပျက်မိတာ အမှန်ပါ။ မစ္စတာရီကို သိမ်မွေ့စွာ ကျွန်မသိမ်းသွင်းဖို့ကြိုးစားပေမယ့် ဖြန်းကနဲ မြည်သံနဲ့အတူ ကျွန်မမျက်နှာတစ်ခုလုံး ထူပူသွားတယ်။ အဲ့ဒီနောက်တော့ သူ့ရဲ့ကြမ်းတမ်းတဲ့လက်တွေ၊ သူ့ရဲ့အားအပြည့်နဲ့ လက်ချောင်းတွေကြားမှာ ကျွန်မရဲ့ အင်္ကျီစက တစ်စစီဖြစ်သွားတယ်။ အားအပြည့်နဲ့ တွန်းလှဲလိုက်တဲ့အချိန်မှာ ကျွန်မခုတင်ပေါ်ကို ၀မ်းလျားမှောက် လဲကျသွားတယ်။ ကျွန်မရဲ့ လက်နှစ်ဘက်ကို နောက်ပြန်လိမ်လိုက်ပြီး သူ့ရဲ့ခါးပတ်ကြိုးနဲ့ တင်းတင်းကြပ်ကြပ်ချည်လိုက်တယ်။ နောက်တော့...ပူနွေးတင်းကြပ်မှုနဲ့အတူ နာကျင်မှု.... ကျွန်မ မျက်လုံးတွေကို စုံမှိတ်လိုက်ပါတော့တယ်။




(video clip1) ကျွန်မသူ့ရဲ့ အိမ်ကိုရောက်ပြီး လေးရက်လောက် မစ္စတာရီကို အိမ်မှာမတွေ့ရဖူး။ သူ့ရဲ့ အိမ်စေကို မေးကြည့်တော့လည်း ခရီးထွက်သွားတယ်လို့သာ သိရတယ်။ လေးရက်မြောက်တဲ့နေ့မှာတော့ မစ္စတာရီရဲ့ ဇနီးက ကိစ္စတစ်ခုနဲ့ အပြင်ထွက်လာပြီး မကြာခင်မှာပဲ မစ္စတာရီ ပြန်ရောက်လာတယ်။ ကျွန်မက ဘာမှမပြောပဲ ရုတ်တရက် ထွက်ခွာသွားတဲ့ မစ္စတာရီ ကို စိတ်ဆိုးဟန်ဆောင်ပြီး ဟောင်ကောင်ကို ပြန်ဖို့ကြိုးစားပါတယ်။ အဲ့ဒီအခါမှာတော့ မစ္စတာရီက ကျွန်မကို သူ့ကိုယုံဖို့အကြိမ်ကြိမ်ပြောပါတော့တယ်။ တကယ်တော့ မစ္စတာရီဟာ သက်တော်စောင့်တွေ အိမ်စေတွေ အများကြီးရှိပေမယ့် ဘယ်သူ့ကိုမှ မယုံပါဖူး။ သံသယတွေ အမြဲတမ်းရှိနေလေလေ သူ့ကို အထီးကျန်မှုတွေဆီ တွန်းပို့နေလေလေပါပဲ။ ဒီတစ်ခါတော့ သူ့ရဲ့ဟာကွက်ကို ကျွန်မကောင်းကောင်းရိပ်မိလာတယ်။ အိမ်ကလေးမှာ လျှပ်တပြက်ကြုံလိုက်ရသလို အရမ်းမနာကျင်တော့ပေမယ့် သူ့ရဲ့ ကြမ်းတမ်းမှုရဲ့ အောက်မှာ ကျွန်မ နေသားတော့ကျလာပါပြီ။ ဒါပေမယ့် ကျွန်မရဲ့နှလုံးသားထဲမှာတော့ မျက်ကနဲ၊ လှိုက်ကနဲ။ သူ့အပေါ်နာကျည်းမှုကြောင့်လား၊ မုန်းတီးမှုကြောင့်လားတော့ မပြောတတ်တော့ပါဘူး။

----------------------------------။---------------------------------

ကျွန်မနဲ့ မစ္စတာရီရဲ့ ဇာတ်လမ်းဟာ အချိန်ကြာလာလေ နှစ်ယောက်စလုံးအတွက် အရှုံးဖြစ်လာလေပါပဲ။ ဒီဟန်ဆောင်မှုတွေ၊ ဒီတော်လှန်ရေးတွေ၊ ဒီစစ်ပွဲတွေကြားမှာ မနေချင်တော့ပါဘူး။ တစ်ရက်တော့ ကျွန်မနဲ့ ခွန်ယုမင် တို့ အဖွဲ့ခေါင်းဆောင် မစ္စတာဝူဆီရောက်သွားတယ်။ မစ္စတာရီကို သတ်ချင်ရင် သတ်လို့ရပေမယ့် တော်လှန်ရေးခေါင်းဆောင်တွေဘက်က မစ္စတာရီကို မသတ်သေးပဲ လိုတဲ့သတင်းအချက်အလက်တွေကို ကျွန်မကိုထပ်ပြီး စုံစမ်းစေချင်ပါတယ်။ ဒီတစ်ခါ ကျွန်မဘက်ကနေ အတင်းကန့်ကွက်သူက ခွန်ယုမင်ပါပဲ။ ခွန်ယုမင်ရဲ့မျက်လုံးလေးတွေကိုကြည့်ပြီး ကျွန်မအတွက် ဘယ်လောက်စိုးရိမ်နေလဲဆိုတာ ကျွန်မသိတယ်။ ရှင်းရှင်းပြောရရင် အချိန်ကြာလေလေ ကျွန်မနဲ့ မစတာရီတို့ကြားမှာ ကြိုးတစ်ချောင်းက ခိုင်မြဲလာလေ ဖြစ်မှာကို သူကြိုတင်သိနေတယ်လေ။ ဒါပေမယ့် မစ္စတာဝူကလက်မလျှော့ပါဘူး။ ကျွန်မလျှောက်နေတဲ့ လမ်းကိုဆက်လျှောက်စေချင်တယ်။ ကျွန်မလည်း သိပါတယ်။ ဒီလိုဆက်လျှောက်နေရရုံကလွဲလို့ ကျွန်မအတွက် ရွေးချယ်စရာ နောက်တစ်ခုမရှိဖူးပေါ့။ သူလျှိုတစ်ယောက်လို မလေ့ကျင့်မိခဲ့တဲ့ ကျွန်မအဖို့ ကျွန်မနှလုံးသားဟာ သူလျှိုတစ်ယောက်လို မမာကြောပါဘူး။ အဲ့ဒါကို ခွန်ယုမင်ကောင်းကောင်းသိတယ်။

----------------------------------။---------------------------------

တစ်နေ့မှာတော့ မစ္စတာရီက ကျွန်မကို တစ်ခုလောက် ကူညီဖို့ပြောတယ်။ ကျွန်မလက်ထဲကို စာအိတ်တစ်အိတ် ထိုးထည့်ပြီး ဒီစာကိုတစ်နေရာကို ပို့ပေးဖို့ပြောတယ်။ ကျွန်မကို စာအိတ်နဲ့ပတ်သက်ပြီး လျှို့ဝှက်ဖို့မှာတယ်။ အဲ့ဒီစာအိတ်ထဲမှာ ဘာရှိသလဲဆိုတာကို ကျွန်မသိချင်လာတယ်။ နောက်မှာတော့ အဲ့ဒီစာအိတ်ကို ခွန်ယုမင်နဲ့ မစ္စတာဝူ ဆီယူလာလိုက်ပြီး ရေနွေးငွေ့ပေးပြီး ကျွန်မတိ့ ဖွင့်ဖတ်ကြတယ်။ ဒါပေမယ့်စာအိတ်ထဲမှာ မစတာရီရဲ့ လိပ်စာကဒ်ကလွဲလို့ ဘာမှာမရှိဖူး။ အဲံဒီအချိန်မှာ ခွန်ယုမင်ကျွန်မအတွက် စိုးရိမ်သွားတယ်။ မစတာရီသိသွားလို့ အဲ့ဒီစာနဲ့ ထောင်ချောက်ဆင်သလားလို့ပေါ့။ ကျွန်မတို့စာအိတ်ကို ပြန်ပိတ်ပြီး မစ္စတာရီကို လုပ်ကြံဖို့ကို အမြန်ဆုံးလုပ်ကြဖို့ စီစဉ်လိုက်တယ်။ အဲံဒီနောက် မစ္စတာရီခိုင်းတဲ့လူဆီ ကျွန်မသွားခါနီးမှာ မထင်မှတ်ပဲ ခွန်ယုမင်ဆီက ရလိုက်တယ်။ အဲ့ဒါကတော့ စိုးရီမ်မှုတွေ ပြည့်နေတဲ့ နွေးထွေးတဲ့ အနမ်းတစ်ခုပေါ့။ ကျွန်မ အဲ့ဒီအနမ်းကို မငြင်းရက်ပါဘူး။ ဒါပေမယ့် ကျွန်မသူ့ကိုတစ်ခွန်းပဲ ပြောလိုက်တယ်။ ဘာဖြစ်လို့ လွန်ခဲ့တဲ့ သုံးနှစ်လောက်ကတည်းက အဲ့ဒီအနမ်းကို မပေးရတာလဲလို့ပေါ့။ သူ့ကိုကြောခိုင်းထွက်လာချိန်မှာ သူ့ဆီမှာ ၀မ်းနည်းမှုတွေ ဆုံးရှုံးမှုတွေ နာကြင်မှုတွေ ကျန်ခဲ့မယ်ဆိုတာ သူဖွင့်မပြောပေမယ့် ကျွန်မသိခဲ့တယ်။

----------------------------------။---------------------------------

ကျွန်မ စာအိတ်ကိုယူပြီး မစ္စတာရီ ပေးခိုင်းတဲ့လူရဲ့ လက်ထဲကို ထည့်လိုက်ချိန်မှာတော့ ကျွန်မရှိခဲ့တဲ့ သံသယတွေ စိုးရိမ်မှုတွေ အားလုံး အဝေးကိုလွင့်စင် ပျောက်ကွယ်သွားတယ်။ လျှို့ဝှက်မှုတွေ ရက်စက်မှုတွေ တိမ်မြုပ်နေတဲ့ မစ္စတာရီက လျှို့လျှို့ဝှက်ဝှက်နဲ့ပဲ သူ့ရင်ထဲက ကျွန်မအပေါ်ထားတဲ့ မြတ်နိုးမှုကို ပြလိုက်တယ်။ ကျွန်မကြည့်ခဲ့ရတဲ့ ရုပ်ရှင်တွေ၊ ပြဇာတ်တွေလို လွမ်းမောဖွယ်ရာ မကောင်းပေမယ့် စာအိတ်လေးထဲမှာ ထည့်ပေးလိုက်တဲ့ သူရဲ့တွယ်တာမှုတွေက တော်လှန်ရေးဆိုတဲ့ စကားလုံးကို ကျွန်မ ဦးနှောက်ထဲမှာ ၀ိုးတိုးဝါးတား ဖြစ်စေခဲ့တယ်။ ထိုလူက မစ္စတာရီရဲ့ လိပ်စာကဒ်ကို ထုတ်ကြည့်ပြီး ကျွန်မကို ရတနာမျိုးစုံထုတ်ပြတယ်။

အံ့သြမှုတွေနဲ့ ဆွံ့အနေတဲ့ ကျွန်မကို အဲ့ဒီလူက ကျွန်မမကြိုက်ဖူးထင်ပြီး အကောင်းဆုံးစိန်တစ်ပွင့်ကို ထုတ်ပြပါတယ်။ အဲ့ဒီစိန်က တကယ့်ရှားပါးတဲ့ ၆ ကာရက်ရှိတဲ့ ပန်းရောင်စိန်ကျောက်တစ်ခုပါပဲ။ အဲ့ဒီစိန်ကျောက်ကိုယူပြီး ကျွန်မအတွက် လက်စွပ်တစ်ကွင်း လုပ်ပေးခဲ့ပါတယ်။ အဲ့ဒီလူဆီက ပြန်လာပြီး မြို့လည်ကကော်ဖီဆိုင်တစ်ခုကို ၀င်လိုက်ပါတယ်။ မျက်နှာဖြူ စားပွဲထိုးလေးဆီက ကျွန်မကော်ဖီတစ်ခွက်မှာပြီး ဖုန်းဆက်ခွင့်တောင်းလိုက်ပါတယ်။ ကျွန်မ ယုမင်တို့ကို ဖုန်းဆက်လိုက်ပြီး ကျွန်မတို့သာ နားလည်တဲ့ စကားနဲ့ လုပ်ကြံမှုစလို့ရပြီဖြစ်ကြောင်း အကြောင်းကြားလိုက်ပါတယ်။ အဲ့ဒီနောက် ကျွန်မစားပွဲမှာပြန်ထိုင်ရင်း မှန်ပြူတင်းမှတစ်ဆင့် အပြင်ကိုငေးကြည့်လိုက်တယ်။ မှန်ပြတင်းရဲ့ ဟိုဘက်ခြမ်းမှာတော့ မရပ်မနားသွားလာလှုပ်ရှားနေတဲ့လူတွေ၊ လမ်းသွားလမ်းလာတွေကို မျက်တောင်မခတ် စောင့်ကြည့်နေတဲ့ရဲတွေ ..........

----------------------------------။---------------------------------

လိမ္မော်ရောင်နေခြည်နုနုလေး အပြီးသတ် မပျောက်ကွယ်သွားခင်မှာ ဒီမြို့ပြရဲ့အလှကို မီးမောင်းထိုးပြနေသလိုပါပဲ။ ကျွန်မ မစ္စတာရီလာအကြိုကို ထိုကော်ဖီဆိုင်လေးထဲကကဲ ထိုင်စောင့်နေခဲ့တယ်။ မကြာခင်မှာပဲ မစ္စတာရီ ရောက်လာပြီး သူ့ကားကလေးနှင့် လက်စွပ်အပ်ခဲ့တဲ့ ဆိုင်လေးဆီ ပြန်လာခဲ့တယ်။

ဆိုင်ထဲကိုမ၀င်ခင် ကျွန်မ လေးပတ်ဝန်းကျင်ကို မသိမသာ အကဲခတ်ကြည့်လိုက်တယ်။ ဟောင်ကောင်မှာ ကျွန်မ ထွက်ပြေးလာပြီးနောက်ပိုင်း မတွေ့တာကြာပြီဖြစ်တဲ့ သူငယ်ချင်းတွေအားလုံးကို ဆိုင်နားမှာ မယောင်မလည်နှင့် တွေ့လိုက်ပါတယ်။ နောက်ဆုံးလုပ်ကြံမှုအတွက် အားလုံးက အဆင်သင့် ဖြစ်နေကြပြီ။

မစ္စတာရီနှင့် ကျွန်မ ဆိုင်ထဲကိုဝင်လာပြီး အပ်ခဲ့တဲ့လက်စွပ်ကို ရွေးယူကြတယ်။ အဖြူရောင် စိန်သေးသေးလေးတွေ ၀န်းရံထားပြီး အလယ်မှာ ပန်းနုရောင်တောက်ပတဲ့ စိန်လက်စွပ်လေးက ကျွန်မဆီကို တုန်လှုပ်ဆွံအမှုတွေ၊ ဝေခွဲမရနိုင်မှုတွေ သယ်ဆောင်လာပေးတယ်။ ကျွန်မ လက်စွပ်ကို ချွတ်ဖို့ကြိုးစားပေမယ့် မစ္စတာရီက ကျွန်မကို ၀တ်ထားဖို့ပြောပါတယ်။ ကျွန်မကို စိုက်ကြည့်နေတဲ့ မစ္စတာရီရဲ့မျက်ဝန်းတွေက ကျွန်မရဲ့ လက်ချောင်းမှာ ရှိနေတဲ့ ပန်းနုရောင်စိန်ပွင့်လေးထက် များစွာတောက်ပလို့နေတယ်။


ထိုအချိန်မှာ နင့်ခနဲနေအောင် ခံစားလိုက်ရတဲ့ ခံစားမှု…..။ အချစ်နှင့်တူတဲ့ ခံစားမှု….။ အဲဒီခံစားမှုကို သွေးကြောတွေ၊ အသက်ရှူသံတွေ ကြားကနေတစ်ဆင့် ကျွန်မ သိလိုက်တယ်။ ကျွန်မ ဘာဆက်လုပ်ရမလဲ…..။ ကျွန်မ ဝေခွဲမရနိုင်တဲ့ ဆုံးဖြတ်ချက်တွေနှင့်အတူ ဟိုး….. ချောက်ကမ်းပါးအောက်ကို တဖြေးဖြေး ပြုတ်ကျသွားသလိုပါပဲ။ ကျွန်မအတွက် အချစ်ဆိုတဲ့ အရာကိုရွေးလိုက်ရင် ကျွန်မတို့ရဲ့ တော်လှန်ရေးကြီး ကျဆုံးသွားလိမ့်မယ်…..။ တကယ်လို့သာ ကျွန်မသာ ဒီတော်လှန်ရေးကို ရွေးလိုက်ရင် မစ္စတာရီတစ်ယောက် မကြာခင်………………။ ကျွန်မ မဆုံးဖြတ်တတ်တော့ဘူး။ ကျွန်မရဲ့ နှုတ်ခမ်းတွေ တစ်စတစ်စ လှုပ်နေပေမယ့် ဘာစကား တစ်ခွန်းမှ ထွက်မလာခဲ့ဘူး……..။

မစ္စတာရီက ကျွန်မကို ကြည်နူးမှု အပြည့်ဖြင့် ငေးကြည့်နေတယ်။ သူ့ရဲ့ကြည်နူးမှုအပြုံးကို ကျွန်မတစ်ခါမှ မတွေ့ခဲံဖူးဘူး။ အဲဒီအပြုံးတွေကြောင့်ပဲ ကျွန်မဆုံးဖြတ်ချက်တစ်ခုကို အမြန်ချလိုက်ပြီး သူ့ကိုပြေးတော့လို့ သတိပေးလိုက်တယ်….။ ပထမတော့ သူ ကျွန်မကို နားမလည်သလို ငေးကြည့်နေတယ်….။ နောက်တော့လေအဟုန်လို ဆိုင်အပြင်ကိုပြေးထွက်သွားတယ်။ သေနတ်သံ တစ်ချက်နှစ်ချက်ကြားလိုက်ရပြီး သူထွက်ပြေးလွတ်မြောက်သွားတယ်။

ကျွန်မဆိုင်အပြင်ရောက်တော့ အရာအားလုံးက ပုံမှန်ပါပဲ။ နောက်တော့ ကျွန်မတွေ့တဲ့ ဆိုက်ကားကို ငှားလိုက်ပါတယ်။ ဆိုက်ကားသမားလေးက ကျွန်မကို အိမ်ပြန်မှာလားလို့မေးတော့ ကျွန်မက တစ်ခါမှ မရှိခဲ့ဘူးတဲ့ အိမ်အပြန်ကို အဓိပွါယ်မဲ့စွာပဲ အင်းလို့ဖြေလိုက်မိတယ်။ ဆိုက်ကားသမားလေးက လူတွေကားတွေကိုကျော်ပြီး သွက်သွက်လေးနင်းလိုက်တဲ့ အချိန်မှာ ဆိုက်ကားလက်တန်းမှာ တပ်ထားတဲ့ လေရဟတ်လေးက ၀ဲခနဲ……. ၀ဲခနဲ……..။ ကျွန်မရဲ့ စိတ်တွေကလည်း အဲဒီလေရဟတ်လေးလိုပဲ ပေါ့ပါးလွတ်လပ်သွားတယ်။ ဒါပေမယ့် မကြာပါဘူး။ ကျွန်မသွားမယ့်လမ်းကို ရဲတွေက ကြိုးတွေနဲ့ တားပြီးပိတ်လိုက်တဲ့အခါ ဘယ်သူမှအဲဒီလမ်းက ဖြတ်ကျော်လို့မရတော့ပါဘူး။ အသက်ကြီးကြီး အမျိုးသမီးတစ်ဦးက အိမ်မှာ ထမင်းချက်နောက်ကျတော့မယ့်အကြောင်း ညည်းတွားရင်း ရဲတွေဆီမှာ ဒီလမ်းကနေ ဖြတ်သွားခွင့် တောင်းနေတာတွေ့လိုက်တော့ ကျွန်မ သူမရဲ့ အိမ်အပြန်ကို ငေးယောင်ကြည့်မိလိုက်တယ်။ အားလုံးရဲ့ အိမ်အပြန်လမ်းက အဓိပွါယ်ကိုယ်စီဖြင့် လှပနေသလောက် ကျွန်မအတွက်ကတော့…….။










ကျွန်မ အိမ်ပြန်ခွင့်တောင်းနေတဲ့ အမျိုးသမီးကို လှည့်ကြည့်ပြီးတဲ့နောက် အကျီင်္ထဲမှာ ထည့်ချုပ်ထားတဲ့ အဆိပ်ဆေးလုံးလေးကို ထုတ်လိုက်ပါတယ်။ ဆေးလုံးလေးကို လက်ထဲမှာ ကိုင်ထားလိုက်ပြီး ကျွန်မရဲ့ စိတ်အာရုံတွေက ဟိုးတစ်ချိန်တုန်းက သူငယ်ချင်းတွေနဲ့ အတူတူ ပြဇာတ်ကခဲ့တဲ့ ဇာတ်ရုံလေးဆီ ပြန်ရောက်သွားတယ်။ ကျွန်မရဲ့နာမည် ခေါ်သံကြားလို့ လှည့်ကြည့်လိုက်တော့ ခွန်ယုမင်ရယ်၊ ရှုကျီရယ်… သူငယ်ချင်းတွေအားလုံး ပြဇာတ်ရုံမှာ ရောက်နေကြပြီလေ…………။